Biogen
VONZA
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
_______________________ 2025-ci il
Dərman vasitəsinin istifadəsi üzrə təlimat (xəstələr üçün)
VONZA örtüklü tabletlər
VONZA
Beynəlxalq patentləşdirilməmiş adı: Vonoprazan
Tərkibi
Təsiredici maddə: 1 tabletin tərkibində 20 mq vonoprazana ekvivalent olan 26,72 mq vonoprazan fumarat vardır.
Köməkçi maddələr: mannitol, mikrokristallik sellüloza (102), qismən prejelatinləşdirilmiş qarğıdalı nişastası (nişasta 1500), kroskarmelloza natrium, kolloidal silisium dioksid, natrium stearilfumarat, maqnezium stearat, Instacoat Universal [ağ IC-U-1308] örtük sistemi.
Təsviri
Ağ rəngli örtüklü, hər iki tərəfi qabarıq, dəyirmi formalı tabletlərdir.
Farmakoterapevtik qrupu
Proton pompasının inhibitorları.
ATC kodu: A02BC08.
Farmakoloji xüsusiyyətləri
Farmakodinamikası
Vonoprazanın istifadəsi mədədaxili pH-nın yüksəlməsinə səbəb olur. Vonoprazanın turşu ifrazına inhibə edici təsiri təkrar gündəlik doza ilə artır. Vonoprazanın antisekretor təsiri preparatın qəbulu dayandırıldıqdan sonra azalsa da, mədədaxili pH 24-48 saat ərzində yüksək olaraq qalır. Vonoprazan QT intervalının uzanmasına klinik cəhətdən əhəmiyyətli təsir göstərmir. Digər kalium-rəqabətli turşu blokatorları (KRTB-i) ilə müqayisədə vonoprazan daha yüksək müsbət yükə malikdir (pKa 9,06). Bu vonoprazanın mədə parietal hüceyrələrinin boru boşluğunda daha yüksək konsentrasiyalarda toplanmasına imkan verir, burada o, H+/K+-ATFaza-nı K+ rəqabətli və geridönən şəkildə bağlayır.
SCH28080 və ya lansoprazol kimi proton pompası inhibitorları kimi digər kalium-rəqabətli turşu blokatorları (KRTB-i) ilə müqayisədə vonoprazan daha güclü H+/K+-ATFaza inhibitor funksiyasına malikdir.
Farmakokinetikası
Vonoprazanın farmakokinetikası zamandan asılı deyil və tarazlıq konsentrasiyası 3-4 gündən sonra əldə edilir. Vonoprazanın birdəfəlik dozasını qəbul edən xəstələrdə AUC0-12 saat, Cmax və Tmax 154,8 nqs/ml, 25,2 nq/ml və 2,5 saat olmaqla gündə iki dəfə AUC0-12 saat, Cmax və Tmax 272,5 nqs/ml və 3,0 5-ci hissə. 7 gün ərzində gündə 10-40 mq vonoprazan qəbul edən xəstələrdə AUC və Cmax dozaya mütənasib şəkildə artmışdır. 20 mq vonoprazan qəbul edən sağlam könüllülərdə yağlı yemək Cmax və AUC-də 5 və 15% yüksəlirdi, lakin bu dəyişikliklər klinik cəhətdən əhəmiyyətli hesab edilməmişdir.
Vonoprazanın peroral birdəfəlik dozasından (20 mq) istifadədən sonra paylanma həcmi 1001 L təşkil edir. Stabil vəziyyətdə, peroral qəbuldan sonra vonoprazanın paylanma həcmi 782,7 L təşkil edir. Vonoprazan bir neçə sitoxrom P450 (CYP) izoformları, əsasən CYP3A4 və daha az dərəcədə CYP3A5, CYP2B6, CYP2C19, CYP2C9 və CYP2D6 ilə metabolizə olunur. Sulfo- və qlükuronosiltransferazalar da vonoprazanın metabolizmində iştirak edir və bütün metabolitlər farmakoloji cəhətdən qeyri-aktivdir. 5,1 CYP3A4 vonoprazanı M-I və M-II metabolitlərinə çevirir, daha sonra onlar müvafiq olaraq qlükuron turşusu ilə birləşmiş M-I-G və M-II-G məhsullarına çevrilirlər. Proton pompası inhibitorlarından fərqli olaraq, CYP2C19 polimorfizmlərinin olması vonoprazanın farmakokinetikasına əhəmiyyətli təsir göstərmir. Vonoprazan sidiklə (67%) və nəcislə (31%) xaric olunur. Qəbul edilən dozanın təqribən 8% və 1,4%-i sidik və nəcislə dəyişməz olaraq xaric olunur.
İstifadəsinə göstərişlər
- Mədə və onikibarmaq bağırsağın xorası, reflüks-ezofagit, aşağı dozada aspirin və digər qeyri-steroid iltihab əleyhinə preparatlar (QSİƏP) qəbul edərkən mədə və ya onikibarmaq bağırsaq xorasının təkrarlanmasının qarşısının alınması.
- Aşağıdakı hallarda Helicobacter pylori eradikasiyasına əlavə olaraq: mədə xorası, onikibarmaq bağırsaq xorası, mədə selikli qişası ilə əlaqəli limfatik toxuma (MƏLT) limfoması, idiopatik trombositopenik purpura, erkən mədə xərçənginin endoskopik rezeksiyasından sonra mədə və ya qastritin səbəb olduğu qastrit.
Əks göstərişlər
- Vonoprazana və ya məhsulun hər hansı köməkçi maddəsinə qarşı yüksək həssaslığı olan xəstələr.
- Atazanavir sulfat, Nelfinavir və ya Rilpivirin hidroxlorid qəbul edən xəstələr.
Xüsusi göstərişlər və ehtiyat tədbirləri
Ümumi
Müalicə zamanı xəstəliyin gedişatını diqqətlə izləmək lazımdır. Xəstəliyin vəziyyətinə uyğun olaraq minimum terapevtik ehtiyac vasitələrdən istifadə edilməlidir. Vonoprazan ilə uzunmüddətli müalicə zamanı ciddi nəzarət (məsələn, endoskopiya ilə) aparılmalıdır. Reflüks-ezofagitinin müalicəsi üçün vonoprazan yalnız xəstəliyin təkrar residivləri və kəskinləşməsi olan xəstələrə təyin edilməlidir. Sağalmanın dəstəklənməsini tələb etməyən xəstələrdə istifadə etmək lazım deyil.
Sağalma uzun müddət davam etdikdə və residiv riski olmadıqda, dozanı 20 mq-dan10 mq-a azaltmaq və ya qəbulun dayandırılması nəzərə alınmalıdır.
Böyrək disfunksiyası
Vonoprazan böyrək funksiyası pozulmuş xəstələrə ehtiyatla təyin edilməlidir, çünki vonoprazanın xaric olmasında gecikmə ola bilər, bu da qanda vonoprazanın konsentrasiyasının artmasına səbəb ola bilər.
Qaraciyər disfunksiyası
Vonoprazan qaraciyər xəstəliyi olan pasiyentlərə ehtiyatla təyin edilməlidir. Çünki qanda vonoprazanın konsentrasiyasının artmasına səbəb ola biləcək maddələr mübadiləsinin olması və vonoprazanın xaric olunmasında gecikmə ola bilər. Qaraciyərin zədələnməsi də daxil olmaqla qaraciyər disfunksiyası qeyd olunmuşdur. Qaraciyər funksiyasının pozulması əlamətləri olan və ya qaraciyər funksiyasının pozulmasına işarə edən əlamətlər və ya simptomlar inkişaf edən xəstələrə vonoprazan qəbulunun dayandırılması tövsiyə olunur.
Artan mədədaxili pH
Vonoprazanın istifadəsi mədədaxili pH-ın yüksəlməsinə səbəb olur, buna görə də sorulması mədədaxili turşu pH-dan asılı olan preparatlarla birlikdə qəbul etmək tövsiyə edilmir. Vonoprazana simptomatik reaksiya mədənin bədxassəli törəməsinin mövcudluğunu istisna etmir. Buna görə də, bu preparatı istifadə etməyə başlamazdan əvvəl, xoranın bədxassəli olmadığından əmin olmalısınız.
Clostridium difficile, ağır kolit, o cümlədən psevdomembranoz kolit
Clostridium difficile səbəb olduğu mədə-bağırsaq infeksiyaları riski artır.
Vonoprazan ilə birlikdə Helicobacter pylori-nin eradikasiyası üçün Amoksisillin və ya Klaritromisin hidratının istifadəsi nəticəsində qanlı nəcislə müşayiət olunan ağır kolit, məsələn, psevdomembranoz kolit baş verə bilər. Qarın ağrısı və tez-tez ishal baş verərsə, müalicəni dərhal dayandırmaq kimi müvafiq tədbirlər görülməlidir.
Xoşxassəli mədə polipləri
Uzun müddət PPİ qəbul edən xəstədə xoşxassəli mədə polipi müşahidə edilmişdir.
Sınıqlar
Proton pompası inhibitorları ilə müalicə olunan xəstələrdə, osteoporozla əlaqəli bud, bilək və ya onurğa sınıqları üçün yüksək risk olduğu bildirilmişdir. Yüksək dozalarda və ya uzunmüddətli (bir il və ya daha çox) müalicə alan xəstələrdə sınıq riski xüsusilə artmışdır.
Hipomaqneziemiya
Preparatı uzun müddət qəbul edən xəstələrdə ağır hipomaqneziemiya halları bildirilmişdir. PPİ müalicəsi ən azı üç ay və əksər hallarda bir ildir.
Digər preparat vasitələri ilə qarşılıqlı təsiri
Vonoprazan aşağıdakı preparatlarla eyni vaxtda tətbiq edildikdə müalicə ehtiyatla aparılmalıdır:
Atazanavir sulfat, Rilpivirin hidroxlorid, CYP3A4 inhibitorları, klaritromisin, diqoksin, metildiqoksin, itrakonazol, tirozinkinaza inhibitorları, gefitinib, nilotinib, erlotinib, nelfinavir.
Hamiləlik və laktasiya dövründə istifadəsi
Bu günə qədər hamilə və ya laktasiya dövründə olan xəstələrdə vonoprazanın qiymətləndirilməsi üçün heç bir klinik tədqiqat aparılmamışdır. Vonoprazan hamilə qadınlarda və ya hamilə qalma ehtimalı olan qadınlarda yalnız gözlənilən terapevtik faydanın hər hansı mümkün riski üstələdiyi düşünüldükdə istifadə edilməlidir. Lakin qəbul edilmə zəruri olduqda, ananın süd ilə qidalandırması dayandırılmalıdır.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Məlumat yoxdur.
İstifadə qaydası və dozaları
Mədə və onikibarmaq bağırsağın xorası.
Böyüklər üçün peroral doza 8 həftəlik mədə xorası müalicəsi və 6 həftəlik onikibarmaq bağırsaq xora müalicəsi üçün gündə bir dəfə olaraq 20 mq Vonoprazan qəbul edilməlidir.
Reflüks-ezofagit
Böyüklər üçün peroral doza 4 həftəlik müalicə müddətində gündə bir dəfə 20 mq Vonoprazan qəbul edilməlidir. Göstərilən doza kifayət deyilsə, doza artırılmalıdır, lakin 8 həftədən çox olmamalıdır.
Residiv və kəskinləşmə ilə reflüks-ezofagitin dəstəkləyici müalicəsi üçün
Peroral doza gündə bir dəfə 20 mq Vonoprazan qəbul edilməlidir.
Aşağı dozalı aspirin qəbul etməklə mədə və ya onikibarmaq bağırsaq xorasının təkrarlanmasının qarşısının alınması:
Böyüklər üçün doza gündə bir dəfə peroral 10 mq Vonoprazan qəbul edilməlidir.
Qeyri-steroid iltihab əleyhinə preparatlar (QSİƏP) qəbul edərkən mədə və ya onikibarmaq bağırsağın xoralarının təkrarlanmasının qarşısının alınması:
Böyüklər üçün doza gündə bir dəfə peroral 10 mq Vonoprazan qəbul edilir.
Helicobacter pylori eradikasiyasına əlavə olaraq:
Böyüklər 7 gün ərzində gündə iki dəfə eyni vaxtda olaraq aşağıdakı üç preparat sxemini istifadə etməlidirlər:
Vonoprazan 20 mq, amoksisillin hidrat 750 mq və klaritromisin 200 mq.
Klaritromisinin dozası klinik göstəricilərə görə artırıla bilər. Bununla belə, doza gündə iki dəfə 400 mq-dan çox olmamalıdır.
Proton pompası inhibitoru, amoksisillin hidrat və klaritromisindən ibarət üç preparat rejimi ilə Helicobacter pylori eradikasiyası uğursuz olarsa, böyüklərə alternativ müalicə olaraq 7 gün ərzində gündə 2 dəfə olaraq aşağıdakı üç preparat verilməlidir: vonoprazan 20 mq, amoksisillin hidrat 750 mq, metronidazol 250 mq .
Əlavə təsirləri
Ümumi yan təsirlər: qəbizlik, ishal, ürəkbulanma, səpgi.
Nadir əlavə təsirlər: yüksək həssaslıq (anafilaktik şok daxil olmaqla), qaraciyər disfunksiyası, qarında narahatlıq, qarın böyümə hissi, dadın pozulması, stomatit, AST (GOT), ALT (GPT), AL-F, LDH və ya γ-GPT, ödem və ya eozinofiliya.
Doza həddinin aşılması
Vonoprazan doza həddinin aşılması təcrübə yoxdur. Vonoprazan hemodializlə qan dövranından xaric olmur. Doza həddinin aşılması baş verərsə, müalicə simptomatik və dəstəkləyici olmalıdır.
Buraxılış forması
10 tablet alüminium folqalı blisterdə. 3 blister içlik vərəqə ilə birlikdə karton qutuya qablaşdırılır.
Saxlanma şəraiti
30°C-dən aşağı temperaturda, işıq, nəmdən qorunan və uşaqların əli çatmayan yerdə saxlayın.
Yararlılıq müddəti
2 il.
Yararlıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
The ACME Laboratories Ltd., Bangladesh.
Dhulivita, Dhamrai, Dhaka-1350, Bangladesh.
Tel.: + 88-02-8091051-3.
E-mail: export@acmeglobal.com
Qeydiyyat vəsiqəsinin sahibi
LN COMPANY LLC, Republic of Azerbaijan.
Khirdalan city, Baku-Guba highway, 12th km,
building 2, No. 3, Republic of Azerbaijan.