Pharmed

VOLTAREN EMULGEL 20MG 100GR GEL (ISVECRE)

TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev

“____”________________ 2021-ci il

Dərman vasitəsinin istifadəsi üzrə təlimat (xəstələr üçün)

Bu dərman preparatını qəbul/istifadə etməzdən əvvəl içlik vərəqəni diqqətlə oxumaq lazımdır, çünki
burada pasiyent üçün mühüm məlumat yerləşdirilib.
Bu içlik vərəqəni saxlamaq lazımdır, çünki onun təkrar oxunması tələb oluna bilər.
Suallar meydana çıxdıqda, həkimə və ya əczaçıya müraciət etmək lazımdır.
Arzuolunmayan hallar, o cümlədən bu içlik vərəqədə təsvir olunmayan istənilən əlavə reaksiyalar
(“Əlavə təsirlər” bölməsinə bax) meydana çıxdıqda, həkimə və ya əczaçıya müraciət etmək lazımdır.
Preparatın istifadəsindən 7 gün keçdikdən sonra pasiyentin vəziyyəti yaxşılaşmadıqda və ya daha da
pisləşdikdə, həkimə müraciət etmək lazımdır.

VOLTAREN EMULGEL 2 % xaricə istifadə üçün gel
VOLTAREN EMULGEL

Beynəlxalq patentləşdirilməmiş adı: Diclofenac

Tərkibi

Təsiredici maddə: 1 q preparatın tərkibində 23,2 mq diklofenak dietilamin vardır ki, bu da 20
mq diklofenak natriuma müvafiqdir.
Köməkçi maddələr: dietilamin, karbomer, makroqol setostearil efiri, kokoil kaprilokaprat,
izopropil spirti, maye parafin, oleil spirti, evkalipt ətirləndiricisi,
butilhidroksitoluol, propilenqlikol, təmiz su.

Təsviri

Yumşaq, bircinsli, ağdan sarımtıla qədər rəngli kreməbənzər geldir.
Farmakoterapevtik qrupu
Oynaq və əzələ ağrıları zamanı xaricə istifadə olunan vasitələr. Xaricə istifadə üçün qeyri-steroid
iltihabəleyhinə vasitələr.

ATC kodu: М02АА15.

Farmakoloji xüsusiyyətləri

Voltaren Emulgel preparatının tərkibində olan təsiredici maddə – diklofenak – qeyri-steroid
iltihabəleyhinə preparatlar (QSİƏP) qrupuna daxildir. Preparat dəriyə yeridilmək üçün xüsusi olaraq
hazırlanmışdır və dəriyə daha yaxşı nüfuz edir. Preparatın aktiv maddəsi toxumaların dərin iltihabına
təsir göstərir.
Preparat oynaqlara və əzələlərə təsir göstərən bir sıra ağrılı vəziyyətlərdə, ağrının yüngülləşdirilməsi
və iltihabın azaldılması üçün istifadə olunur.

İstifadəsinə göstərişlər

Preparatı aşağıdakı vəziyyətlərin müalicəsi üçün istifadə etmək olar:
- əzələ və oynaq travmalarının (məsələn, idmanla məşğul olduqdan sonra və ya bədbəxt hadisə
nəticəsində meydana çıxan çıxıqlar, bağların üzülməsi, zədələnmələr, dartılmalar və ağrılar);

tendinit (məsələn, “tennis dirsəyi”).
- diz oynaqlarının və yüngül dərəcədə əl barmaqların oynaqlarının artrozu
Preparat orta dərəcəli və şiddətli ağrılar daxil olmaqla, ağrını sürətlə yüngülləşdirir, pasiyentlərin
hərəki aktivliyini yaxşılaşdırır və funksiyaların normalaşmasına səbəb olur.
Preparatı böyüklərə və 12 yaşdan yuxarı uşaqlara istifadə etmək olar.

Əks göstərişlər

Preparatı aşağıdakı hallarda istifadə etmək olmaz:
- pasiyentdə diklofenaka və ya preparatın tərkibində olan hər hansı digər komponentlərə (“Tərkibi”
bölməsinə və “Xüsusi göstərişlər və ehtiyat tədbirləri” bölməsinin sonuna bax) və ya ağrının,
qızdırmanın və ya iltihabın müalicəsi üçün istifadə olunan asetilsalisil turşusu (qan laxtalanmasının
qarşısını almaq üçün istifadə olunan preparat) və digər QSİƏP kimi preparatlara qarşı allergiya
(hiperhəssaslıq) olduqda. Şübhəli hallarda həkimə və ya əczaçıya müraciət etmək lazımdır.
Göstərilən preparata qarşı allergik reaksiyanın simptomlarına aşağıdakılar aid ola bilər: fışıltılı
tənəffüs və ya təngnəfəslik (astma); dəri üzərində suluqlu və ya övrəli səpgilər; üz nahiyəsinin və ya
dilin ödemi; zökəm;
- hamiləlik dövrünün son 3 ayı.
Pasiyentdə yuxarıda göstərilən vəziyyətlərdən hər hansı biri müşahidə olunduqda, preparatı istifadə
etmək olmaz.
Xüsusi göstərişlər və ehtiyat tədbirləri
Dəri üzərində kəsiklər, açıq yaralar, səpgilər və ya ekzemalar olduqda, preparatı istifadə etmək
olmaz. Preparatın istifadəsindən sonra dəri üzərində səpgilər meydana çıxdıqda, müalicəni
dayandırmaq lazımdır.
Həkim tərəfindən təyin edilən hallar istisna olmaqla, preparatın dərinin geniş sahələrində
istifadəsindən və ya istifadəsi təsdiq olunan müddətdən daha uzun müddət ərzində istifadəsindən
çəkinmək lazımdır.
Preparat yalnız xaricə istifadə etmək üçün nəzərdə tutulmuşdur. Daxilə qəbul etmək olmaz. Preparatı
udmaq olmaz. İstifadə etdikdən sonra əlləri yumaq lazımdır. Preparatın gözlərə düşməsindən ehtiyat
etmək lazımdır. Belə vəziyyət baş verdikdə, gözləri təmiz su ilə yumaq lazımdır. Diskomfort hissi
saxlanıldığı halda, həkimə və ya əczaçıya müraciət etmək lazımdır.
Çıxıqlar kimi zədələnmələr zamanı adətən istifadə olunan bandajlardan və ya sarğılardan istifadə
etmək olar. Havakeçirməyən (plastik) sarğılardan istifadə etmək olmaz.
İstənilən suallar meydana çıxdığı hallarda, preparatın istifadəsindən əvvəl həkimlə və ya əczaçı ilə
məsləhətləşmək lazımdır.
Preparatın tərkibində olan bəzi komponentlər barədə mühüm məlumat
Preparatın tərkibində aşağıdakı maddələr vardır:
- propilenqlikol – bəzi pasiyentlərdə istifadə nahiyəsində dərinin yüngül qıcıqlanmasının meydana
çıxmasına səbəb ola bilər;
- butilhidroksitoluol – yerli dəri reaksiyalarının (məsələn, kontakt dermatitin) və ya gözlərin və selikli
qişaların qıcıqlanmasının meydana çıxmasına səbəb ola bilər.
Uşaqlar (12 yaşa qədər)
12 yaşa qədər uşaqlarda preparatı istifadə etmək olmaz.
Digər dərman vasitələri ilə qarşılıqlı təsiri
Hal-hazırda istifadə edilən və ya bir müddət əvvəl istifadə edilən dərman preparatları barədə, o
cümlədən, reseptsiz əldə olunan dərman preparatları barədə həkimi və ya əczaçını məlumatlandırmaq
lazımdır.

Hamiləlik və laktasiya dövründə istifadəsi

Hamiləlik dövründə, planlaşdırılan və ya ehtimal edilən hamiləlik zamanı və laktasiya dövründə,
preparatı istifadə etməzdən əvvəl həkimlə və ya əczaçı ilə məsləhətləşmək lazımdır.
Uşağa zərər yetirə bilməsini və ya doğuş zamanı ağırlaşmaların meydana çıxma ehtimalını nəzərə

alaraq, hamiləlik dövründə, xüsusilə hamiləliyin son 3 ayı müddətində preparatı istifadə etmək
olmaz.
Laktasiya dövründə preparatı istifadə etmək olmaz.

İstifadə qaydası və dozası

Preparatı hər zaman, tibbi istifadəsi üzrə təlimatda təsvir olunduğu kimi və ya həkim təyinatına
müvafiq istifadə etmək lazımdır. Suallar meydana çıxdıqda, həkimə və ya əczaçıya müraciət etmək
lazımdır.
Böyüklər və 12 yaşdan yuxarı uşaqlar
Ağrı nahiyəsinin ölçüsündən asılı olaraq, dərinin zədələnmiş nahiyəsinə preparatı 2-4 q dozada
(preparatın bu miqdarı həcminə görə albalı və ya qoz meyvəsi ölçüsünə müvafiqdir və bədən səthinin
400-800 sm2
sahəsi üzərində istifadə üçün yetərlidir), gündə 2 dəfə səhər və axşam çəkmək və yüngül
yeritmək lazımdır.
Preparatın ilk istifadəsindən əvvəl tubun üzərindən qoruyucu membranı çıxarmaq üçün, qapağı
burmaq və açmaq lazımdır. Qapağın əks tərəfindən istifadə edərək, tubun üzərindəki qoruyucu
membranı dəlmək, burmaq və çıxarmaq lazımdır.
Səliqə ilə sıxaraq, tubdan bir qədər geli ağrılı və ya ödemli nahiyənin üzərinə çəkmək və tədricən
dəriyə yeritmək lazımdır. İstifadə olunan gelin miqdarı ağrılı və ya ödemli nahiyənin ölçüsündən asılı
ola bilər. Bir qarda olaraq, albalı və ya qoz meyvəsi ölçüsünə müvafiq gelin miqdarı yetərli olur. Geli
dəri üzərinə çəkdikdə yüngül sərinləşdirici effekt hiss oluna bilər.
Gelin ağıza və ya gözlərə düşməsindən qaçınmaq məqsədi ilə, preparatı yeritdikdən sonra, əllər
müalicə nahiyəsi olmadığı halda, onları yumaq lazımdır (“Xüsusi göstərişlər və ehtiyat tədbirləri”
bölməsinə bax).
Preparatı yalnız xaricə istifadə etmək olar.
Preparatı 14 gündən artıq istifadə etmək olmaz.
Daha uzunmüddətli istifadə yalnız həkim tərəfindən təyin oluna bilər.
Ağrı və ya ödem zamanı preparatın istifadəsindən 7 gün keçdikdən sonra yaxşılaşma müşahidə
olunmadıqda, həkimlə məsləhətləşmək lazımdır.
Preparatın istifadəsinin ötürülməsi
Preparatın vaxtında düzgün istifadəsi ötürüldükdə, onu mümkün qədər tez istifadə etmək və daha
sonra, istifadəsini sxem üzrə davam etdirmək lazımdır. Ötürülmüş dozanı kompensasiya etmək üçün,
preparatın ikiqat dozasından istifadə etmək olmaz.
Göstərilən preparatın istifadəsi barədə suallar meydana çıxdıqda, həkimə və ya əczaçıya müraciət
etmək lazımdır.

Əlavə təsirləri

Bütün dərman vasitələri kimi Voltaren Emulgel preparatı da arzuolunmayan halların meydana
çıxmasına səbəb ola bilər, lakin bu hallar hər pasiyentdə müşahidə olunmur.
Bəzi əlavə reaksiyalar nadir hallarda və ya çox nadir hallarda meydana çıxırlar və ciddi ola bilərlər.
Aşağıda göstərilən, allergik reaksiya əlamətləri ola bilən istənilən simptomlar meydana çıxdıqda,
preparatın istifadəsini dayandırmaq və dərhal həkimə və ya əczaçıya müraciət etmək lazımdır:
- dəri üzərində suluqlarla müşayiət olunan səpgilər; övrə (10000 pasiyentdən 1-dən 10-a qədər
müşahidə oluna bilər);
- fışıltılı tənəffüs, tənəffüsün çətinləşməsi və ya sinədə sıxılma hissi (astma) (10000 pasiyentdən 1
nəfərdən azında müşahidə oluna bilər);
- üz nahiyəsinin, dodaqların, ağızın və ya boğazın ödemi (10000 pasiyentdən 1 nəfərdən azında
müşahidə oluna bilər).
Meydana çıxa bilən digər əlavə reaksiyalar, bir qayda olaraq, müvəqqətidirlər və ağır dərəcəli
deyillər (lakin, narahatlıq olduqda, həkimə və ya əczaçıya müraciət etmək lazımdır).
Tez-tez müşahidə olunan əlavə reaksiyalar (100 pasiyentdən 1-dən 10-a qədər müşahidə oluna bilər):
dəri üzərində səpgilər, qaşınma, dəridə qızartı və ya ağrı hissi.
Çox nadir hallarda müşahidə olunan əlavə reaksiyalar (10000 pasiyentdən 1 nəfərdən azında
müşahidə oluna bilər): dəri günəşə qarşı həssas ola bilər. Günəşin təsiri nəticəsində meydana çıxan

yanığın mümkün əlamətlərinə qaşınma, ödem və suluqların meydana çıxması aid ola bilər.

Əlavə təsirlər barədə məlumatlar

Pasiyentdə hər hansı əlavə reaksiyalar, o cümlədən preparatın tibbi istifadəsi üzrə təlimatda qeyd
olunmayan reaksiyalar meydana çıxdıqda, həkimə məlumat vermək lazımdır. İstənilən
arzuolunmayan hallar barədə birbaşa məlumatı aşağıdakı yollarla vermək olar: milli məlumat sistemi
vasitəsi ilə, internetlə və ya digər yollarla.
Əlavə reaksiyalar barədə məlumat verməklə, dərman preparatının təhlükəsizliyi barədə əlavə
məlumat əldə etmək mümkündür.
Dərman vasitələrinin istifadəsi zamanı yaranan əlavə təsirlər haqqında məlumatları Azərbaycan
Respublikası Səhiyyə Nazirliyi Analitik Ekspertiza Mərkəzi Farmakonəzarət Sektoruna (Ünvan:
AZ1065, Azərbaycan Respublikası; Bakı şəh., Cəfər Cabbarlı küç., 34.; Faks: (99412) 596-07-16 ; e-
mail: adr@pharma.az; Tel.:(99412)596-05-20 Qaynar xətt (99412) 596-07-12).
Doza həddinin aşılması
Geli tələb olunduğundan artıq dozada istifadə etdikdə, gelin artıq miqdarını salfet ilə silmək lazımdır.
Pasiyent və ya uşaq geli təsadüfən daxilə qəbul etdikdə, təcili həkimə müraciət etmək lazımdır.

Buraxılış forması
50 q və ya 100 q, qoruyucu membranla təchiz olunmuş, ağ rəngli burulan qapaqlı laminat tublarda.
Bir tub içlik vərəqə ilə birlikdə karton qutuya qablaşdırılır.

Saxlanma şəraiti
30° C-dən aşağı temperaturda və uşaqların əli çatmayan yerdə saxlamaq lazımdır.

Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
Qeydiyyat vəsiqəsinin sahibi və istehsalçı
GSK Consumer Healthcare S.A., İsveçrə / GSK Consumer Healthcare S.A., Switzerland.

Ünvan
Route de l᾽Etraz, 1260 Nyon, Switzerland.
Preparatın istifadəsi zamanı arzuolunmayan hallar meydana çıxdıqda, aşağıda göstərilən elektron
ünvanlara müraciət etmək lazımdır: oax70065@gsk.com (Azərbaycan, Gürcüstan, Özbəkistan,
Tacikistan, Türkmənistan üçün) və EAEU.PV4customers@gsk.com (Ermənistan, Belarus,
Qırğızıstan və Monqolustan üçün). Preparatın keyfiyyəti barədə şikayətlər aşağıda göstərilən elektron
ünvan vasitəsi ilə qəbul edilir: UA-CIS.LOC-PQC@gsk.com.
Ticarət nişanları GSK şirkətlər qrupuna məxsusdur və ya onlar tərəfindən istifadə olunurlar.
©2019 GSK şirkətlər qrupu və ya onların lisenziya sahibi.