Pharmed
VALERIAN EXTRACT 20MG N50 TB
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“_____”______________ 2022-ci il
Dərman vasitəsinin istifadəsi üzrə təlimat (xəstələr üçün)
PİŞİKOTU EKSTRAKTI 20 mq örtüklü tabletlər
VALERIAN EXTRACT
Tərkibi
Təsiredici maddə: 1 tabletin tərkibində 20 mq qatı pişikotu ekstraktı (pişikotunun kök və
kökümsovlarından, ekstragent etil spirti 40% (h/h) )vardır.
Köməkçi maddələr:əsasi maqnezium karbonat, kartof nişastası, talk, jelatin, şəkər, piqmentli titan
dioksid, arı mumu, bərk parafin, günəbaxan yağı, xinolin sarısı E104, susuz
kolloidal silisium dioksid.
Təsviri
Hər iki tərəfi qabarıq, sarı rəngli örtüklü tabletlərdir.
Farmakoterapevtik qrupu
Digər sedativ və yuxugətirici vasitələr.
ATC kodu: N05CM09.
Farmakoloji xüsusiyyətləri
Pişikotu preparatının kökü sedativ təsirə malikdir, yuxuyagetməni yüngülləşdirir və
yuxunun keyfiyyətini yaxşılaşdırır.
İstifadəsinə göstərişlər
Yüksək sinir oyanıqlığında (nevrasteniya) və yuxu pozulması zamanı istifadə edilir.
Qeyd edilən təyinatlar üzrə istifadəsi, yalnız davamlı istifadə təcrübəsinə əsaslanır.
Əks göstərişlər
Preparatın istənilən komponentinə qarşı yüksək həssaslıq, hamiləlik, laktasiya dövrü, 12 yaşa
qədər uşaqlar.
Xüsusi göstərişlər və ehtiyat tədbirləri
Fruktozaya qarşı dözümsüzlüyü olan və ya qlükoza-qalaktoza malabsorbsiyası olan
pasiyentlərdə dərman vasitəsini istifadə etmək olmaz.
Pişikotu preparatının effektinin tədricən inkişafı səbəbindən preparatı psixi oyanıqlığın və
yuxunun pozulması simptomlarının azalması vacib olduğu halda təcili yardım kimi istifadə
etmək məsləhət görülmür.
Dərman vasitəsinin 2 həftəlik fasiləsiz qəbulundan sonra xəstəliyin sinmptomları qaldıqda
və ya pasiyentin vəziyyəti pisləşdikdə, həkimə müraciət etmək vacibdir.
Digər dərman vasitələri ilə qarşılıqlı təsiri
Digər dərman vasitələrilə qarşılıqlı təsiri barədə məlumat məhduddur.
Pişikotu preparatlarının sintetik sedativ vasitələrlə kombinasiyası ilk olaraq, həkim
məsləhəti və müalicə prosesi zamanı həkim nəzarəti tələb edir.
Hamiləlik və laktasiya dövründə istifadəsi
Hamiləlik və laktasiya dövründə istifadəsinin təhlükəsizliyi müəyyən edilməyib. Kifayət
qədər məlumatın olmadığı üçün hamiləlik və laktasiya dövründə istifadəsi məsləhət
görülmür.
Pediatriyada istifadəsi
12 yaşdan aşağı uşaqlarda istifadəsinin təhlükəsizliyi müəyyən edilməyib. Kifayət qədər
məlumatın olmaması səbəbindən 12 yaşa qədər uşaqlarda istifadəsi məsləhət görülmür.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə
təsiri
Müalicə dövründə nəqliyyat vasitəsini və yüksək diqqət, sürətli psixomotor və hərəki reaksiyalar
tələb edən digər potensial təhlükəli fəaliyyət növlərilə məşğul olmaqdan çəkinmək lazımdır.
İstifadə qaydası və dozası
Yüksək sinir oyanıqlığı zamanı (nevrasteniya): 20 mq-100 mq (1-5 tablet), ümumi
keçiricilikdən və sedativ effektin əldə edilməsindən asılı olaraq, gündə 6 dəfəyə qədər
istifadə edilir.
Yuxunun pozulması zamanı: 20 mq-100 mq (1-5 tablet) yatmazdan yarım və ya 1 saat əvvəl
təyin edilir, ehtiyac olduqda, axşam vaxtı dərman vasitəsinin əvvəlcədən qəbulu (1-5 tablet)
məsləhət görülür.
Müalicə kursu xəstəliyin xüsusiyyətindən, əldə edilən effektdən və dərman vasitəsinə qarşı
dözümlükdən asılı olaraq, həkim tərəfindən müəyyən edilir.
Qaraciyər və/ya böyrək funksiyası pozulmuş pasiyentlərdə istifadəsinin xüsusiyyətləri:
məlumat yoxdur.
Əlavə təsirləri
Allergik reaksiyalar mümkündür (dəri səpgisi, qaşınma, hiperemiya, dərinin ödemi),
başağrının, ümumi zəifliyin, iş qabiliyyətinin azalması, yuxululuğun, qıcıqlanmanın,
həyəcanın, mədə-bağırsaq pozuntusunun (ürəkbulanma, qarın nahiyəsində ağrı) təzahürü.
Yüksək dozaların istifadəsi bradikardiya və aritmiyaya, eləcə də, bağırsağın motorikasının
azalmasına (qəbizlik) səbəb ola bilər.
Əlavə təsirlərin yarandığı halda, eləcə də, içlik vərəqədə qeyd edilməyən təsirlər meydana
gəldikdə, dərman vasitəsinin istifadəsini dayandırmaq və həkimə müraciət etmək lazımdır.
Doza həddinin aşılması
Doza həddinin aşılması zamanı həkimə müraciət etmək lazımdır.
Simptomları
Dərman vasitəsinin məsləhət görülən dozadan yüksək dozasının uzun müddət istifadəsi
aşağıdakı simptomlara səbəb olur: süstlük, başağrı, yuxululuq, iş qabiliyyətinin azalması,
mədə-bağırsaq sistemi tərəfindən baş verən diskomfort, ürəkbulanma, ürək fəaliyyətinin
pozulması (bradikardiya). Həddindən artıq yüksək dozanın (20 q-a qədər pişikotu kökü) bir
dəfəyə qəbulu zamanı qarın nahiyəsində spastik xarakterli ağrının inkişafı mümkündür,
sinədə sıxılma hissi, başgicəllənmə, ümumi zəiflik, əllərdə tremor və bəbəklərin genəlməsi.
Müalicəsi
Yüksək dozanın bir dəfəyə qəbulu zamanı qusma induksiyası yaratmaq, mədənin yuyulması
(preparatın istifadəsindən sonra 2 saatdan gec olmamaqla) məsləhət görülür. Dərman
vasitəsinin yüksək dozalarda uzun müddət qəbulu zamanı preparatın istifadəsinin
dayandırılması məsləhət görülür. Spesifik antidot yoxdur. Terapiya simptomatikdir.
Buraxılış forması
50 tablet, şüşə flakonda. Qutusuz flakonlar, içlik vərəqələri ilə birlikdə qrup qablaşdırmasına
qablaşdırılır. İçlik vərəqələrin sayı flakonların sayına müvafiq olmalıdır.
25 tablet PVX örüklü və alüminium folqalı konturlu-yuvalı blisterdə. Blisterlər içlik vərəqə ilə
birlikdə qrup qablaşmasında.
Saxlanma şəraiti
25º C-dən yüksək olmayan temperaturda, rütubətdən qorunan və uşaqların əli çatmayan yerdə
saxlamaq lazımdır.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
“Borisov Dərman Preparatları Müəssisəsi” ASC.
Belarus Respublikası, Minsk vilayəti, Borisov ş., Çapayev k., 64.
Tel.: +375 (177) 735612, 731156.