Pharmed

UPERIO 24/26MG N28 TB

TƏSDİQ EDİLMİŞDİR 
Azərbaycan Respublikası
Səhiyyə Nazirliyi
 Farmakoloji və Farmakopeya
 Ekspert Şurasının sədri
 _____________ E.M.Ağayev
 
“____”________________ 2022-ci il
 Dərman vasitəsinin istifadəsi üzrə təlimat (xəstələr üçün)
 Bu dərman vasitəsinə xüsusi nəzarət olunmalıdır. Bu, yeni təhlükəsizlik məlumatlarını tez 
müəyyən etməyə imkan verəcəkdir. Tibb işçilərindən hər hansı şübhəli əlavə təsir barədə məlumat 
vermələri xahiş olunur. Dərman vasitəsinin əlavə təsirləri barədə məlumatların bildirilməsi hissəsinə 
baxın.
 
YUPERİO 24 mq/26 mq, 49 mq/51 mq, 97 mq/103 mq örtüklü tabletlər
UPERIO®
Beynəlxalq patentləşdirilməmiş adı: Sacubitril/Valsartan.
Tərkibi
Təsiredici maddə:
YUPERİO 24 mq/26 mq tabletlər: 1 tabletin tərkibində 24,3 mq sakubitril, 25,7 mq valsartan vardır (50 
 mq sərbəst, susuz sakubitril/valsartana ekvivalent 56,551 mq 
sakubitril/valsartan natrium duzu hidrat kompleksi) vardır.
YUPERİO 49mq/51 mq tabletlər: 1 tabletin tərkibində 48,6 mq sakubitril, 51,4 mq valsartan vardır.
 (100 mq sərbəst, susuz sakubitril/valsartana ekvivalent 113,103 mq
sakubitril valsartan natrium duzu hidrat kompleksi) vardır.
YUPERİO 97mq/103 mq tabletlər: 1 tabletin tərkibində 97,2 mq sakubitril, 102,8 mq valsartan 
 vardır (200 mq sərbəst, susuz sakubitril/valsartana ekvivalent 
 226,206 mq sakubitril valsartan natrium duzu hidrat kompleksi)
 vardır.
Köməkçi maddələr: mikrokristallin sellüloza, aşağı dozada hidroksipropilsellüloza, 
 krospovidon, maqnezium stearat, talk, kolloidal silisium dioksid.
Örtük: hipromelloza, titan dioksid (E 171), makroqol 4000, talk, qırmızı 
 dəmir oksidi.
24/26 və 97/103 mq tabletlər üçün qara dəmir oksidi (E172). 
 49/51 mq tabletlər: sarı dəmir oksidi (E172).
Təsviri
24mq/26 mq: bənövşəyi – ağ, ovalşəkilli, ikitərəfli qabarıq, kənarları kəsik, bölmə xətti olmayan, bir 
 tərəfində “NVR”, digər tərəfində “LZ” yazısı olan örtüklü tabletlərdir.
49 mq/51 mq: açıq-sarı, ovalşəkilli, ikitərəfli qabarıq, kənarları kəsik, bölmə xətti olmayan, bir 
 tərəfində “NVR”, digər tərəfində “L1” yazısı olan örtüklü tabletlərdir.
97mq/103mq: açıq-çəhrayı, ovalşəkilli, ikitərəfli qabarıq, kənarları kəsik, bölmə xətti olmayan, bir 
 tərəfində “NVR”, digər tərəfində “L11” yazısı olan örtüklü tabletlərdir.
Farmakoterapevtik qrupu
Renin-angiotenzin sisteminə təsir edən vasitələr; angiotenzin II reseptorlarının antaqonistləri, digər 
kombinasiyalar.
ATC kodu: CO9DX04.

Farmakoloji xüsusiyyətləri
Təsir mexanizmi
YUPERİO dərman vasitəsi angiotenzin reseptorlarının blokatoru – valsartan və neprilizin inhibitoru –
sakubitrilin birləşməsidir. Beləliklə, YUPERİO-nun təsir mexanizmi eyni zamanda sakubitrilatın
(sakubitrilin aktiv metaboliti) təsiri ilə neprilizinin (neytral endopeptidaza; NEP) inhibə olunması və
valsartanın təsiri ilə angiotenzin II tip - 1 reseptorlarının blokadasını əks etdirir. 
Ürək çatışmazlığı olan xəstələrdə YUPERİO dərman vasitəsinin kardiovaskulyar sistemə əlavə faydası və
böyrəklərə təsiri sakubitrilatın neprilizinin təsiri ilə parçalanan peptidləri aktivləşdirdiyi halda (xüsusilə
Natriumuretik peptidlər) valsartan tərəfindən angiotenzin II-nin neqativ təsirlərinin eyni zamanda inhibə
olunması ilə izah olunur. Natriumuretik peptidlərin təsiri quanilsiklaza ilə birləşmiş membran əlaqəli 
reseptorların aktivləşməsi ilə təzahür olunur. Nəticə olaraq vazodilitasiya simptomlarına səbəb olan, 
natriumurez və diurezi artıran, yumacıq filtrasiya sürətini və böyrəklərdə qan dövranını artıran, renin və
aldosteron ifrazını tormozlayan, simpatik aktivliyin və həmçinin antihipertrofik və antifibrotik təsiri
azaldan siklik quanozinmonofosfatın konstenrasiyası artır.
Valsartan seçici olaraq AT1 reseptorlarını blokada edərək, angiotenzin II-nin ürək damar sisteminə neqativ 
təsirini tormozlayır və həmçinin aldosteronun angiotenzin II asılı ifrazını blokada edir. Bu, damarların 
daralması, böyrəklərdə natrium və mayenin ləngiməsi, hüceyrələrin proliferasiyası və inkişafının 
aktivləşməsi, həmçinin ürək-damar sisteminin sonrakı quruluşu renin-angiotenzin-aldosteron sisteminin
davamlı aktivləşmısinin qarşısını alır.
Farmakodinamikası
YUPERİO dərman vasitəsinin farmakodinamik təsiri birdəfəlik və çoxsaylı dozaların sağlam könüllülərə
və ürək çatışmazlığı olan xəstələrə yeridilməsindən sonra qiymətləndirilmiş və eyni zamanda neprilizin 
inhibəsi və RAAS blokadası ilə uyğundur. 7 günlük valsartan nəzarətli tədqiqatda HFrEF (atım 
fraksiyasının azalması ilə ürək çatışmazlığı) olan xəstələrdə YUPERİO dərman vasitəsinin qəbulu 
valsartanla müqayisədə natriurezisin əhəmiyyətli qeyri-davamlı artması, sidikdə siklik quanozin-
monofosfatın artması və plazmada MR-proANP və NT-proBNP-nin azalması ilə nəticələnmişdir. HFrEF 
xəstələrdə 21-günlük tədqiqatlarda YUPERİO dərman vasitəsi ilkin göstəricilərlə müqayisədə, sidikdə
ANP və cGMP-ni və plazmada cGMP-ni əhəmiyyətli dərəcədə artırmış, həmçinin, plazmada NT-pro 
BNP, aldosteron və endotelin -1 səviyyəsini azaltmışdır. YUPERİO həmçinin plazmada reninin
aktivliyinin və konsentrasiyasının artmasına sübut olaraq AT1 reseptorlarını blokada etmışdır.
Farmakokinetikası
Absorbsiyası
Daxilə qəbul edildikdən sonra YUPERİO dərman vasitəsi sakubitrilə çevrilir və sakubitril öz növbəsində
sakubitrilata və valsartana metabolizə olaraq, pik plazma konsentrasiyasına müvafiq olaraq 0,5 saat, 2 saat 
və 1,5 saatda çatır. Sakubitril və valsartanın peroral mütləq biomənimsənilməsi müvafiq olaraq ≥ 60% və
23% təxmin edilmişdir. YUPERİO dərman vasitəsinin tərkibindəki valsartanın biomənimsənilməsi, 
satışda olan digər valsartan tərkibli dərman vasitələrindəkindən daha yüksəkdir.
YUPERİO dərman vasitəsinin gündə iki dəfə qəbulu zamanı sakubitril, sakubitrilat və valsartan tarazlıq 
vəziyyətində göstəricilərə 3 gün ərzində çatır. Tarazlıq vəziyyətində sakubitril və valsartan əhəmiyyətli 
dərəcədə akkumulyasiya olunmadığı halda, sakubitrilat 1,6 dəfə akkumulyasiya olunur. Preparatın qida 
ilə birlikdə qəbulu sakubitril, sakubitrilat və valsartanın sistem ekspozisiyasına klinik əhəmiyyətli təsir
etmir. Baxmayaraq ki, YUPERİO dərman vasitəsinin qida ilə qəbulu zamanı valsartanın ekspozisiyası 
azalır, bu azalma terapevtik effektin klinik əhəmiyyətli azalması ilə müşahidə edilmir. YUPERİO dərman 
vasitəsi bu səbəbdən qida ilə birlikdə və ya qidasız qəbul edilə bilər.
Paylanması
YUPERİO dərman vasitəsi plazma zülalları ilə yüksək dərəcədə birləşir (94%-97%). Plasma və OBM 
ekspozisiyasındakı fərqlərə əsasən, sakubitrilat cüzi miqdarda (0,28%) qan beyin baryerin keçir. Görünən 
paylanma həcmi 75L-103 L arasında dəyişir.
Biotransformasiyası
Sakubitril esterazalar tərəfindən sakubitrilata asanlıqla çevrilir; sakubitrilat isə öz növbəsində əhəmiyyətli 
dərəcədə metabolizə olunmur. Valsartan minimal şəkildə metabolizə olunur, belə ki, dozanın yalnız 20% 
metabolitlər şəklində olur. Hidroksil metaboliti plazmada aşağı konsentrasiyada (<10%) aşkar edilmişdir. 
Sakubitril və valsartanın CYP450 fermenti tərəfindən metabolizmi minimal olduğuna görə, CYP450
fermentlərinə təsir edən preparatlarla yanaşı istifadəsinin farmakokinetikaya təsir ehtimalı aşağıdır.

Xaric olması
Daxilə qəbul edildikdən sonra, sakubitrilin 52-68% (əsasən sakubitrilat kimi) və 13% valsartan və onun 
metabolitləri sidiklə xaric olunur; sakubitrilin 37-48% (əsasən sakubitrilat kimi) və 86% valsartan və onun 
metabolitləri nəcislə xaric olunur. Sakubitril, sakubitrilat və valsartanın plazmadan orta yarımxaric olma 
dövrü müvafiq olaraq 1,43 saat, 11,48 saat və 9,90 saat omuşdur.
Xəttilik/qeyri-xəttilik
YUPERİO-nun 50-400 mq doza sınaq intervalında sakubitril, sakubitrilat və valsartanın 
farmakokinetikaları xətti olmuşdur.
Ayrı-ayrı qrup xəstələrdə farmakokinetika
Yaşlı xəstələrdə (65 yaş və yuxarı)
Sakubitrilat və valsartanın ekspozisiyası gənc xəstələrlə müqayisədə yaşlı xəstələrdə müvafiq olaraq 42% 
və 30% artmışdır. Bu artım klinik əhəmiyyətli təsirlərlə əlaqələndirilmədiyi üçün dozaya düzəlişlərin 
edilməsi tələb olunmur.
Uşaqlarda (18 yaşdan aşağı)
YUPERİO dərman vasitəsinin istifadəsi uşaqlarda öyrənilməmişdir.
Böyrək funksiyası pozulmuş xəstələr
Böyrək funksiyası ilə sakubitrilatın sistem ekspozisiyası arasında korrelyasiya müşahidə edildiyi halda 
valsartanla müşahidə edilməmişdir. Yüngül (60 ml/dəq/1,73 m2 <e YFS< 90 ml/dəq/1,73m2
) və ya orta 
dərəcədə (30 mL/dəq/1,73 m2 ≤eGFR < 60 mL/dəq/1,73 m2
) böyrəklərin funksional pozğunluğu olan 
xəstələrdə sakubitrilat üçün AUC göstəricisi 2 dəfə yüksək olmuşdur. Bu qrup xəstələrdə dozaya 
düzəlişlər etməyə ehtiyac yoxdur. Ağır dərəcədə böyrəklərin funksional pozğunluğu olan xəstələrdə
(eGFR <30mL/dəq/1,73 m2
) sakubitrilatın AUC göstəricisinin 2,7 dəfə artması müşahidə edilmişdir. Bu 
xəstələrə başlanğıc doza üçün gündə iki dəfə 50 mq YUPERİO tövsiyə edilir. Məlumatların məhdud 
olduğunu nəzərə alaraq bu qrup xəstələrdə YUPERİO dərman vasitəsinin qəbulu zamanı ehtiyatlı olmaq 
tösiyə edilir. Dializ olan xəstələrin iştirakı ilə klinik tədqiqatlar aparılmamışdır. Sakubitrilat və valsartanın
yüksək dərəcədə plazma zülalları ilə birləşdiyini nəzərə alaraq, bu maddələrin dializ vasitəsilə effektli 
şəkildə xaric olunması ehtimalı azdır.
Qaraciyər funksiyası pozulmuş xəstələr
Sağlam şəxslərlə müqayisədə zəif və ya orta dərəcədə qaraciyərin funksional pozğunluğu olan xəstələrdə, 
sakubitrilin ekspozisiyası müvafiq olaraq 1,5 və 3,4 dəfə, sakubitrilat 1,5 və 1,9 dəfə, valsartan 1,2 və 2,1 
dəfə artmışdır. Zəif dərəcədə qaraciyərin funksional pozğunluğu olan xəstələrdə (Çayld-Pyu təsnifatı A) 
həmçinin öd yollarının obstruktiv xəstəlikləri olan xəstələrdə dozaya düzəlişlərin edilməsinə ehtiyac 
yoxdur. Orta dərəcədə qaraciyər funksiyası pozulmuş xəstələrdə (Çayld-Pyu təsnifatı B) başlanğıc doza 
gündə iki dəfə 50 mq olaraq tösiyə edilir. YUPERİO dərman vasitəsi ağır dərəcədə qaraciyər çatışmazlığı 
olan xəstələrdə tədqiq edilməmişdir. Bununla əlaqədar olaraq, ağır dərəcədə qaraciyər funksiyası 
pozulmuş xəstələrdə YUPERİO-nun istifadəsi tövsiyə olunmur.
Etnik mənsubiyyət
YUPERİO dərman vasitəsinin farmakokinetikası (sakubitril, sakubitrilat və valsartan) müxtəlif irq və
etnik qruplarda (avropoid, neqroid, aziat, yapon və digərləri) müqayisəlidir.
Gender (cins)
YUPERİO dərman vasitəsinin farmakokinetikası (sakubitril, sakubitrilat və valsartan) kişi və qadınlarda 
oxşar olmuşdur.
İstifadəsinə göstərişlər
YUPERİO dərman vasitəsi sistolik disfunksiyası olan xəstələrdə ürək çatışmazlığının (NYHA II-IV) 
müalicəsi üçün göstərişdir. Enalaprillə müqayisədə YUPERİO dərman vasitəsini qəbul edən xəstələrdə
kardiovaskulyar ölüm və ürək çatışmazlığı ilə hospitalizasiya hallarının azalması müşahidə edilmişdir. 
Həmçinin YUPERİO dərman vasitəsi enalaprillə müqayisədə bütün-səbəblərdən ölüm hallarını 
azaltmışdır. 
Adətən, YUPERİO, AÇF inhibitoru və ya ARB-in yerinə, ürək çatışmazlığına qarşı digər dərman 
vasitələri ilə birlikdə qəbul edilir. 
Əks göstərişlər
• Sakubitril və valsartan kimi təsiredici maddələrə və ya yuxarıda sadalanan köməkçi maddələrdən 
hər hansı birinə qarşı hiperhəssaslıq.

• AÇF inhibitorları ilə yanaşı istifadə. YUPERİO dərman vasitəsi AÇF inhibitorları ilə müalicənin 
dayandırılmasından sonrakı 36 saat müddətində istifadə edilməməlidir.
• Anamnezində əvvəllər AÇF inhibitorları və ya angiotenzin reseptorlarının blokatorlarının 
müalicəsi ilə əlaqələndirilən angionevrotik ödem hallarının olması.
• İrsi angionevrotik ödem.
• 2-ci Tip şəkərli diabet xəstələrində aliskirenlə yanaşı istifadə.
• Hamiləlik.
• Ağır qaraciyər çatışmazlığı, biliar sirroz, xolestaz.
Xüsusi göstərişlər və ehtiyat tədbirləri
Renin-Angiotenzin-Aldosteron Sisteminin (RAAS) ikiqat blokadası
• Angionevrotik ödem riskini nəzərə alaraq, YUPERİO dərman vasitəsi AÇF inhibitorları ilə birgə
istifadə edilməməlidir. YUPERİO AÇF inhibitorlarının son qəbulundan sonrakı müddətdə 36 saatdan tez 
qəbul edilməməlidir. YUPERİO ilə müalicə dayandırıldıqda, AÇF inhibitorları YUPERİO-nun son 
dozasından 36 saatdan tez qəbul edilməməlidir.
• YUPERİO dərman vasitəsini aliskiren kimi birbaşa renin inhibitorları ilə birgə qəbul etdikdə
ehtiyatlı olmaq tövsiyə olunur. 2-ci tip şəkərli diabeti olan xəstələrdə YUPERİO aliskirenlə yanaşı istifadə
edilməməlidir.
• YUPERİO dərman vasitəsi angiotenzin reseptor blokatorları ilə yanaşı istifadə edilməməlidir. Buna 
səbəb angiotenzin II resptorlarının YUPERİO-ya blokadaedici təsiridir.
Hipotenziya
YUPERİO ilə müalicə alan xəstələrdə klinik tədqiqatlar zamanı simptomatik hipotenziya halları barədə
qeydlər olmuşdur. Hipotenziya yarandığı zaman, diuretiklərin, hipertenziya əleyhinə yanaşı dərman 
vasitələrinin dozalarına düzəlişlərin edilməsi, hipotenziyanın digər səbəblərinin (məs: hipovolemiya) 
aradan qaldırılması nəzərə alınmalıdır. Alınan tədbirlərə baxmayaraq, hipotenziya davam etdiyi halda 
YUPERİO dərman vasitəsinin dozası azaldılmalı və ya preparat müvəqqəti olaraq dayandırılmalıdır. 
Preparatın həmişəlik dayandırılması adətən tələb olunmur. Simptomatik hipotenziya adətən hüceyrəxarici 
maye həcminin azalması (diuretiklərlə müalicə, qidalanmada məhdud duz qəbulu, ishal və ya qusma 
səbəbilə) olan xəstələrdə baş verir. YUPERİO ilə müalicəyə başlamadan əvvəl, natrium və /və ya 
hüceyrəxarici maye həcminin çatışmazlığı aradan qaldırılmalıdır.
Böyrək funksiyasının pozulması
Renin-angiotenzin-aldosteron sisteminə təsir edən digər preparatlar kimi, YUPERİO dərman vasitəsi 
böyrək funksiyasının yavaşıması ilə əlaqələndirilə bilər. PARADİGM-HF tədqiqatında klinik əhəmiyyətli 
böyrək çatışmazlığının baş vermə tezliyi az olmuş və müalicənin dayandırılması enalaprillə (1,28%) 
müqayisədə 0,65% olmuşdur. Böyrək funksiyasının klinik əhəmiyyətli azalması olan xəstələrdə
YUPERİO preparatının aşağı titrlənməsi nəzərə alınmalıdır. Ağır dərəcədə böyrək funksiyasının 
pozulması olan xəstələrdə YUPERİO ehtiyatla istifadə edilməlidir.
Hiperkaliemiya
Renin-angioteznin-aldoteron sisteminə təsir edən digər preparatlar kimi, YUPERİO preparatının istifadəsi 
hiperkaliemiya riskinin artması ilə əlaqələndirilə bilər. PARADİGM-HF tədqiqatında klinik əhəmiyyətli 
hiperkaliemiyanın baş vermə tezliyi az olmuş və müalicənin dayandırılması enalaprillə (0,35%) 
müqayisədə 0,26% olmuşdur. Kalium səviyyəsini yüksəldən vasitələr (məs: kaliumtutucu diuretiklər, 
kalium preparatları) YUPERİO ilə yanaşı qəbul edildikdə ehtiyatla istifadə olunmalıdırlar. Klinik 
əhəmiyyətli hiperkaliemiya yarandıqda, qida ilə qəbul edilən kalium azaldılmalı və ya yanaşı dərman 
vasitələrinin dozalarına düzəlişlərin edilməsi nəzərə alınmalıdır. Zərdabda kalium səviyyəsinin 
monitorinqi, xüsusilə ağır dərəcədə böyrək funksiyasının pozulması, şəkərli diabet, hipoaldosteronizm və
ya kaliumla zəngin qidaların qəbulu kimi risk faktoru olan xəstələrdə tövsiyə olunur.
Angionevrotik ödem
YUPERİO ilə müalicə alan xəstələrdə angionevrotik ödem haqqında qeydlər olmuşdur. Angionevrotik 
ödem baş verdiyi zaman, YUPERİO dərman vasitəsinin qəbulu dərhal dayandırılmalı və müvafiq müalicə
və monitorinq, simptom və əlamətlər geri çəkilənə qədər davam etdirilməlidir. Preparat yenidən təyin 
edilməməlidir. Üz və dodaqların şişməsi ilə məhdudlaşan angionevrotik ödemin təsdqilənmiş halı 
ümumilikdə müalicəsiz aradan qaldırılmışdır. Buna baxmayaraq, simptomların yüngülləşdirilməsi üçün 
antihistamin preparatlarının qəbulu faydalı olmuşdur.

Qırtlağın ödemi ilə əlaqələndirilən angionevrotik ödem halları letal sonluqla nəticələnə bilər. Tənəffüs 
yolunun obstruksiyasına səbəb ola biləcək dil, səs teli, qırtlaq ödemi zamanı müvafiq müalicə, məs: 
dərialtı epinefrin/adrenalin məhlulu 1:1000 (0,3-0,5 ml) və/ və ya nəfəs yolunun açılmasını təmin edəcək 
digər müvafiq tədbirlər həyata keçirilməlidir.
Anamnezində angionevrotik ödem halları olan xəstələrdə tədqiqatlar aparılmamışdır. Bu xəstələrdə
angionevrotik ödem riski yüksək olduğu üçün, YUPERİO dərman vasitəsinin istifadəsi zamanı ehtiyatlı 
olmaq tövsiyə olunur. Anamnezində AÇF inhibitorları və ya angiotenzin reseptor blokatorları ilə əlaqəli 
və ya irsi angionevrotik ödemi olan xəstələrdə YUPERİO istifadə edilməməlidir.
Qaradərili xəstələrdə angionevrotik ödemin baş vermə riski daha yüksək ola bilər.
Böyrək arteriyasının stenozu olan xəstələr
Renin-angiotenzin-aldosteron sisteminə təsir göstərən digər preparatlar kimi, YUPERİO dərman vasitəsi 
birtərəfli və ya ikitərəfli böyrək arteriyasının stenozu olan xəstələrdə qanda sidik cövhərinin və zərdabda 
kreatinin səviyyəsini artıra bilər. Böyrək arteriyasının stenozu olan xəstələrdə ehtiyatlı olmaq və böyrək 
funksiyasının monitorinqi tövsiyə olunur.
Digər dərman vasitələri ilə qarşılıqlı təsiri
AÇF inhibitorları
YUPERİO dərman vasitəsinin AÇF inhibitorları ilə yanaşı istifadəsi əks göstərişdir. Belə ki, neprilizinin 
yanaşı inhibə edilməsi və AÇF inhibitorları ilə müalicə anginevrotik ödem riskini artıra bilər. YUPERİO 
dərman vasitəsi AÇF inhibitorlarının son qəbulundan sonra, 36 saatdan tez qəbul edilməməlidir. 
Həmçinin, AÇF inhibitorları YUPERİO dərman vasitəsinin son qəbulundan 36 saat sonra qəbul edilə
bilər.
Aliskiren
2 Tip şəkərli diabeti olan xəstələrdə YUPERİO dərman vasitəsinin aliskirenlə yanaşı istifadəsi əks 
göstərişdir.
Angiotenzin II reseptorunun blokator təsirini nəzərə alaraq, YUPERİO dərman vasitəsi angiotenzin 
reseptor blokatorları ilə yanaşı istifadə edilməməlidir.
Böyrək çatışmazlığı olan xəstələrdə (eYFS <60 m/dəq/1,73 m2
) preparatın aliskirenlə yanaşı istifadəsinə
yol verilməməlidir.
Statinlər
İn vitro məlumatlar sakubitrilin OATP1B1 və OATP1B3 nəqledicilərinə inhibəedici təsirini göstərmişdir. 
Bununla əlaqədar olaraq, YUPERİO preparatı OATP1B1 və OATP1B3-ün statinlər kimi substratlarının 
sistem ekspozisiyasını artıra bilər. YUPERİO preparatının yanaşı istifadəsi atrovastatinin və onun 
metabolitlərinin Cmax göstəricisini müvafiq olaraq 2-dəfə və AUC göstəricisini 1,3-dəfə artırmışdır. 
Statinlərin və YUPERİO-nun yanaşı istifadəsi zamanı ehtiyatlı olmaq tövsiyə olunur. YUPERİO və
simvastatinin yanaşı istifadəsi zamanı, klinik əhəmiyyətli dərman qarşılıqlı təsirlər müşahidə
edilməmişdir. 
Sildenafil
Sildenafilin birdəfəlik dozasının YUPERİO ilə qəbulu tarazlıq vəziyyətində hipertenziyası olan xəstələrdə
tək YUPERİO qəbul edən xəstələrlə müqayisədə arterial təzyiqin daha çox enməsi ilə nəticələnmişdir. 
YUPERİO istifadə edən xəstələrdə sildenafil və ya digər PDE-5 inhibitorlarının təyini zamanı ehtiyatlı 
olmaq lazımdır.
Kalium
Kaliumtutucu preparatlar (məs: triamteren, amilorid), mineralkortikoid antaqonistləri (məs: 
spironolakton, eplerenon), kalium preparatları və ya kalium tərkibli duz əvəzedicilərinin yanaşı istifadəsi 
zərdabda kaliumun səviyyəsini artıraraq, zərdab kreatinini artıra bilər. YUPERİO preparatının bu 
vasitələrlə yanaşı istifadəsi zamanı zərdabda kalium səviyyəsinin monitorinqi tövsiyə olunur.
Qeyri-steroid iltihabəleyhinə preparatlar (QSİƏP)
Siklooksigenaza-2-nin selektiv inhibitorları (SOG-2 inhibitorları) da daxil olmaqla: yaşlı, hüceyrəxarici 
maye həcminin çatışmazlığı (diuretiklərlə müalicə alan xəstələr daxil olmaqla) və ya böyrək funksiyası 
pozulmuş xəstələrdə YUPERİO və QSİƏP-ın yanaşı qəbulu böyrək funksiyasının pozulması riskini artıra 
bilər. Bununla əlaqədar olaraq, YUPERİO dərman vasitəsilə müalicəyə başladıqda və ya müalicəyə
dəyişikliklər edən zaman yanaşı QSİƏP qəbul edən xəstələrdə böyrək funksiyasının monitorinqi tövsiyə
olunur.
Litium

YUPERİO və litium preparatları arasında qarşılıqı dərman təsiri öyrənilməmişdir. Litiumun AÇF 
inhibitorları və ya angiotenzin II reseptorların antaqonistləri ilə yanaşı istifadəsi zamanı zərdabda litium 
konsentrasiyasının geriyədönən artımı qeyd olunmuşdur. Litiumun YUPERİO ilə yanaşı istifadəsi zamanı 
zərdabda litium konsentrasiyasının monitorinqi tövsiyə olunur. Həmçinin diuretiklərin qəbul edildiyi 
halda litiumun toksikliyi daha da arta bilər.
Nəqledicilər
Sakubitril (sakubitrilat) və valsartanın aktiv metabolilti OATP1B1, OATP1B3 və OAT3 substratlarıdır; 
valsartan həmçinin MRP2 substratıdır. Beləliklə, YUPERİO-nun OATP1B1, OATP1B3, OAT3 (məs: 
rifampin, siklosporin) və ya MRP2(məs: ritonavir) inhibitorları ilə yanaşı istifadəsi müvafiq olaraq, 
sakubitrilat və ya valsartanın sistem ekspozisiyasını artıra bilər. Bu cür preparatların yanaşı istifadəsinə
başladıqda və ya istifadəni dayandırdıqda ehtiyatlı olmaq tələb olunur.
Qeyri-əhəmiyyətli qarşılıqlı təsirlər
YUPERİO dərman vasitəsinin furosemid, diqoksin, varfarin, hidroxlortiazid, amlodipin, metformin, 
omeprazol, karvediol, venadaxili nitroqliserin və ya levonorgestrel/etinil estradiol kombinasiyası ilə
yanaşı istifadəsi zamanı klinik əhəmiyyətli qarşılıqlı təsirlər qeyd olunmamışdır. Atenolol, indometasin, 
qliburid və ya simetidinlə qarşılıqlı təsir ehtimalı yoxdur.
CYP450 ilə qarşılıqlı təsirlər: İn vitro metabolizm tədqiqatları CYP450 əsaslı dərman qarşılıqlı təsirlərinin 
olma ehtimalının aşağı oduğunu göstərmişdir. YUPERİO dərman vasitəsi CYP450 fermentləri tərəfindən 
məhdud şəkildə metabolizə olunur. YUPERİO CYP450 fermentlərini inhibə və ya induksiya etmir.
Hamiləlik və laktasiya dövründə istifadəsi
Reproduktiv potensiala malik qadınlar hamiləlik zamanı YUPERİO dərman vasitəsinin təsiri ilə əlaqədar 
fəsadlar barədə məlumatlandırılmalıdırlar. Preparatla müalicə zamanı və preparatın son istifadəsindən 
sonrakı 1 həftə ərzində kontraseptiv vasitələrdən istifadə edilməlidir.
RAAS-nə birbaşa təsir edən digər preparatlar kimi YUPERİO hamiləlik dövründə istifadə edilməməlidir. 
YUPERİO öz təsirini angiotenzin II antaqonizm yolu ilə göstərir. Nəticə olaraq, döl üçün risk istisna oluna 
bilməz. Valsartan qəbul edən hamilələrdə inkişaf edən dölün zədələnməsi (məs: spontan abort, 
oliqohidromnios – amniotik mayenin olmaması və yenidoğulmuşlarda böyrək disfunksiyası) haqqında 
qeydlər olmuşdur. Hamiləlik baş verdiyi zaman xəstələrə YUPERİO preparatı ilə müalicəni dayandırmaq 
və bu barədə həkimə məlumat vermələri tövsiyə edilməlidir.
YUPERİO-nun insan südünə keçib-keçməməsinə dair məlumat yoxdur. YUPERİO dərman vasitəsinin
komponentləri, sakubitril və valsartan siçovullarda südə keçmişdir. Südəmər/yenidoğulmuş körpələrdə
əlavə təsirlərin əmələ gəlmə riskini nəzərə alaraq, YUPERİO dərman vasitəsinin laktasiya dövründə
istifadəsi tövsiyə olunmur. YUPERİO preparatının ana üçün əhəmiyyətini dəyərləndirərək, preparatın 
dayandırılması və ya körpələrin ana südündən digər qidalanma növünə keçməsi qərara alına bilər.
YUPERİO-nun insan fertilliyinə təsirinə dair məlumat yoxdur. Erkək və dişi siçovullarda YUPERİO 
dərman vasitəsinin tədqiqatı zamanı fertilliyin pozulması müşahidə edilməmişdir.
Pediatriyada istifadəsi
Uşaqlarda və 18 yaşa qədər yeniyetmələrdə YUPERİO dərman vasitəsinin effektivliyi və təhlükəsizliyi 
müəyyən olunmayıb.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
YUPERİO nəqliyyat vasitələri və digər mexanizmlərin idarə edilməsi qabiliyyətinə əhəmiyyətsiz 
dərəcədə təsir edir. Yarana biləcək başgicəllənmə və ya yorğunluq hissini nəzərə alaraq, nəqliyyat 
vasitələrinin və ya digər mexanizmlərin idarə olunması zamanı ehtiyatlı olmaq lazımdır.
İstifadə qaydası və dozası
Preparat daxilə qəbul olunur. YUPERİO dərman vasitəsi qida ilə birlikdə və ya qidasız qəbul edilə bilər.
YUPERİO dərman vasitəsinin hədəf dozası gündə iki dəfə 200 mq-dır.
Tövsiyə olunan başlanğıc doza gündə iki dəfə 100 mq-dır. Hazırda AÇF inhibitorları və ya Angiotenzin 
II reseptorların blokatorlarını qəbul etməyən xəstələr üçün tövsiyə olunan və ya əvvəllər aşağı dozada bu 
dərman vasitələrini qəbul edən xəstələr üçün nəzərdə tutulan başlanğıc doza gündə iki dəfə 50 mq-dır.
Preparatın dozası xəstə tərəfindən mənimsənilməsindən asılı olaraq, hər 2-4 həftədə ikiqat artırılıb 
gündəlik 200 mq hədəf dozaya çatdırılmalıdır.

AÇF inhibitorları ilə yanaşı istifadə zamanı angionevrotik ödem riskinin olması nəzərə alınmalı və
YUPERİO dərman vasitəsi AÇF inhibitorları ilə müalicənin dayandırılmasından sonrakı 36 saat ərzində
qəbul edilməməlidir.
YUPERİO dərman vasitəsi angiotenzin reseptorların blokatorları ilə yanaşı istifadə edilməməlidir. Buna 
səbəb YUPERİO-nun angiotenzin II resptorlarını blokadayaalıcı təsiridir.
Preparat xəstələrdə yaxşı mənimsənilmədikdə (simptomatik hipoenziya, hiperkaliemiya, böyrək 
funksiyasının pozulması), yanaşı təyin olunan dərman vasitələrinin dozalarına düzəlişlər edilməli və ya 
YUPERİO-nun dozası aşağı titrlənməlidir.
Ayrı-ayrı qrup xəstələrdə dozalanma
Böyrək funksiyasının pozulması
Böyrək funksiyası ağır dərəcədə pozulmuş (eGFR<30 ml/dəq/1,73m2
) xəstələrdə başlanğıc doza gündə
iki dəfə 50 mq tövsiyə olunur. Məlumatların məhdud olmasını nəzərə alaraq, bu xəstələrdə YUPERİO
dərman vasitəsi ehtiyatla qəbul edilməlidir. Zəif (eGFR 60-90 ml/dəq/1,73m2
) və orta (eGFR 30-
60 ml/dəq/1,73m2
) dərəcədə böyrək funksiyasının pozulması olan xəstələrdə dozaya düzəlişlərin edilməsi 
tələb olunmur.
Qaraciyər funksiyasının pozulması
Orta dərəcədə (Çayld-Pyu təsnifatına görə B sinfi) qaraciyər pozulması olan xəstələrə tövsiyə olunan 
başlanğıc doza gündə iki dəfə 50 mq -dır. Zəif dərəcədə qaraciyər pozulması (Çayld-Pyu təsnifatına görə
A sinfi) olan xəstələrə YUPERİO-nun dozasına düzəlişlərin edilməsi tələb olunmur. Ağır dərəcədə
(Çayld-Pyu təsnifatına görə C sinfi) qaraciyər pozulması olan xəstələrin iştirakı ilə tədqiqatlar 
aparılmamışdır. Bununla əlaqədar olaraq, bu xəstələrdə YUPERİO dərman vasitəsinin istifadəsi tövsiyə
olunmur.
Yaşlı xəstələr (65 yaşdan yuxarı)
65 yaşdan yuxarı xəstələrdə dozaya düzəlişlərin edilməsi tələb olunmur.
Əlavə təsirləri
YUPERİO dərman vasitəsinin təhlükəsizliyi xronik ürək çatışmazlığı olan xəstlərdə əsas-pivotal faza III 
tədqiqatında – PARADİGM-HF-da qiymətləndirilmişdir. Bu tədqiqada YUPERİO dərman vasitəsini 
gündə iki dəfə 97 mq/103 mq (200 mq) dozada (n=4,203) və ya Enalapril 10 mq (n=4,229) dozada qəbul 
edən xəstələr müqayisə edilmişdir. YUPERİO dərman vasitəsi qəbul edən xəstələr randomizə olaraq 24 
aylıq orta ekspozisiya ilə 4,3 il müddətinə müalicə qəbul etmişdirlər.
3271 xəstə bir ildən artıq müddətdə müalicə almışdır.
Əlavə təsirlərin baş verməsi ilə əlaqədar müalicənin dayandırılması PARADİGM-HF tədqiqatının ikiqat-
kor dövründə YUPERİO ilə müalicə alan xəstələrin 450 (10,71%)-də və Enalaprillə müalicə alan 
xəstələrin 516 (12,20%)-da baş vermişdir. Dozanın tənzimlənməsi və ya müalicənin dayandırılması ilə
əlaqələndirilən əlavə təsirlərə hipotenziya, hiperkaliemiya və ya böyrək çatışmazlığı aid edilmişdir.
YUPERİO dərman vasitəsilə müalicə alan xəstələrdə əlavə təsirlərin ümumi baş vermə tezliyi Enalaprillə
müalicə alan xəstələrlə müqayisədə fərqli olmuşdur.
Əlavə təsirlərin ümumi baş vermə tezliyi cinsdən, yaşdan və ya irqdən asılı olmamışdır.
Əlavə təsirlər orqan sistem sinfinə müvafiq olaraq, tezliyə əsasən ən çox rast gələn birinci olmaqla 
aşağıdakı uyğunluqla verilmişdir: çox tez-tez (≥1/10); tez-tez (≥1/100, <1/10); bəzən (≥1/1,000, <1/100); 
nadir (≥1/10000, <1/1000); çox nadir (<1/10000), tək-tək məlumatlar daxil olmaqla.

Spontan hesabatalar və ədəbiyyat materiallarında əlavə təsirlər (tezlik məlum deyil)
Aşağıdakı əlavə təsirlər postmarketinq təcrübədə YUPERİO preparatının istifadəsi zamanı, spontan 
hesabatlarda və ədəbiyyat məlumatlarında qeyd olunmuşdur. Bu əlavə təsirlər, naməlum sayda 
populyasiyadan könüllü şəkildə əldə edildiyi üçün, tezliyin hesablanması mümkün olmamışdır və tezlik 
naməlum kimi göstərilmişdir. Əlavə təsirlər MedDRA orqan sistem sinfinə görə sadalanmışdır. 
İmmun sistemə
Hiperhəssaslıq (səpgi, qaşınma və anafilaksis də daxil olmaqla).
Doza həddinin aşılması
İnsanlarda YUPERİO dərman vasitəsilə doza həddinin aşılmasına dair məlumatlar məhduddur. Sağlam 
könüllülərdə preparatın birdəfəlik 1200 mq və 900 mq çoxsaylı dozada (14 gün) isifadəsi tədqiq edilmiş 
və yaxşı mənimsənilmişdir.
YUPERİO dərman vasitəsinin arterial təzyiqi azaltması təsirini nəzərə alaraq, doza həddinin aşılması 
sindromu kimi ən çox ehtimal olunan simptom hipotenziyadır. Simptomatik müalicə tətbiq olunmalıdır.
Zülallarla yüksək dərəcədə birləşdiyinə görə YUPERİO dərman vasitəsinin hemodializ yolu ilə xaric
edilməsi ehtimalı aşağıdır.
Buraxılış forması
14 tablet, blisterdə. 2 blister içlik vərəqə ilə birlikdə karton qutuya qablaşdırılır.
Saxlanma şəraiti
30ºC-dən yüksək olmayan temperaturda, rütubətdən qorumaq üçün orijinal qablaşdırmada və uşaqların 
əli çatmayan yerdə saxlamaq lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
Novartis Farma S.p.A.
Via Provinsiale Skito 131, 80058 Torre Annunziata, İtaliya.
Novartis Sinqapur Farmasyutikal Manufakturinq Prayvet Ltd.
10 Tuas Bey Leyn, Sinqapur 63746
Novartis Farma Servises AQ üçün.

Qeydiyyat vəsiqəsinin sahibi
“Novartis Pharma Servises AG, Switzerland”.
Lixştrasse 35, CH-4056 Bazel, İsveçrə/Lichtstrasse 35, CH-4056 Basel, Switzerland.
Azərbaycan Respublikası ərazisində dərman vasitəsi ilə əlaqədar hər hansı bir məlumat almaq üçün 
yerli filialla və ya əlavə təsirlərə şübhə olduğu zaman drugsafety.cis@novartis.com elektron ünvanına 
müraciət edərək əlaqə saxlamağınız xahiş olunur
Novartis Farma Servises AQ şirkətinin Azərbaycan Respublikasındakı Filialı.
AZ1014, Bakı şəhəri, Rəsul Rza küçəsi 75, “Winter Park Plaza”.
Telefon: +994 12 505 5822, +994 12 5055833.
Elektron ünvan: baku.info@novartis.com