pharmed
TEMPALGIN 500/20MG N10 TB
Dərman preparatının qəbuluna başlamazdan əvvəl bu içlik vərəqəni, Sizin üçün vacib
məlumat daşıdığına görə, diqqətlə oxuyun.
Müalicədən daha yaxşı nəticə əldə etmək üçün, içlik vərəqədə dərman preparatının istifadəsi üzrə təlimatlara diqqətlə riayət etmək lazımdır.
Bu içlik-vərəqəni atmayın. Sizə onu yenidən oxumaq lazım gələ bilər. Hər hansı əlavə suallar meydana çıxdıqda, həkiminizə müraciət edin.
Əgər simptomlarınız pisləşərsə və ya 3-5 gün ərzində onların yaxşılaşması müşahidə olunmazsa, həkiminizə müraciət edin.
Əlavə təsirlərdən hər hansı biri ciddi xarakter alarsa və ya bu içlik-vərəqədə qeyd edilməyən digər əlavə təsirlər meydana çıxarsa , bu barədə həkiminizə və ya əczaçıya məlumat verməniz xahiş olunur.
TEMPALGİN® 500 mq/20 mq örtüklü tabletlər ТEMPALGIN®
Beynəlxalq patentləşdirilməmiş adı: Metamizole sodium+Triacetonamine-4-toluensulfonate
Tərkibi
Təsiredici maddə: 1 tabletin tərkibində 500 mq metamizol natrium və 20 mq triasetonamin- 4-toluensulfonat vardır.
Köməkçi maddələr: buğda nişastası, mikrokristallik sellüloza (tip 101), maqnezium stearat, talk, povidon K25.
Örtük : qismən hidrolizəolunmuş polivinil spirti, makroqol 3350, talk , titan dioksidi (E171), xinolin sarısı (E104), brilyant göyü (E133).
Təsviri
Yaşıl rəngli, yumru, iki tərəfi qabarıq, 13 millimetr diametrdə örtüklü iysiz tabletlərdir.
ATC kodu: N02BB72.
Farmakoloji xüsusiyyətləri
Tempalgin tərkibində metamizol natrium və triasetonamin-4-toluensulfonat kimi təsiredici maddələri olan kombinəolunmuş dərman preparatıdır. Prostaqlandinlərin sintezini tormozlayan, qeyri-narkotik analgetik maddə olan natrium metamizolun sayəsində güclü və uzunmüddətli ağrıkəsici təsirə malikdir. Triasetonamin-4-toluensulfonat hərəki oyanıqlığı azaldır və sakitləşdirici təsir göstərir.
İstifadəsinə göstərişlər
Tempalgin aşağıdakı hallarda zəif və orta dərəcəli ağrıların qısamüddətli simptomatik müalicəsi üçün istifadə olunur: baş ağrısı, diş ağrısı və stomatoloji manipulyasiyalar zamanı baş verən ağrılar, mialgiyalar (əzələ ağrıları), nevralgiyalar, artralgiyalar (oynaq ağrıları).
Əks göstərişlər
Aşağıdakı hallarda Tempalgini qəbul etmək olmaz
Metamizol natrium, triasetonamin-4-toluensulfonat təsiredici maddələrinə və ya Tempalginin digər tərkib hissələrindən istənilən birinə qarşı allergiya (hiperhəssaslıq).
Digər pirazolon törəmələrinə qarşı hiperhəssazlıq.
Kəskin qaraciyər porfiriyası (eritrositlərin yaranma prosesinin pozulmasına səbəb olan irsi xəstəlik).
Qlükoza-6-fosfatdehidrogenazının (qırmızı qan cisimciklərinin dağılması təhlükəsi yaradan irsi xəstəlik) anadangəlmə çatışmazlığı.
Ağır böyrək və ya qaraciyər xəstəlikləri.
Sümük iliyinin funksiyasının pozulması (sitostatiklərlə müalicədən sonra) və ya aşağıdakı qan xəstəlikləri: aplastik anemiya (qan hüceyrələrinin zəifliyə, göyərmələrin və ya infeksiyanın başvermə tezliyinin yüksəlməsinə səbəb olan azalması), aqranulositoz (ağ qan hüceyrələrinin miqdarının infeksiyaların yaranma ehtimalını artıran kəskin azalması), leykopeniya (ağ qan hüceyrələrinin ümumi miqdarının azalması).
Qan təzyiqinin aşağı olması (100 mm c. süt.-dan aşağı).
Hamiləlik və laktasiya dövrü.
15 yaşa qədər uşaqlarda istifadə.
Xüsusi göstərişlər və ehtiyat tədbirləri
Qaraciyər problemləri
Metamizol istifadə edən xəstələrdə qaraciyərin iltihabı haqqında məlumat vardır və simptomlar müalicənin başlanmasından bir neçə gündən bir neçə aya qədər sonra inkişaf edir.
Ürəkbulanma və ya qusma, qızdırma, yorğunluq hissi, iştahsızlıq, tünd sidik, açıq rəngli nəcis, dərinin və ya skleranın saralması, dəridə qaşınma və səpgi və ya qarnın yuxarı hissəsində ağrı kimi qaraciyər problemlərinin əlamətləri varsa, Tempalgin istifadəsini dayandırın və həkiminizə müraciət edin. Həkiminiz qaraciyər funksiyanızı yoxlayacaq.
Əgər əvvəllər tərkibində metamizol olan bir dərman vasitəsi qəbul etmisinizsə və Sizdə qaraciyər problemləri olubsa, Tempalgin istifadə etməməlisiniz.
Ciddi dəri reaksiyaları
Metamizolun qəbulu ilə əlaqəli ciddi dəri reaksiyaları, o cümlədən Stivens-Conson sindromu, toksik epidermal nekroliz, eozinofiliya və sistem simptomları (DRESS) halları bildirilmişdir. Ciddi dəri reaksiyaları ilə əlaqəli simptomlardan hər hansı birini görsəniz, metamizolun istifadəsini dayandırın və dərhal həkimə müraciət edin.
Əgər sizdə keçmişdə ciddi dəri reaksiyaları olubsa, siz heç vaxt Tempalgin ilə müalicəni bərpa etməməlisiniz.
Preparatın bir hissəsi olan buğda nişastası tərkibində yalnız qlüten izləri ola bilər və seliakiya xəstəliyi olan insanlar üçün təhlükəsiz sayılır.
Bir tabletdə 9,5 mikroqramdan çox olmayan qlüten var. Buğda allergiyası olan xəstələr (seliakiya xəstəliyindən başqa) bu dərmanı qəbul etməməlidirlər.
Tempalgin bəzi inqrediyentləri haqqında vacib məlumat
Bu dərman vasitəsinin hər tabletində tərkibində 1 ml inyeksiya məhlulunda 32,7 mq natrium var ki, bu da böyüklər üçün tövsiyə olunan gündəlik maksimum 2 q natrium dozasının 1,6%-nə bərabərdir.
Aşağıdakı hallarda preparatdan ehtiyatla istifadə etmək lazımdır
Ağ qan hüceyrələrinin (leykositlərin) miqdarının azalmasına səbəb olan xəstəliklər.
Ağrıkəsici maddələrə və revmatizməleyhinə dərman vasitələrinə (analgetiklərə dözümsüzlük) qarşı və həmçinin digər dərman preparatlarına və ya qida məhsullarına qarşı allergiya.
Allergik bronxial astma (boğulma tutması).
Aşağı qan təzyiqi.
Böyrəklərin və qaraciyərin funksional pozğunluqları.
Tempalgin preparatının bəzi tərkib hissələri haqqında vacib məlumatlar
Dərman preparatının tərkibində köməkçi maddə kimi buğda nişastası vardır. Seliakiyası olan insanlar üçün təhlükəli deyildir. Buğdaya allergiyası olan pasiyentlər (seliakiya istisna olmaqla) bu dərmanı qəbul etməməlidir.
Digər dərman vasitələri ilə qarşılıqlı təsiri
Metamizol (ağrını və temperaturu aşağı salmağ ücün maddədir) istifadə zamanı asetilsalisil turşusunun aşağı doza qəbulunda trombositlərin (qan laxtalanması və trombların əmələ gəlməsinə) aqreqasiyasına təsirini zəiflədə bilər. Buna görə də, bu birləşməni kardioproteksiya (profilaktika) üçün aşağı dozalı aspirin qəbul edən xəstələrdə ehtiyatla istifadə edilməlidir.
Metamizol bəzi dərmanların təsirini azalda bildiyi üçün Spazmalqon aşağıdakı dərmanlarla birlikdə ehtiyatla istifadə olunmalıdır:
bupropion, depressiyanı müalicə etmək üçün və ya siqareti buraxmağa köməkçi dərman kimi;
efavirenz, HİV/AİDS-in müalicəsində istifadə olunan dərman;
metadon, qadağan olunmuş maddələrın (belə adlanır opioidlər) asılılığını müalicə etmək üçün istifadə olunan bir dərman;
valproat, epilepsiya və ya bipolyar pozuntunun müalicəsində istifadə olunan dərman;
takrolimus, transplantasiya olunan xəstələrdə orqan rədd edilməsinin qarşısını almaq üçün istifadə olunan preparat;
sertralin, depressiyanı müalicə etmək üçün istifadə edilən dərman.
Hazırda və yaxın zamanlarda qəbul etdiyiniz digər dərman preparatları haqqında (o cümlədən reseptsiz buraxılan) həkiminizə və ya əczaçıya məlumat verməyiniz xahiş olunur.
Aşağıdakı dərman preparatlarının eyni zamanda qəbulu müalicəyə təsir edə bilər: mərkəzi sinir sistemini tormozlayan, ağrıkəsici, iltihabəleyhinə, kontraseptiv dərman preparatları, kumarin antikoaqulyantları (qanın laxtalanmasını azaldırlar), xlorpromazin (psixi xəstəliklərin müalicəsi üçün), xloramfenikol (antibiotik), siklosporin (şiş xəstəliklərinin müalicəsi üçün istifadə edilir), yuxu dərmanları.
Hamiləlik və laktasiya dövründə istifadəsi
Hamiləlik
Kifayət qədər təcrübə olmadığından, hamiləliyin ilk üç ayında Tempalgin qəbul etməyin. Hamiləliyin ikinci trimestrində Tempalgin ancaq həkim va ya əczaçı ilə məsləhətdən sonra və ancaq metamizol istifadəsinin faydaları və risklərini diqqətlə götür-qoy edəndən sonra qəbul etmək olar.
Hamiləliyin sonuncu 3 ayı ərzində Tempalgin istifadəsi tövsiyə olunmur, cünki ana və usaq ücün fəsadların artmasının yüksək riski mövcüddur (qanaxma, doğulmayan uşağda vaxtındanəvvəl Botal kanalı deyilən, mühüm damarın bağlanılması, hansı ki, ancaq uşaq doğulandan sonra təbii yolla bağlanır).
Laktasiya dövründə
Metamizolun metabolitləri əhəmiyyətli miqdarda ana südünə kecir və ana südü ilə qidalanan usaq ücün bu riski inkar etmək olmaz, bununla bağlı laktasiya dövründə metamizolun təkrar istifadəsindən imtina etmək lazımdır. Metamizolun birdəfəlik dozasını qəbul etdikdən sonra 48 saat ərzində analara südü yığıb və atmağ tövsiyyə edilir.
Laktasiya dövründə preparatın istifadəsi arzuedilməzdir.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Nəqliyyat vasitələrini idarə etməyin və heç bir alət və ya avadanlıqları istifadə etməyin, çünki Tempalgin diqqəti toplama qabiliyyətini aşağı salır və şərti refleksləri yavaşıdır.
İstifadə qaydası və dozası
Həmişə Tempalgini bu təlimata əsasən istifadə edin.
Tempalgin preparatını həkimin təyinatına dəqiq şəkildə əməl etməklə qəbul edin. Nəyəsə əmin olmadıqda, həkiminizdən soruşun.
Tabletləri yeməkdən sonra su ilə içərək qəbul edirlər.
Həkimlə məsləhətləşmədən 3-5 gündən artıq Tempalgin qəbul etməyin.
Böyüklər
Adi doza – simptomların ağırlığından asılı olaraq gündə 1-3 dəfə 1 tablet. Maksimal birdəfəlik doza 1 tabletdən artıq olmamalıdır, maksimal gündəlik doza isə 4 tablet təşkil edir.
Stomatoloji əməliyyatlar vaxtı əməliyyata başlamazdan yarım saat əvvəl 1 tablet.
15 yaşdan böyük uşaqlarda
Gündə 1 tablet. Maksimal gündəlik doza simptomların ağırlığından asılı olaraq 2 tablet təşkil edir.
Yaşlı əhali, zəifləmiş xəstələr və kreatinin klirensi azalmış xəstələrdə.
Yaşlılarda, zəifləmiş xəstələrdə doza azaldılmalıdır, çünki metamizol metabolitlərinin xaric edilməsi uzana bilər.
Qaraciyər və böyrək çatışmazlığı
Böyrək və ya qaraciyər funksiyasının pozulması zamanı xaric olma sürəti azalır,ona gorə təkrar yüksək dozadan çəkinmək lazımdır. Yalnız qısa müddət ərzində istifadə edildikdə dozanın azaldılması tələb olunmur. Bu günə qədər ağır qaraciyər və böyrək çatışmazlığı olan xəstələrdə metamizolun uzunmüddətli istifadəsi ilə bağlı kifayət qədər təcrübə yoxdur.
Qida və içkilərlə birlikdə qəbul edilməsi
Tabletlər yeməkdən sonra su ilə içilərək qəbul edilir.
Tempalginla müalicə vaxtı alkoqoldan istifadə qadağandır, çünki dərman preparatının əlavə təsirlərinin güclənməsi mümkündür.
Tempalginin qəbulunu unutduqda
Bir dozanın qəbulunu buraxdıqda onu mümkün qədər tez qəbul edin. Növbəti dozanı qəbul etmək vaxtı çatıbsa, onu adi doza kimi qəbul edin. Buraxılan dozanı kompensasiya etmək üçün ikiqat doza qəbul etməyin. Dərman preparatının qəbulunu bu içlik-vərəqənin təlimatları əsasında qəbul edin.
Bu dərman preparatının qəbulu ilə bağlı istənilən əlavə suallar meydana çıxdıqda, həkiminizə və ya əczaçıya müraciət etməyiniz xahiş olunur.
Əlavə təsirləri
Aşağıdakı ciddi əlavə təsirlərdən hər hansı birini görsəniz, Tempalgin istifadəni dayandırın və dərhal həkimə müraciət edin:
Ürəkbulanma və ya qusma, qızdırma, yorğunluq hissi, iştahsızlıq, tünd sidik, açıq rəngli nəcis, dərinin və skleranın saralması, dəridə qaşınma və səpgi və ya qarnın yuxarı hissəsində ağrı kimi qaraciyər problemlərinin əlamətləri varsa, Tempalgin istifadəsini dayandırın və həkiminizə müraciət edin. Həkiminiz qaraciyər funksiyanızı yoxlayacaq.
Aşağıdakı əlavə təsirlər cıddı fəsadlar törədə bilər. Tempalgin istifadəsini dayandırın və dərhal tibbi yardım üçün müraciət edin:
tez-tez mərkəzdə yerləşən qabarcıqlar ilə müşahidə olunan, bədəndə qırmızımtıl, yastı, hədəfəbənzər və ya yumru ləkələr, dəri soyulması, ağız, boğaz, burun, cinsiyyət orqanları və gözlərdə xoralar. Bu ağır dəri səpgiləri qızdırma və qripə bənzər simptomlardan (Stivens- Conson sindromu, toksik epidermal nekroliz) əvvəl ola bilər.
geniş yayılmış səpgi, qızdırma və limfa düyünlərinin şişməsi (DRESS sindromu və ya
dərmana qarşı həssaslıq sindromu).
Qaraciyər pozulmaları
qaraciyər iltihabı, dərinin və skleranın saralması, qanda qaraciyər fermentlərinin səviyyəsinin artması, xolestaz (ödün çıxmasının pozulmaları), hiperbilirubinemiya (qanda bilirubinin artması).
Bütün dərman preparatları kimi, Tempalgin də, hamıda olmasa da əlavə təsirlərə səbəb ola bilər. Tempalginin qəbulu zamanı mümkün əlavə təsirlərə çox vaxt natrium metamizol səbəb olur.
Aşağıdakıları müşahidə etmək olar.
Qanın mənzərəsinin pozulmaları
aqranulositoz (ağ qan hüceyrələrinin müəyyən növlərinin güclü şəkildə azalması, bu da infeksiyaların yaranma ehtimalını artırır), leykopeniya (ağ qan hüceyrələrinin ümumi miqdarının azalması, bu da infeksiyaların yaranma ehtimalını artırır), aplastik anemiya (qan hüceyrələrinin ümumi miqdarının kəskin azalması, bu da zəifliyə, göyərmələrin yaranmasına və ya infeksiyaların yüksək yaranma ehtimalına səbəb ola bilər), trombositopeniya (trombositlərin miqdarının azalması baş verir ki, bu da qanaxma və ya göyərmələrin yaranma riskini artırır), hemolitik anemiya (qırmızı qan hüceyrələrinin miqdarının solğunluğa və ya dərinin saralmasına, zəifliyə və ya təngnəfəsliyə gətirib çıxara bilən azalması ).
ürəkbulanma, qusma, qarında ağrılar və diskomfort, nadir hallarda: yaratökmələr və qanaxma.
sidikdə zülalın yaranmasına, sidiyin miqdarının azalması və ya artımına, böyrəklərin iltihabına səbəb ola bilər.
ürək ritminin pozulmaları, qan təzyiqinin enməsi.
Hiperhəssaslıq reaksiyaları
(anafilaktik və ya anafilaktoid reaksiyaları) – qaşınma, yanma hissi, dərinin qızarması, urtikariya, ödemlər (ümumi və ya yerli), tənəffüsün çətinləşməsi, astma tutması (aspirin astması olan pasiyentlərdə), angionevrotik ödem (larinqeal daxil olmaqla), sirkulyator şok.
Sinir sisteminin pozğunluqları
baş ağrısı, başgicəllənmə.
Əgər əlavə təsirlərdən hər hansı biri ciddiləşərsə və ya bu içlik vərəqədə qeyd edilməyən əlavə təsirlər meydana çıxarsa, həkiminizə və ya əczaçıya müraciət etməyiniz xahiş olunur.
Doza həddinin aşılması
Dərman preparatının doza həddinin aşılması zamanı aşağıdakı halları müşahidə etmək olar: ürəkbulanma, başgicəllənmə, qarında ağrılar, huşun itməsinə qədər zəiflik, arterial təzyiqin güclü şok dərəcəsinə qədər aşağı düşməsi (qan təzyiqinin aşağı düşməsi nəticəsində huşun itməsi) və ürək ritmin pozulmaları.
Bu simptomlardan bəzilərinin yaranması vaxtı dərman preparatının qəbulunu dayandırın və dərhal həkimlə məsləhətləşin!
Buraxılış forması
10 örtüklü tablet, PVX plyonka / alüminium folqa blisterdə.
1, 2 və ya 10 blister içlik vərəqə ilə birlikdə karton qutuya qablaşdırılır.
Saxlanma şəraiti
25°С-dən yuxarı olmayan temperaturda, nəmdən, işıqdan qorumaqla orijinal qablaşdırmada və uşaqların əli çatmayan yerdə saxlamaq lazımdır.
Dərman preparatlarını çirkab sularına və ya məişət tullantıları üçün konteynerə atmaq olmaz. Lazım olmayan dərman preparatlarını necə məhv etmək lazım olduğunu əczaçıdan soruşun. Bu tədbirlər ətraf mühitin qorunmasına xidmət edir.
Yararlılıq müddəti
4 il.
Yararlılıq müddəti bitdikdən sonra istifadə etmək olmaz. Yararlılıq müddəti göstərilən ayın sonuncu gününə şamil edilir.
Aptekdən buraxılma şərti
Reseptsiz buraxılır.
İstehsalçı/İstifadəyə icazənin sahibi
SOFARMA AC.
Sofiya 1220, İlienski şossesi küç., 16, Bolqarıstan.