Pharmed
TAVEGIL 1MG N20 TB
TAVEGİL
Beynəlxalq patentləşdirilməmiş adı: Clemastine
TAVEGİL Tərkibi
Təsiredici maddə: 1 tabletin tərkibində 1,34 mq klemastin fumarata ekvivalent miqdarda 1 mq klemastin vardır. Köməkçi maddələr:maqnezium stearat, povidon, talk, qarğıdalı nişastası, laktoza monohidrat.
Farmakoterapevtik qrupu
Respirator sistem. Sistem təsirə malik antihistamin preparatlar. Aminoalkil efiri. Klemastin.
ATC kodu: R06AA04
Farmakoloji xüsusiyyətləri
Farmakodinamikası: Tavegil (klemastin) H1-reseptorlarının antaqonistidir. Benzhidril efirlər qrupundan olan antihistamin preparatlara aid olub, kapillyarların keçiriciliyini azaldır, sürətlə başlayan və 12 saata qədər əhəmiyyət kəsb edən davametmə müddətilə xarakterizə olunan antihistamin və qaşınmaəleyhinə təsir göstərir.
Farmakokinetikası: Sorulması :Daxilə qəbul edildikdən sonra klemastin mədə-bağırsaq traktından demək olar ki, tamamilə sorulur. Qan plazmasında maksimal konsentrasiyaya 2-4 saatdan sonra çatır. Preparatın antihistamin aktivliyi 5-7 saatdan sonra maksimum həddə çatır, 10-12 saat müddətində, bəzi hallarda isə 24 saata qədər saxlanılır. Paylanması: Plazma zülalları ilə birləşməsi 95 % təşkil edir. Biotransformasiyası: Klemastin qaraciyərdə əhəmiyyətli metabolizmə məruz qalır. Xaric olması: Plazmadan preparatın xaric olması ikifazalıdır, yarımxaricolma dövrləri müvafiq olaraq, 3,6 ± 0,9 saat və 37 ± 16 saat təşkil edir. Metabolitləri əsasən (45-65 %), sidiklə böyrəklər vasitəsi ilə xaric olur; dəyişilməmiş təsiredici maddə sidikdə, yalnız iz miqdarında aşkar edilir. Laktasiya dövründə klemastinin az miqdarı ana südünə nüfuz edə bilər.
İstifadəsinə göstərişlər
Tavegil polinozun (allergik rinokonyunktivit) və digər allergik rinitlərin, müxtəlif mənşəli övrənin, qaşınmanın, qaşınma ilə müşayiət edilən dermatitin, həşərat dişləməsinin müalicəsində göstərişdir. Tavegil, eləcə də, kəskin və xroniki ekzema, kontakt dermatit və dərman dermatiti zamanı köməkçi preparat qismində göstərişdir.
Əks göstərişlər
Preparatın istənilən komponentinə və ya digər analoji antihistamin preparatlara qarşı hiperhəssaslıq. Porfiriyadan əziyyət çəkən pasiyentlərdə Tavegildən istifadə etmək olmaz. 6 yaşa qədər uşaqlarda Tavegilin tablet forması istifadə edilməməlidir.
Xüsusi göstərişlər və ehtiyat tədbirləri
Yüksək ehtimalla paradoksal oyanıqlıq kimi əlavə təsirlər keçirə bilən yaşlı pasiyentlərdə preparat ehtiyatla istifadə edilməlidir. Şüurun dumanlanması olan yaşlı pasiyentlərdə preparatın istifadəsindən çəkinmək lazımdır. Həkim məsləhəti olmadan tövsiyə edilən dozalanmanı və istifadə müddətini aşmaq olmaz (“İstifadə qaydası və dozası” bölməsinə bax). Aşağıdakı hallar olan pasiyentlərdə antihistamin preparatları ehtiyatla istifadə etmək lazımdır:
- anamnezdə epilepsiya və ya qıcolma olduqda;
- bağlıbucaqlı qlaukoma;
- stenozlaşan peptik xora;
- piloroduodenal obstruksiya;
- sidiyin ləngiməsilə və sidik kisəsi boynunun obstruksiyası ilə müşayiət olunan prostat vəzinin hipertrofiyası. Tavegil tabletərinin tərkibində laktoza vardır. Qalaktozaya qarşı dözümsüzlüyü, total laktaza defisiti və ya qlükoza-qalaktoza malabsorbsiyası kimi nadir irsi xəstəliyi olan pasiyentlərdə preparatı istifadə etmək olmaz.
Digər dərman vasitələri ilə qarşılıqlı təsiri
Antihistamin preparatlar digər sedativ/yuxugətirici effekt göstərən maddələrin (yuxugətirici preparatlar, monoaminoksidaz inhibitorları, antidepressantlar, anksiolitiklər (trankvilizatorlar), opioid analgetiklər, alkoqol daxil olmaqla, MSS-i zəiflədən preparatlar) təsirini gücləndirə bilər. Klemastin antixolinergik aktivliyə malik olduğu üçün bəzi antixolinergik dərman vasitələrinin (məsələn, atropin, trisiklik antidepressantlar) təsirini gücləndirə bilər.
Hamiləlik və laktasiya dövründə istifadəsi
Hamiləlik: Klemastinin hamilə qadınlarda istifadəsinə dair kifayət qədər məlumat yoxdur. Ana üçün gözlənilən fayda dölə olan potensial riskdən üstün olmadığı halda bu dərman vasitəsini hamiləlik dövründə istifadə etmək olmaz. Laktasiya: Antihistamin dərman vasitələri ana südünə keçə və südəmər körpəyə təsir edə bilər. Ana üçün gözlənilən fayda yenidoğulmuşa olan potensial riskdən üstün olmadığı halda laktasiya dövründə bu dərman vasitəsindən istifadə etmək olmaz.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Başgicəllənmə və ya yuxululuq baş verdikdə, nəqliyyat və potensial təhlükəli mexanizmləri idarə etməkdən çəkinmək lazımdır.
TAVEGİL İstifadə qaydası və dozası
Daxilə (peroral) qəbul üçün nəzərdə tutulub. Tabletlər yeməkdən əvvəl su ilə qəbul edilir. Böyüklər və 12 yaşdan böyük uşaqlar Həkim tərəfindən digər dozalanma rejimi tövsiyə edilmədiyi halda, 1 tablet səhər və axşam qəbul edilir. 24 saat ərzində 6 tabletdən artıq istifadə etmək olmaz. Bir qəbula maksimal birdəfəlik doza 2 tablet təşkil edir. 6-12 yaşlı uşaqlar ½-1 tablet səhər və axşam təyin edilir. Maksimal istifadə müddəti: həkim məsləhəti olmadan preparatı 14 gündən artıq istifadə etmək olmaz. Qeyd edilən dozanı aşmaq olmaz.
Əlavə təsirləri
Əlavə təsirlərin tezliyi aşağıdakı kimi təsnif edilir: çox tez-tez (≥ 1/10); tez-tez (≥ 1/100 - < 1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (< 1/10000); məlum deyil (əldə olan məlumatlara görə tezliyi qiymətləndirmək mümkün deyil). Postmarketinq dövründə istifadəsi zamanı aşkar edilən arzuolunmayan təsirlər barədə məlumat, qeyri-müəyyən ölçülü populyasiyadan könüllü məlumatlandırılır, bu reaksiyaların tezliyi məlum deyil, lakin böyük ehtimalla nadir hallarda (≥ 1/10000 - < 1/1000) və ya çox nadir hallarda (< 1/10000) baş verir.
İmmun sistemdə baş verən pozuntular: Anafilaktik şok, hiperhəssaslıq reaksiyaları
Sinir sistemində baş verən pozuntular: Yüksək yorğunluq, sedativ effekt ,Başgicəllənmə,Başağrı, yüksək oyanıqlıq, xüsusilə uşaqlarda
Ürək-damar sistemində baş verən pozuntular: Taxikardiya ,
Tənəffüs sistemində və divararalığı orqanlarında baş verən pozuntular: Dispnoe (təngnəfəslik)
Mədə-bağırsaq sistemində baş verən pozuntular :Qarın nahiyəsində ağrı, ürəkbulanma, ağızda quruluq , Qəbizlik
Dəridə və dərialtı toxumada baş verən pozuntular: Dəri səpgisi
Aşağıdakı hallarda preparatın qəbulunu dayandırmaq və dərhal həkimə məlumat vermək lazımdır:
- ağır allergik reaksiya baş verdikdə;
- təngnəfəslik və ya nəfəs darlığı hiss etdikdə;
- ürəkdöyünmə artdıqda.
Bu reaksiyalara nadir hallarda rast gəlinir.
Doza həddinin aşılması
Pasiyent preparatı tövsiyə edilən dozadan artıq qəbul etdiyi zaman tibbi yardım üçün müraciət etməli və ya dərhal yerli toksikoloji mərkəzlə əlaqə saxlamalıdır. Simptomları: Antihistamin preparatların doza həddinin aşılması mərkəzi sinir sistemini (MSS) zəiflətdiyi kimi onun stimulyasiyasına da səbəb ola bilər, məsələn, şüur səviyyəsinin azalması, yüksək oyanıqlıq, halüsinasiya və ya konvulsiya (qıcolma). Eləcə də, antixolinergik təsirin təzahürü inkişaf edə bilər: ağızda quruluq, bəbəklərin fiksasiyaolunmuş genişlənməsi, hiperemiya, üzə və bədənin yuxarı hissəsinə isti qanaxını, mədə-bağırsaq sistemində baş verən pozuntular və taxikardiya. Müalicəsi preparatın mədənin yuyulması ilə xaric olmasından, aktivləşdirilmiş kömürün qəbulundan, simptomatik terapiyadan təşkil olunur.
Buraxılış forması
20 tablet, kombinəolunmuş materialdan (PVX/PVDX/Alüminium folqa) ibarət blisterdə. 1 və ya 3 blister, içlik vərəqə ilə birlikdə karton qutuya qablaşdırılır.
Aptekdən buraxılma şərti
Reseptsiz buraxılır.