pharmed
STREPSILS MENTOL EVKALIPT N24 PASTIL
STREPSİLS® MENTOL VƏ EVKALİPT sorma tabletlər (mentollu-evkaliptli) STREPSILS® MENTHOL & EUCALYPTUS
Beynəlxalq patentləşdirilməmiş adı: Amylmetacresol + Dichlorobenzyl alcohol +(levomentol)
Tərkibi
Təsiredici maddələr: 1 tabletin tərkibində 0,6 mq amilmetakrezol, 1,2 mq 2,4- dixlorbenzil spirti, 8 mq levomentol vardır.
Köməkçi maddələr: budaqlı evkalipt yarpaqlarının yağı, çaxır turşusu, indiqokarmin, duru saxaroza, duru dekstroza (dekstroza, oliqo- və polisaxaridlər) (duru qlükoza).
Təsviri
Mavi rəngli, hər iki tərəfində S hərfinin təsviri olan yumru tabletlərdir. Ağ ərp, boyanmasının qeyri- bərəbərliyi, karamel kütləsində hava qabarcıqları və kənarlarının cüzi əyriliyi mümkündür.
Farmakoterapevtik qrupu
Antiseptik vasitə.
ATC kodu: R02AA03.
Farmakoloji xüsusiyyətləri
Preparat antiseptik təsir göstərərək, in vitro geniş spektrli qrammüsbət və qrammənfi mikroorqanizmlərə qarşı aktivdir, antimikotik təsir göstərir. Mentol və evkaliptin efir yağları burun tutulmasını azaldır.
İstifadəsinə göstərişlər
İnfeksion iltihabi xəstəliklər zamanı boğaz ağrısının simptomatik müalicəsi.
Əks göstərişlər
Preparatın istənilən komponentinə qarşı yüksək həssaslıq;
6 yaşa qədər uşaqlar;
saxaraza/izomaltaza çatışmazlığı, fruktozaya qarşı dözümsüzlük, qlükoza-qalaktoza malabsorbsiyası.
Xüsusi göstərişlər və ehtiyat tədbirləri
Hamiləlik, laktasiya dövrü, şəkərli diabet.
Preparatı, simptomları aradan qaldıra bilən maksimal dərəcədə mümkün qısa kursla və minimal effektiv dozada istifadə etmək məsləhət görülür.Şəkərli diabetli pasiyentlər nəzərə almalıdırlar ki, hər tabletin tərkibində təxminən 2,6 q (0,22 ÇV) şəkər vardır.
Digər dərman vasitələri ilə qarşılıqlı təsiri
Digər preparatlarla klinik əhəmiyyətli qarşılıqlı təsiri aşkar edilməmişdir. Preparatın digər yerli mikrobəleyhinə vasitələrlə eyni zamanda istifadəsi mümkündür.
Hamiləlik və laktasiya dövründə istifadəsi
Hamiləlik və laktasiya dövründə preparatın istifadəsi, yalnız ana üçün gözlənilən fayda döl üçün potensial riskdən üstün olduqda həkim məsləhəti ilə mümkündür.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Preparat nəqliyyat vasitələrini idarəetmə qabiliyyətinə və sürətli psixomotor reaksiya və yüksək diqqət tələb edən digər potensial təhlükəli fəaliyyət növləri ilə məşğul olma qabiliyyətinə təsir etmir.
İstifadə qaydası və dozası
Preparatı istifadə etməzdən əvvəl təlimatı diqqətlə oxumaq lazımdır. Yerli istifadə edilir.
Böyüklər və 6 yaşdan yuxarı uşaqlar
Hər 2-3 saatdan bir 1 tablet sorulur. 24 saat ərzində 8 tabletdən çox istifadə etmək olmaz. Qeyd edilən dozanı aşmaq olmaz.
Müalicə kursunun müddəti 3 gündən artıq olmamalıdır. Preparat qəbul edildiyi 3 gün ərzində simptomlar olduğu kimi qaldıqda, müalicəni dayandırmaq və həkimə müraciət etmək lazımdır.
Əlavə təsirləri
Aşağıda qeyd edilən əlavə təsirlər preparatın qısamüddətli istifadəsi zamanı məsləhət görülən dozalarda qəbul etdikdə qeyd edilmişdir. Xroniki vəziyyətlərin müalicəsi və uzun müddətli istifadə zamanı digər əlavə təsirlərin baş verməsi mümkündür.
Əlavə təsirlərin tezliyi aşağıdakı parametrlərlə təyin edilir:
çox tez-tez (≥1/10); tez-tez (≥1/100 - <1/10); bəzən (≥1/1000 - <1/100); nadir hallarda (≥1/10000 -
<1/1000); çox nadir hallarda (<1/10000); məlum deyil (əldə olan məlumatlar görə tezliyi qiymətləndirmək mümkün deyil).
İmmun sistemdə baş verən pozulmalar
Məlum deyil – hiperhəssaslıq reaksiyaları (həmçinin angionevrotik ödem, övrə, səpgi, bronxospazm, bayılma ilə hipotenziya).
Mədə-bağırsaq sistemində baş verən pozulmalar
Məlum deyil – ürəkbulanma, qarın nahiyəsində ağrı, ağız boşluğunda diskomfort (yanma və ya sancma hissiyatı, ödem), dadbilmənin pozulması (dildə yanma və ağrılı sancma hissiyatı).
Yuxarıda qeyd edilən və ya təlimatda qeyd edilməyən digər əlavə təsirlərin baş verdiyi halda preparatın istifadəsini dayandırmaq və həkimə müraciət etmək lazımdır.
Doza həddinin aşılması
Doza həddinin aşılması zamanı mədə-bağırsaq sistemi tərəfindən baş verən diskomfortun yaranması az ehtimal edilir: ürəkbulanma.
Müalicəsi
Həkim nəzarəti altında simptomatik müalicə aparılır.
Buraxılış forması
Sorma tabletlər (mentol-evkalipt).
2, 4, 8, 10 və ya 12 tablet, PVX/PVDX/alüminium blisterdə. 1, 2, 3, 4 və ya 5 blister içlik vərəqə ilə birlikdə karton qutuya qablaşdırılır.
Saxlanma şəraiti
25ºC-dən yüksək olmayan temperaturda və uşaqların əli çatmayan yerdə saxlamaq lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı/Qeydiyyat vəsiqəsinin sahibi
Rekitt Benkizer Helsker İnterneşnl Ltd.
Teyn Roud, Nottinqem, NG90 2DB, Böyük Britaniya.
Rusiya Federasiyasında nümayəndə/İradları qəbul edən təşkilat
“Rekitt Benkizer Helsker” MMC.
Rusiya, 115114, Moskva ş., Şlyüzovaya sahil küçəsi, ev 4. Tel.: 8-800-200-82-20 (yalnız Rusiya üçün zəng pulsuzdur). contact_ru@rb.