Pharmed
STREPSILS LIMON BAL N36 PASTIL
STREPSİLS
Beynəlxalq patentləşdirilməmiş adı: Amylmetacrezol + Dichlorobenzyl alcohol
STREPSİLS Tərkibi
Təsiredici maddələr: 1 sorma tabletin tərkibində 1,2 mq 2,4-dixlorbenzil spirti, 0,6 mq
amilmetakrezol vardır.
Köməkçi maddələr: çaxır turşusu, bal, nanə yarpaqlarının yağı, limon
yağı (terpenlərsiz), xinolin sarısı boya maddəsi (E 104), maye saxaroza,
maye dekstroza [dekstroza, oliqo-və polisaxaridlər] (maye qlükoza).
Farmakoterapevtik qrupu
Antiseptik vasitə.
ATC kodu: R02AA03.
Farmakoloji xüsusiyyətləri
Farmakodinamikası:
2,4-dixlorbenzil spirti benzol törəməsi olub, antiseptik təsir göstərir.
Amilmetakrezol fenol törəməsi olub, antiseptik təsirə malikdir. 2,4-dixlorbenzil spirtinin və
amilmetakrezolun təsir mexanizmi, mikrob və göbələk hüceyrələrinin zülallarının koaqulyasiyası,
eləcə də hüceyrə membranının lipidləri ilə qarşılıqlı təsiri ilə əlaqədardır ki, bu da törədicilərə
qarşı effektivliyi müəyyən edir.
Preparat infeksion-iltihabi xəstəliklər zamanı antiseptik təsir göstərir, in vitro geniş spektrli
qrammüsbət və qrammənfi mikroorqanizmlərə qarşı aktivdir, antimikotik (göbələkəleyhinə) və
in vitro virusəleyhinə təsir göstərir.
Preparat ağız boşluğunun selikli qişasına yumşaldıcı təsir göstərir və boğazda qıcıqlanmanı
və ağrını azaldır (o cümlədən udqunma və nitq zamanı).
Preparat sorulduqdan 5 dəqiqə sonra boğazda ağrının intensivliyini azaldır. Ağrıkəsici təsiri 2
saat davam edir.
Preparatla 3 gün ərzində kurs müalicə zamanı plasebo ilə müqayisədə aydın ağrıkəsici effekti
müşahidə edilir.
Farmakokinetikası:
2,4-dixlorbenzil spirti qaraciyərdə metabolizmə uğrayır, böyrəklər vasitəsilə xaric olur.
Amilmetakrezolun metabolizmi haqda məlumat yoxdur.
İstifadəsinə göstərişlər
İnfeksion-iltihabi xəstəliklər zamanı boğaz ağrısının simptomatik müalicəsi.
Əks göstərişlər
- Preparatın istənilən komponentinə qarşı yüksək həssaslıq;
- 6 yaşa qədər uşaqlar;
- saxaraza/izomaltaza çatışmazlığı, fruktozaya qarşı dözümsüzlük, qlükoza-qalaktoza
malabsorbsiyası sindromu.
Xüsusi göstərişlər və ehtiyat tədbirləri
Hamiləlik və laktasiya dövrü, şəkərli diabet.
Preparatı, simptomları aradan qaldıra bilən maksimal dərəcədə mümkün qısa kursla və
minimal effektiv dozada istifadə etmək məsləhət görülür.
Preparatın istənilən komponentinə qarşı fərdi həssaslığı olan pasiyentlər preparatdan istifadə
etməməlidir. Şəkərli diabetli pasiyentlər nəzərə almalıdırlar ki, hər tabletin tərkibində təxminən
2,6 q (0,22 ÇV) şəkər vardır.
Digər dərman vasitələri ilə qarşılıqlı təsiri
Digər preparatlarla klinik əhəmiyyətli qarşılıqlı təsiri aşkar edilməmişdir. Preparatın digər
yerli mikrobəleyhinə vasitələrlə eyni zamanda istifadəsi mümkündür.
Hamiləlik və laktasiya dövründə istifadəsi
Hamiləlik və laktasiya dövründə preparatın istifadəsi, yalnız ana üçün gözlənilən fayda döl üçün
potensial riskdən üstün olduqda həkim məsləhəti ilə mümkündür.
Nəqliyyat vasitələrini və digər potensial təhlükəli mexanizmləri idarəetmə qabiliyyəti-nə təsiri
Preparat nəqliyyat vasitələrini idarəetmə qabiliyyətinə və sürətli psixomotor reaksiya və
yüksək diqqət tələb edən digər potensial təhlükəli fəaliyyət növləri ilə məşğul olma
qabiliyyətinə təsir etmir.
STREPSİLS İstifadə qaydası və dozası
Preparatı istifadə etməzdən əvvəl təlimatı diqqətlə oxumaq lazımdır.
Yerli istifadə edilir.
Böyüklər və 6 yaşdan yuxarı uşaqlar:
Hər 2-3 saatdan bir 1 tablet sorulur. 24 saat ərzində 8 tabletdən çox istifadə etmək olmaz.
Qeyd edilən dozanı aşmaq olmaz.
Müalicə kursunun müddəti 3 gündən artıq olmamalıdır. Preparat qəbul edildiyi 3 gün ərzində
simptomlar olduğu kimi qalarsa, müalicəni dayandırmaq və həkimə müraciət etmək lazımdır.
Əlavə təsirləri
Aşağıda qeyd edilən əlavə təsirlər preparatın qısamüddətli istifadəsi zamanı məsləhət
görülən dozalarda qəbul etdikdə qeyd edilmişdir. Xroniki vəziyyətlərin müalicəsi və
uzun müddətli istifadə zamanı digər əlavə təsirlərin baş verməsi mümkündür.
Əlavə təsirlərin tezliyi aşağıdakı parametrlərlə təyin edilir:
çox tez-tez (≥1/10); tez-tez (≥1/100 - <1/10); bəzən (≥1/1000 - <1/100); nadir hallarda (≥1/10000 -
<1/1000); çox nadir hallarda (<1/10000); məlum deyil (əldə olan məlumatlar görə tezliyi
qiymətləndirmək mümkün deyil).
İmmun sistemdə baş verən pozulmalar
Məlum deyil – hiperhəssaslıq reaksiyaları (həmçinin angionevrotik ödem, övrə, səpgi,
bronxospazm, bayılma ilə hipotenziya).
Mədə-bağırsaq sistemində baş verən pozulmalar
Məlum deyil – ürəkbulanma, qarın nahiyəsində ağrı, ağız boşluğunda diskomfort (yanma, sancma,
şişkinlik hissi), dadbilmənin pozulması (dildə yanma və ağrılı sancma hissi).
Yuxarıda qeyd edilən və ya təlimatda qeyd edilməyən digər əlavə təsirlərin baş verdiyi halda
preparatın istifadəsini dayandırmaq və həkimə müraciət etmək lazımdır.
Doza həddinin aşılması
Doza həddinin aşılması zamanı mədə-bağırsaq sistemi tərəfindən baş verən diskomfortun yaranması
az ehtimal edilir: ürəkbulanma.
Müalicəsi:
Həkim nəzarəti altında simptomatik müalicə aparılır.
Buraxılış forması
Sorma tabletlər (bal-limon).
2, 4, 6, 8, 10 və ya 12 tablet, PVX/PVDX/alüminium blisterdə. 1, 2, 3, 4 və ya 5 blister içlik
vərəqə ilə birlikdə karton qutuya qablaşdırılır.
Aptekdən buraxılma şərti
Reseptsiz buraxılır.