pharmed
STREPSILS INTENSIV 8,75MG N24 PASTIL
STREPSİLS İNTENSİV sorma tabletlər (ballı-limonlu) STREPSILS INTENSIVE
Beynəlxalq patentləşdirilməmiş adı: Flurbiprofen
Tərkibi
Təsiredici maddə: 1 tabletin tərkibində 8,75 mq flurbiprofen vardır.
Köməkçi maddələr: makroqol, kalium hidroksid, maye saxaroza, levomentol, dekstroza məhlulu, bal, P limon aromatizator (502904 A).
Təsviri
Yumru, hər iki tərəfində “S” hərfi həkk olunmuş, açıq-sarıdan açıq-qonura qədər rəngli yarımşəffaf karamel kütlədən hazırlanmış tabletlərdir. Karamel kütlədə hava qovuqcuqları və tabletin qıraqları bir qədər kələ-kötür ola bilər. Tabletin üzərində ağ təbəqənin əmələ gəlməsi mümkündür.
Farmakoterapevtik qrupu
Boğaz ağrısında istifadə edilən digər preparatlar.
ATC kodu: R02AX01.
Farmakoloji xüsusiyyətləri
Farmakodinamikası
Flurbiprofen propion turşusunun törəməsi olub, qeyri-steroid iltihabəleyhinə preparatlar (QSİƏP) qrupuna daxildir və siklooksigenaza-1 (SOG-1) fermentinə qarşı müəyyən selektivlik göstərərək, SOG-1 və siklooksigenaza-2 (SOG-2) fermentlərinin tormozlanması hesabına güclü ağrıkəsici,
iltihabəleyhinə və qızdırmasalıcı effektlərə malikdir ki, nəticədə ağrı, iltihab və hipertermik reaksiya mediatorları olan prostaqlandinlərin hasilatı aşağı düşür.
Preparatın 8,75 mq sorma tablet formasının ex vivo modelində öyrənilməsində fluribuprofenin boğaz toxumalarına, həmçinin toxumaların dərin qatlarına qədər daxil olması müəyyən olunub.
Preparat ağız boşluğunun və boğazın selikli qişasına yerli ağrıkəsici və iltihabəleyhinə təsir göstərir: ödemi aşağı salır, udma prosesində çətinliyi, boğazda ağrı və qıcıqlanma hissini aradan qaldırır.
Ağız boşluğunda tablet 5-12 dəqiqə müddətində tam həll olunur. Preparatın sakitləşdirici təsiri 2-ci dəqiqədən başlayır.
Boğaz ağrısı intensivliyinin əhəmiyyətli dərəcədə aşağı düşməsi 22-ci dəqiqədən başlayır, maksimal effekt 70 dəqiqədən sonra əldə olunur və 4 saata qədər davam edir.
Sorma tabletlərin ilkin istifadəsindən 2 saat sonra terapiyanın başlanmasından əvvəl müşahidə olunan öskürək, iştahanın itməsi və qızdırmalı vəziyyət kimi bəzi müşayiətedici simptomların əhəmiyyətli dərəcədə azalması müşahidə olunur.
Farmakokinetikası
Ağız boşluğunda tablet 5-12 dəqiqə müddətində tam həll olunur. Absorbsiyası yüksəkdir; flurbiprofen sürətlə və demək olar ki, tamamilə sorulur, bütün orqanizmə paylanılır və qan
plazmasının zülalları ilə əhəmiyyətli dərəcədə birləşir. İstifadəsindən 5 dəqiqə sonra flurbiprofen qanda aşkar olunur, qan plazmasında flurbiprofenin maksimal konsentrasiyası (Cmax) sorulduqdan 40-45 dəqiqədən sonra əldə olunur.
Ağız boşluğunda flurbiprofen passiv diffuziya yolu ilə sorula bilər. Absorbsiya sürəti dərman formasından asılıdır – sorulma zamanı flurbiprofenin maksimal konsentrasiyası, flurbiprofenin ekvivalent dozasının daxilə istifadəsinə nisbətən, daha sürətlə əldə olunur.
Preparatın yarımxaricolma dövrü (T1/2) 3-6 saat təşkil edir. Qaraciyərdə hidroksilləşmə yolu ilə metabolizmə məruz qalır və əsasən böyrəklər və daha az dərəcədə öd vasitəsi ilə xaric olunur. Flurbiprofenin əhəmiyyət kəsb etməyən miqdarı (< 0,05 mkq/ml) ana südü ilə xaric olunur.
Flurbiprofenin peroral dozasının təxminən 20-25 %-i orqanizmdən dəyişilməmiş şəkildə xaric olunur.
İstifadəsinə göstərişlər
Boğaz ağrısının yüngülləşdirilməsi üçün qısa müddətli simptomatik müalicə vasitəsi kimi istifadə olunur.
Əks göstərişlər
Flurbiprofenə və ya preparatın tərkibinə daxil olan hər hansı komponentə qarşı yüksək həssaslıq;
- anamnezdə asetilsalisil turşusunun və ya digər QSİƏP-in istifadəsinə qarşı hiperhəssaslıq
reaksiyalarının (bronxial astma, bronxospazm, rinit, Kvinke ödemi, övrə, burun və ya burunətrafı ciblərin residivləşən polipozu) mövcudluğu;
- mədə-bağırsaq traktı (MBT) orqanlarının eroziv-xoralı xəstəlikləri (o cümlədən, mədə və onikibarmaq bağırsaq xora xəstəliyi, Kron xəstəliyi, xoralı kolit) və ya kəskinləşmə mərhələsində və ya anamnezdə (xora xəstəliyinin və ya xora qanaxmasının iki və ya daha çox təsdiq olunmuş epizodu) xora qanaxmasının mövcudluğu;
- anamnezdə QSİƏP-in istifadəsi nəticəsində qanaxma, ağır kolit və ya mədə-bağırsaq traktı xorasının perforasiyası;
- qlükoza-6-fosfatdehidrogenaza ferment çatışmazlığı, hemofiliya və qanın laxtalanma
qabiliyyətinin digər pozğunluqları (o cümlədən, hipokoaqulyasiya), hemorragik diatezlər;
- ağır dərəcəli qaraciyər çatışmazlığı və ya qaraciyər xəstəliklərinin aktiv mərhələsi;
- ağır dərəcəli böyrək çatışmazlığı (kreatinin klirensi < 30 ml/dəqiqədə), təsdiq olunmuş hiperkaliemiya;
- dekompensasiyaolunmuş ürək çatışmazlığı; aortokoronar şuntlama əməliyyatı aparıldıqdan sonrakı dövr;
- saxaraza/izomaltaza çatışmazlığı, fruktozaya qarşı dözümsüzlük, qlükoza-qalaktoza malabsorbsiyası;
- hamiləlik dövrü (III trimestr);
- 12 yaşa qədər uşaqlar.
Xüsusi göstərişlər və ehtiyat tədbirləri
Aşağıda göstərilən vəziyyətlər müşahidə olunduqda, preparatı istifadə etməzdən əvvəl həkimlə
məsləhətləşmək lazımdır: digər QSİƏP-in eyni zamanda istifadəsi; mədə xorası xəstəliyinin və ya MBT-dən xora qanaxmasının bir epizodunun anamnezdə mövcudluğu; anamnezdə mədə-bağırsaq traktı xəstəlikləri (xoralı kolit, Kron xəstəliyi), qastrit, enterit, kolit, Helicobacter pylori
infeksiyasının mövcudluğu; bronxial astma və ya allergik xəstəliklər – kəskinləşmə mərhələsində və ya anamnezdə – bronxospazmın inkişaf etmə ehtimalı; sistem qırmızı qurdeşənəyi və ya birləşdirici toxumanın qarışıq xəstəliyi (Şarp sindromu) – aseptik meningit riskinin yüksəlməsi (flurbiprofendən qısa müddət ərzində istifadə etdikdə, risk əhəmiyyət kəsb etmir); böyrək
çatışmazlığı, o cümlədən, susuzlaşma zamanı (kreatinin klirensi 30-60 ml/dəqiqədən aşağı), nefrotik sindrom; qaraciyər çatışmazlığı, portal hipertenziya ilə müşayiət olunan qaraciyər sirrozu, hiperbilirubinemiya; arterial hipertenziya və/və ya ürək çatışmazlığı, ödemlər; xoraların və ya
qanaxmaların baş vermə riskinin yüksəlməsinə səbəb ola bilən dərman preparatlarının, xüsusilə, peroral qlükokortikosteroidlərin (o cümlədən, prednizolonun), antikoaqulyantların (o cümlədən,
varfarinin), antiaqreqantların (o cümlədən, asetilsalisil turşusunun, klopidoqrelin), serotoninin geri tutulmasının selektiv inhibitorlarının (o cümlədən, sitalopramın, fluoksetinin, paroksetinin,sertralinin) eyni zamanda istifadəsi; hamiləlik dövrünün I-II trimestrləri, laktasiya dövrü; yaşlı pasiyentlər; alkoqolun istifadəsi.
Preparatı maksimal mümkün qısamüddətli müalicə kursu və simptomların aradan qaldırılması üçün minimal effektiv dozada istifadə etmək tövsiyə olunur.
Şəkərli diabetdən əziyyət çəkən pasiyentlərdə nəzərə almaq lazımdır ki, sormaq üçün ballı-limonlu hər bir tabletin tərkibində təxminən, 2,5 q (0,21 çörək vahidi (ÇV)) şəkər vardır.
Qastropatiya simptomları meydana çıxdığı halda, ezofaqoqastroduodenoskopiya, qanın ümumi analizi (hemoqlobinin müəyyən edilməsi), nəcisdə gizli qanın aşkar olunması üçün analiz daxil olmaqla, pasiyentləri hərtərəfli müayinə etmək lazımdır.
17-ketosteroidlərin müəyyən edilməsi üçün zərurət yarandıqda, müayinədən 48 saat əvvəl preparatın istifadəsini dayandırmaq lazımdır.
Müalicə müddətində etanolun istifadəsi tövsiyə olunmur.
Böyrəklərin funksional vəziyyətinin pisləşməsi riskinin mövcudluğunu nəzərə alaraq, böyrək və ya qaraciyər çatışmazlığından əziyyət çəkən pasiyentlər və həmçinin, yaşlı pasiyentlər və
diuretiklərdən istifadə edən pasiyentlər preparatın istifadəsindən əvvəl həkimlə
məsləhətləşməlidirlər. Preparatdan qısa müddət ərzində istifadə edildikdə, risk əhəmiyyət kəsb etmir.
Preparatın istifadəsi nəticəsində orqanizmdə mayenin ləngiməsi, arterial təzyiqin yüksəlməsi və ödemlərin meydana çıxması ehtimalını nəzərə alaraq, arterial hipertenziyadan əziyyət çəkən
pasiyentlər, o cümlədən arterial hipertenziya anamnezdə qeyd olunduqda və/və ya xroniki ürək çatışmazlığından əziyyət çəkən pasiyentlər preparatın istifadəsinə başlamazdan əvvəl həkimlə məsləhətləşməlidirlər.
Hamilə olmağı planlaşdıran qadınlar üçün məlumat: preparat siklooksigenaza fermentini və
prostaqlandinlərin sintezini tormozlayır və ovulyasiyaya təsir göstərməklə, qadınlarda reproduktiv funksiyanın pozulmasına səbəb ola bilər (müalicə dayandırıldıqdan sonra, aradan qalxır).
Ağız boşluğunda qıcıqlanma, dəri üzərində səpgilər, selikli qişaların zədələnməsi və allergik
reaksiyaların digər təzahürləri meydana çıxdıqda, preparatın istifadəsini dayandırmaq və həkimə müraciət etmək lazımdır.
Müvafiq simptomlar pisləşdiyi halda və ya yeni simptomlar, o cümlədən, bakterial infeksiya
əlamətləri meydana çıxdıqda, aparılan müalicənin təkrar nəzərdən keçirilməsi məqsədi ilə dərhal həkimə müraciət etmək vacibdir.
Digər dərman vasitələri ilə qarşılıqlı təsiri
Flurbiprofenin aşağıda göstərilən dərman preparatları ilə eyni zamanda istifadəsindən çəkinmək lazımdır:
- asetilsalisil turşusu: həkim tərəfindən təyin olunan asetilsalisil turşusunun aşağı dozaları istisna olmaqla (sutkada 75 mq-dan artıq olmamaq şərti ilə) – nəzərə almaq lazımdır ki, preparatların birlikdə istifadəsi əlavə effektlərin meydana çıxma riskinin yüksəlməsinə səbəb ola bilər ;
- digər QSİƏP, o cümlədən, ibuprofen və siklooksigenaza-2 fermentinin selektiv inhibitorları: əlavə effektlərin meydana çıxması riskinin yüksəlməsi ehtimalını nəzərə alaraq, QSİƏP qrupundan olan
iki və daha çox preparatın eyni zamanda istifadəsindən çəkinmək lazımdır.
Flurbiprofeni aşağıda göstərilən dərman preparatları ilə eyni zamanda ehtiyatla istifadə etmək lazımdır:
- antikoaqulyantlar: QSİƏP antikoaqulyantların, xüsusilə, varfarinin effektlərinin güclənməsinə səbəb ola bilərlər;
- antiaqreqantlar və serotoninin geri tutulmasının selektiv inhibitorları: mədə-bağırsaq qanaxmasının meydana çıxma riskinin yüksəlməsi;
- hipotenziv preparatlar (AÇF inhibitorları və angiotenzin II antaqonistləri) və diuretiklər: QSİƏP göstərilən qrup preparatların effektivliyinin aşağı düşməsinə və siklooksigenaza fermentinin inhibə olunması nəticəsində, xüsusilə, böyrək funksiyalarının pozulmasından əziyyət çəkən pasiyentlərdə nefrotoksikliyin yüksəlməsinə səbəb ola bilərlər (belə pasiyentlərdə mayenin müvafiq bərpa
olunmasını təmin etmək tələb olunur);
- alkoqol: əlavə reaksiyaların, xüsusilə, mədə-bağırsaq traktında qanaxmaların meydana çıxma riskinin yüksəlməsi mümkündür;
- ürək qlikozidləri: QSİƏP-in və ürək qlikozidlərinin eyni zamanda istifadəsi, ürək çatışmazlığının dərinləşməsinə, yumaqcıq filtrasiyası sürətinin aşağı düşməsinə və qan plazmasında ürək
qlikozidlərinin konsentrasiyasının yüksəlməsinə gətirib çıxara bilər;
- siklosporin: QSİƏP-in və siklosporinin eyni zamanda istifadəsi, nefrotoksiklik riskinin yüksəlməsinə səbəb ola bilər;
- qlükokortikosteroidlər: mədə-bağırsaq traktında xoraların əmələ gəlməsi və mədə-bağırsaq qanaxmalarının meydana çıxma riskinin yüksəlməsi müşahidə oluna bilər;
- litium preparatları: QSİƏP-in istifadəsi fonunda qan plazmasında litiumun konsentrasiyasının yüksəlməsi ehtimalı barədə məlumatlar mövcuddur;
- metotreksat: QSİƏP-in istifadəsi fonunda qan plazmasında metotreksatın konsentrasiyasının
yüksəlməsi ehtimalı barədə məlumatlar mövcuddur. QSİƏP-i metotreksatın istifadəsindən 24 saat əvvəl və ya sonra, istifadə etmək lazımdır;
- mifepriston: QSİƏP-in mifepristonun effketivliyini aşağı salma ehtimalını nəzərə alaraq,
mifepristonun istifadəsi sona çatdıqdan 8-12 gün sonra, QSİƏP-in istifadəsinə başlamaq olar;
- xinolon sırasından olan antibiotiklər: QSİƏP-dən və xinolon sırasından olan antibiotiklərdən eyni zamanda istifadə edən pasiyentlərdə qıcolmaların meydana çıxması riskinin yüksəlməsi ehtimal edilir;
- takrolimus: QSİƏP-dən və takrolimusdan eyni zamanda istifadə etdikdə, nefrotoksiklik riskinin yüksəlməsi ehtimal edilir;
- zidovudin: QSİƏP-in və zidovudinin eyni zamanda istifadəsi, hematotoksiklik riskinin yüksəlməsinə gətirib çıxara bilər;
- peroral hipoqlikemik preparatlar: qanda qlükoza səviyyəsinin dəyişməsi mümkündür (qanda qlükoza səviyyəsinin nəzarətinin tezliyini artırmaq tövsiyə olunur);
- fenitoin: zərdab fenitoininin səviyyəsinin yüksəlməsi qeyd oluna bilər (zərdab fenitoininin səviyyəsinə nəzarət etmək və zərurət yarandıqda, dozanı korreksiya etmək tövsiyə olunur);
- kaliumqoruyucu diuretiklər: kaliumqoruyucu diuretiklərin və flurbiprofenin eyni zamanda istifadəsi, hiperkaliemiyanın inkişaf etməsinə gətirib çıxara bilər;
- probenesid və sulfinpirazon: probenesid- və ya sulfinpirazon-tərkibli dərman preparatları, flurbiprofenin orqanizmdən xaricolmasının ləngiməsinə səbəb ola bilərlər;
- tolbutamid və antasidlər: indiyə qədər flurbiprofen və tolbutamid və ya antasidlər arasında heç bir qarşılıqlı təsir aşkar edilməmişdir.
Hamiləlik və laktasiya dövründə istifadəsi
Hamiləlik dövrünün III trimestrində preparatın istifadəsi əks göstərişdir. Hamiləlik dövrünün I-II trimestrlərində flurbiprofenin istifadəsindən çəkinmək lazımdır; preparatın isitfadəsi üçün zərurət yarandıqda, həkimlə məsləhətləşmək vacibdir.
Flurbiprofenin əhəmiyyət kəsb etməyən miqdarının südəmər körpənin sağlamlığına heç bir mənfi təsir göstərmədən nüfuz etməsi barədə məlumatlar mövcuddur, lakin, QSİƏP-in ehtimal edilən
əlavə effektlərini nəzərə alaraq, laktasiya dövründə preparatın istifadəsi tövsiyə olunmur.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Flurbiprofendən istifadə etdikdə, başgicəllənmə, yuxuya meyillilik, tormozlanma və ya görmə qabiliyyətinin pozulması qeyd olunan pasiyentlər, nəqliyyat vasitəsini və ya digər potensial
təhlükəli mexanizmləri idarə etməkdən çəkinməlidirlər.
İstifadə qaydası və dozası
Preparatı istifadə etməzdən əvvəl içlik vərəqəni diqqətlə oxumaq lazımdır.
Preparat yerli istifadə üçün nəzərdə tutulmuşdur. Preparat yalnız qısamüddətli istifadə üçün nəzərdə tutulmuşdur.
Böyüklər və 12 yaşdan yuxarı uşaqlar: hər 3-6 saatdan bir 1 tablet tədricən sormaq.
Maksimal sutkalıq doza – 24 saat müddətində 5 tablet təşkil edir.
Müalicə kursunun davametmə müddəti 3 gündən artıq olmamalıdır.
Preparatdan istifadə etdikdə, 3 gün müddətində simptomlar saxlanıldığı və ya gücləndiyi halda, müalicəni dayandırmaq və həkimə müraciət etmək lazımdır.
Əlavə təsirləri
Bəzi qeyri-steroid iltihabəleyhinə preparatların xüsusilə də yüksək dozalarda və uzun müddət ərzində istifadəsi, arterial trombotik vəziyyətlərin (məsələn, miokard infarktı insult) inkişaf riskinin yüksəlməsinə ilə bağlı ola bilər. Mövcud olan məlumatlar fluribuprofenin 8,75 mq sorma tabletlər formasında bu riskin istisna olunması üçün yetərli deyil.
Qeyri-steroid iltihabəleyhinə preparatlara qarşı hiperhəssaslıq reaksiyalarının inkişafının aşağıdakı formalarda meydana çıxması haqqında məlumarlar alınmışdır:
Qeyri-spesifik və allergik anafilaktik reaksiyalar;
Tənəffüs yollarının hiperreaktivliyi, o cümlədən astma, astmanın kəskinləşməsi, bronxospazm, təngənəfəslik;
Müxtəlif dəri reaksiyaları, məsələn, qaşınma, övrə, angionevrotik ödem və eksfoliativ və bulyoz dermatoz (epidermal nekroliz və çoxformalı eritema daxil olmaqla)
Qeyri-steroid iltihabəleyhinə preparat qəbul edən pasiyentlərdə ödemin, arterial hipertenziya və ürək çatışmazlığının meydana gəlməsi halları qeydə alınmışdır.
Preparatı qısamüddətli müalicə kursu və simptomların aradan qaldırılması üçün minimal effektiv dozada istifadə etdikdə, əlavə effektlərin meydana çıxma riskini minimuma endirmək olar.
Preparatdan qısa müddət ərzində istifadə etdikdə, aşağıda göstərilən əlavə reaksiyalar qeyd
olunmuşdur. Xroniki vəziyyətlərin müalicəsi aparıldıqda və preparatdan uzun müddət ərzində istifadə etdikdə, digər əlavə reaksiyaların meydana çıxması mümkündür.
Əlavə reaksiyaların meydana çıxma tezliyinin qiymətləndirilməsi, aşağıda göstərilən kriteriyalar əsasında aparılmışdır: çox tez-tez (≥ 1/10), tez-tez (≥ 1/100-dən, < 1/10-ə qədər), bəzən (≥ 1/1000- dən, < 1/100-ə qədər), nadir hallarda (≥ 1/10000-dən, < 1/1000-ə qədər), çox nadir hallarda (< 1/10000), məlum deyil (mövcud məlumatlar başvermə tezliyini qiymətləndirmək üçün kifayət deyil).
Qan və limfa sistemində baş verən pozğunluqlar: məlum deyil – qanyaranma prosesinin pozulması (anemiya, trombositopeniya).
Sinir sistemində baş verən pozğunluqlar: tez-tez – başgicəllənmə, baş ağrısı, paresteziya; bəzən – yuxuya meyillilik.
İmmun sistemdə baş verən pozğunluqlar: nadir hallarda – anafilaktik reaksiyalar.
Ürəkdə baş verən pozğunluqlar: məlum deyil – ürək çatışmazlığı, ödemlər.
Damarlarda baş verən pozğunluqlar: məlum deyil – arterial təzyiqin yüksəlməsi.
Tənəffüs sistemində, döş qəfəsi və divararası orqanlarda baş verən pozğunluqlar: tez-tez – boğazda qıcıqlanma hissi; bəzən – astmanın kəskinləşməsi və bronxospazm, təngnəfəslik, fışıltılı tənəffüs, ağız boşluğu və udlaq nahiyəsində suluqlar, faringeal hipesteziya (ağız boşluğu və udlaq
nahiyəsində həssaslığın aşağı düşməsi).
Mədə-bağırsaq traktında baş verən pozğunluqlar: tez-tez – diareya, ağız boşluğunda xoraların əmələ gəlməsi, ürəkbulanma, ağız boşluğunda ağrı, ağız boşluğunda paresteziya, ağız boşluğu və udlaq nahiyəsində ağrı, ağız boşluğunda narahatlıq hissi (ağızda istilik hissi, yanğı və ya sancma
hissi); bəzən – qarın nahiyəsində köp, qarın nahiyəsində ağrı, qəbizlik, ağızda quruluq, dispepsiya, meteorizm, qlossalgiya (yanan ağız sindromu), disgevziya (dadbilmə qabiliyyətinin pozulması), ağız boşluğunda dizesteziya, qusma.
Dəridə və dərialtı toxumalarda baş verən pozğunluqlar: bəzən – dəri üzərində səpgilər, qaşınma; məlum deyil – ağır dərəcəli dəri reaksiyaları, məsələn, Stivens-Conson sindromu və toksik epidermal nekroliz (Layella sindromu) daxil omaqla, bullyoz reaksiyalar.
Qaraciyərdə və ödçıxarıcı yollarda baş verən pozğunluqlar: məlum deyil – hepatit.
Psixikada baş verən pozğunluqlar: bəzən – yuxusuzluq.
Digər əlavə reaksiyalar: bəzən – qızdırma, ağrı.
Doza həddinin aşılması
Simptomları: ürəkbulanma, qusma, epiqastral nahiyədə ağrı və ya daha nadir hallarda, diareya, qulaqlarda küy, baş ağrısı və mədə-bağırsaq qanaxması. Daha ağır hallarda, mərkəzi sinir
sistemində pozğunluqlar müşahidə oluna bilər: yuxuya meyillilik, nadir hallarda – oyanıqlıq,
qıcolmalar, görmənin pozulması, dezoriyentasiya, koma. Ağır dərəcəli zəhərlənmə baş verdiyi halda, metabolik asidoz və protrombin müddətinin uzanması, kəskin böyrək çatışmazlığı, qaraciyər toxumasının zədələnməsi, arterial təzyiqin aşağı düşməsi, tənəffüsün tormozlanması və sianoz. Bronxial astmadan əziyyət çəkən pasiyentlərdə, həmin xəstəliyin kəskinləşməsi qeyd oluna bilər.
Müalicəsi:pasiyentin vəziyyəti tam normalaşana qədər tənəffüs yollarının keçiriciliyinin mütləq təmin olunması, EKQ və həyat fəaliyyətinin əsas göstəricilərinin monitorinqinin aparılması ilə eyni zamanda, simptomatik müalicə təyin olunmalıdır. Flurbiprofenin potensial toksik dozasının
istifadəsindən sonra bir saat müddətində aktivləşdirilmiş kömürün peroral istifadəsi və ya mədənin yuyulması tövsiyə olunur. Diazepamı və ya lorazepamı vena daxilinə yeritməklə, tez-tez baş verən və ya uzunmüddətli qıcolmaların aradan qaldırılması mümkündür. Bronxial astma ağırlaşdığı halda, bronxodilatatorların istifadəsi tövsiyə olunur. Flurbiprofenə qarşı heç bir spesifik antidot mövcud deyil.
Buraxılış forması
8,75 mq, sorma tabletlər.
4, 6, 8, 10 və ya 12 tablet, blisterdə (PVX/PVDX/Alüminium). 1, 2, 3, 4 və ya 5 blister içlik vərəqə ilə birlikdə karton qutuya qablaşdırılır.
Saxlanma şəraiti
25° C-dən yuxarı olmayan temperaturda və uşaqların əli çatmayan yerdə saxlamaq lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı və qeydiyyat vəsiqəsinin sahibi
Rekitt Benkizer Hеlsker İnterneşnl Ltd.
Teyn Roud, Nottingem, NG90 2DB, Birləşmiş Krallıq.
Rusiyada nümayəndə/İstehlakçılardan iradları qəbul edən təşkilat
“Rekitt Benkizer Hеlsker” MMC.
Rusiya, 115114, Moskva şəh., Şlyuzovaya sah., ev 4. Tel.: 8-800-200-82-20 (Rusiya üzrə zəng ödənişsizdir). contact_ru@rb.com