PharmEd

Pharmed

STREPSILS INTENSIV 8,7 MG 15 ML SPREY

STREPSİLS İNTENSİV 

Beynəlxalq patentləşdirilməmiş adı: Flurbiprofen

 

STREPSİLS İNTENSİV Tərkibi

Təsiredici maddə: 1 dozada (dozatora 3 basılma) 8,75 mq flurbiprofen vardır.
Köməkçi maddələr: betadeks, dinatrium fosfat dodekahidrat, limon turşusu monohidrat,
 metiparahidroksibenzoat, propilparahidroksibenzoat, natrium hidroksid, nanə
 aromatizatoru (PHL 175628), albalı aromatizatoru (PHL 175629), N-2,3-
 trimetil-2-izopropilbutanamid, natrium saxarinat, hidroksipropilbetadeks,
 təmizlənmiş su.


Farmakoterapevtik qrupu

Qeyri-steroid iltihabəleyhinə preparatlar (QSİƏP).

ATC kodu: R02AX01.

 

Farmakoloji xüsusiyyətləri

Farmakodinamikası:
Flurbiprofen propion turşusunun törəməsi olub, qeyri-steroid iltihabəleyhinə preparatdır (QSİƏP).
Flurbiprofen siklooksigenaza-1 (SOG-1) fermentinə qarşı müəyyən selektivlik göstərərək, SOG-1 və
siklooksigenaza-2 (SOG-2) fermentlərinin tormozlanması hesabına güclü ağrıkəsici, iltihabəleyhinə
və qızdırmasalıcı effektə malikdir ki, nəticədə ağrı, iltihab və hipertermik reaksiya mediatorları olan
prostaqlandinlərin hasilatı azalır.
Preparatın birdəfəlik dozada (dozatora 3 dəfə basmaqla) istifadəsi zamanı ağrının və udqunma
zamanı çətinliyin azalması 5 dəqiqədən sonra, ağrının intensivliyinin əhəmiyyətli dərəcədə dəyişməsi
20 dəqiqədən, ödemin azalması 30 dəqiqədən sonra qeyd edilir. Preparatın ağrıkəsici və
ödeməleyhinə təsiri 6 saat davam edir.
Farmakokinetikası:
Preparatın ağız-udlağın selikli qişasına birdəfəlik dozasının (dozatora 3 dəfə basmaqla) istifadəsi
zamanı flurbiprofen tez zamanda sorulur və qan plazmasında 2-5 dəqiqədən sonra təyin edilir.
Flurbiprofen istifadəsindən sonra qan plazmasında maksimal konsentrasiyaya 30 dəqiqədən sonra
çatır və 1,6 mkq/ml təşkil edir ki, bu da, flurbiprofenin 50 mq daxilə qəbulu zamanı olduğundan 4
dəfə azdır. Flurbiprofen qan plazmasının zülalları ilə tez zamanda birləşir və bütün orqanizmdə
paylanır.
Flurbiprofen əsasən hidroksilləşmə yolu ilə metabolizmə uğrayır və böyrəklər vasitəsilə xaric olur,
yarımxaricolma dövrü (T1/2) 3-6 saat təşkil edir. Flurbiprofenin peroral dozasının təqribən 20-25%
dəyişilməmiş şəkildə böyrəklər vasitəsilə xaric olur.

 

İstifadəsinə göstərişlər

Yuxarı tənəffüs yollarının infeksion-iltihabi xəstəlikləri zaman boğaz ağrısının yüngülləşdirilməsi
üçün simptomatik vasitə qismində istifadə olunur.

 

Əks göstərişlər

• Flurbiprofenə və ya preparatın tərkibinə daxil olan hər hansı komponentə qarşı yüksək həssaslıq;
• anamnezdə asetilsalisil turşusunun və ya digər QSİƏP-in istifadəsinə qarşı hiperhəssaslıq
reaksiyalarının (bronxial astma, bronxospazm, rinit, Kvinke ödemi, övrə, burun və ya burunətrafı
ciblərin residivləşən polipozu) olması;
• mədə-bağırsaq traktı (MBT) orqanlarının eroziv-xoralı xəstəlikləri (o cümlədən, mədə və
onikibarmaq bağırsaq xora xəstəliyi), aktiv fazasında və ya anamnezdə (xora xəstəliyinin və ya xora
qanaxmasının iki və ya daha çox təsdiq olunmuş epizodu) xora qanaxması;
• anamnezdə QSİƏP-in istifadəsi nəticəsində qanaxma və ya mədə-bağırsaq traktı xorasının
perforasiyası, xoralı kolit, anamnezdə hemorragik və hemopoetik pozuntu;
• hamiləlik (III trimestr);
• laktasiya dövrü;
• 12 yaşa qədər uşaqlar;
• ağır qaraciyər çatışmazlığı və ya aktiv fazada qaraciyər xəstəlikləri;
• ağır dərəcəli böyrək çatışmazlığı (kreatininin kirensi < 30 ml/dəqiqə);
• dekompensasiyalı ürək çatışmazlığı;
• aorta-koronar şuntlamadan sonrakı dövr;
• təsdiq edilmiş hiperkaliemiya;
• qlükoza-6-fosfat dehidrogenaza defisiti;
• hemofiliya və qanın laxtalanmasının digər pozuntuları (o cümlədən, hipokoaqulyasiya), hemorragik
diatez.

 

Xüsusi göstərişlər və ehtiyat tədbirləri

Simptomları aradan qaldırmaq üçün preparatı maksimal qısa kursla və minimal effektiv dozada
istifadə etmək məsləhət görülür.
Qastropatiyanın simptolarının təzahürü zaman ezofaqoqastroduodenoskopiyanın aparılmasını, qanın
ümumi analizini (hemoqlobinin müəyyən edilməsi), gizli qanı aşkar etmək üçün nəcisin analizini
özündə birləşdirən diqqətli nəzarət göstərişdir.
17-ketosteroidlərin müəyyən edilməsinə ehtiyac olduqda, preparatı tədqiqatdan 48 saat əvvəl ləğv
etmək lazımdır.
Böyrək və ya qaraciyər çatışmazlığı olan pasiyentlərdə, eləcə də, yaşlı və diuretiklər qəbul edən
pasiyentlərdə preparatı qəbul etməzdən əvvəl həkimlə məsləhətləşmək məsləhət görülür, belə ki,
böyrəklərin funksional vəziyyətinin pozulması riski mövcuddur. Preparatın qısa müddətli istifadəsi
zamanı risk əhəmiyyətsiz dərəcədə olur.
Arterial hipertenziyası, o cümlədən, anamnezində və/və ya xroniki ürək çatışmazlığı olan pasiyentləri
preparatı istifadə etməzdən əvvəl həkimlə məsləhətləşməsi vacibdir, belə ki, preparat mayenin
ləngiməsinə, arterial təzyiqin yüksəlməsinə və ödemə səbəb ola bilər.
Hamiləlik planlaşdıran qadınlar üçün məlumat: preparat siklooksigenazanı və protaqlandinlərin
sintezini zəiflədir və qadın reproduktivlik funksiyasını pozaraq, ovulyasiyaya təsir edə bilər (müalicə
ləğv edildikdən sonra geridönəndir).
Müalicə dövründə alkoqol qəbulu məsləhət görülmür.
Ağız boşluğunda qıcıqlanma, dəri səpgisi, selikli qişanın zədələnməsi və allergik reaksiyanın digər
təzahürü zamanı preparatın istifadəsini dayandırmaq və həkimə müraciət etmək lazımdır.
Mövcud simptomların pisləşməsi və ya yenilərinin yaranması zamanı, o cümlədən, bakterial
infeksiyanın əlamətlərinin təzahürü zamanı terapiyanın yenidən nəzərdən keçirilməsi üçün dərhal
həkimə müraciət etmək lazımdır.
Ehtiyatla:
Aşağıdakı xəstəliklərdən və/və ya hallardan hər hansı olduqda, preparatı istifadə etməzdən əvvəl
həkimə müraciət etmək lazımdır.
Digər QSİƏP-lə eyni vaxtda istifadəsi; anamnezdə mədənin xora xəstəliyinin və ya MBT-nin xoralı
qanaxmasının birdəfəlik epizodu; anamnezdə mədə-bağırsaq sisteminin xəstəlikləri (xoralı kolit,
Kron xəstəliyi), qastrit, enterit, kolit, Helicobacter pylori infeksiyasının olması; bronxial astma və ya
kəskinləşmə fazasında və ya anamnezdə allergik xəstəliklər-bronxospazmın inkişafı mümkündür;
sistem qırmızı qurdeşənəyi və birləşdirici toxumanın digər sistem autoimmun xəstəlikləri (aseptik
meningitin inkişafının yüksək riski)-flurbiprofenin qısa müddətli istifadəsi zamanı risk əhəmiyyətsiz
dərəcədədir; arterial hipertenziya və/və ya ürək çatışmazlığı, ödem; böyrək çatışmazlığı, o cümlədən,
susuzlaşma zamanı (kreatinin klirensi 60 ml/dəqiqədən az), nefrotik sindrom, qaraciyər çatışmazlığı,
portal hipertenziya ilə qaraciyər sirrozu, hiperbilirubinemiya (flurbiprofenin qısa müddətli istifadəsi
zamanı risk əhəmiyyətsiz dərəcədədir); xora və ya qanaxmanın yaranma riskini artıra bilən dərman
vasitələrilə eyni vaxtda istifadəsi, əsasən peroral qlükokortikosteroidlərin (o cümlədən,
prednizolonun), antikoaqulyantların (o cümlədən, varfarinin), antiaqreqantların (o cümlədən,
asetilsalisil turşusunun, klopidoqrelin), serotoninin geriyə tutulmasının selektiv inhibitorlarının (o
cümlədən, sitalopramın, fluoksetinin, paroksetinin, sertralinin); alkoqolizm; hamiləliyin I-II trimestri;
yaşlı şəxslər.

 

Digər dərman vasitələri ilə qarşılıqlı təsiri

Preparatın aşağıda göstərilən dərman vasitələrilə eyni zamanda istifadəsindən çəkinmək lazımdır:
• Asetilsalisil turşusu: həkim tərəfindən təyin olunan asetilsalisil turşusunun aşağı dozaları istisna
olmaqla (sutkada 75 mq-dan artıq olmamaq şərti ilə) – nəzərə almaq lazımdır ki, preparatların
birlikdə istifadəsi əlavə effektlərin meydana çıxma riskinin yüksəlməsinə səbəb ola bilər.
• Digər QSİƏP, o cümlədən, ibuprofen və siklooksigenaza-2 fermentinin selektiv inhibitorları: əlavə
effektlərin meydana çıxması riskinin yüksəlməsi ehtimalını nəzərə alaraq, QSİƏP qrupundan olan iki
və daha çox preparatın eyni zamanda istifadəsindən çəkinmək lazımdır.
Flurbiprofeni aşağıda göstərilən dərman preparatları ilə eyni zamanda ehtiyatla istifadə etmək
lazımdır:
• Antikoaqulyantlar: QSİƏP antikoaqulyantların, xüsusilə, varfarinin effektlərinin güclənməsinə
səbəb ola bilərlər.
• Antiaqreqantlar və serotoninin geri tutulmasının selektiv inhibitorları: mədə-bağırsaq
qanaxmasının meydana çıxma riskinin yüksəlməsi.
• Hipotenziv preparatlar (AÇF inhibitorları və angiotenzin II antaqonistləri) və diuretiklər: QSİƏP
göstərilən qrup preparatların effektivliyinin aşağı düşməsinə və siklooksigenaza fermentinin inhibə
olunması nəticəsində, xüsusilə, böyrək funksiyalarının pozulmasından əziyyət çəkən pasiyentlərdə
nefrotoksikliyin yüksəlməsinə səbəb ola bilərlər (belə pasiyentlərdə mayenin müvafiq bərpa
olunmasını təmin etmək tələb olunur).
• Etanol: əlavə təsirlərin xüsusilə, mədə-bağırsaq qanaxmalarının inkişafı riskini artıra bilər.
• Ürək qlikozidləri: QSİƏP-in və ürək qlikozidlərinin eyni zamanda istifadəsi, ürək çatışmazlığının
dərinləşməsinə, yumaqcıq filtrasiyası sürətinin aşağı düşməsinə və qan plazmasında ürək
qlikozidlərinin konsentrasiyasının yüksəlməsinə gətirib çıxara bilər.
• Siklosporin: nefrotoksikliyin inkişafı riskini artırır.
• Qlükokortikosteroidlər: mədə-bağırsaq traktında xoraların əmələ gəlməsi və mədə-bağırsaq
qanaxmalarının meydana çıxma riskinin yüksəlməsi müşahidə oluna bilər.
• Litium preparatları: QSİƏP-in istifadəsi fonunda qan plazmasında litiumun konsentrasiyasının
yüksəlməsi ehtimalı barədə məlumatlar mövcuddur.
• Metotreksat: QSİƏP-in istifadəsi fonunda qan plazmasında metotreksatın konsentrasiyasının
yüksəlməsi ehtimalı barədə məlumatlar mövcuddur. QSİƏP-i metotreksatın istifadəsindən 24 saat
əvvəl və ya sonra, istifadə etmək lazımdır.
• Mifepriston: QSİƏP-in mifepristonun effektivliyini aşağı salma ehtimalını nəzərə alaraq,
mifepristonun istifadəsi sona çatdıqdan 8-12 gün sonra, QSİƏP-in istifadəsinə başlamaq olar.
• Xinolon sırasından olan antibiotiklər: QSİƏP-dən və xinolon sırasından olan antibiotiklərdən eyni
zamanda istifadə edən pasiyentlərdə qıcolmaların meydana çıxması riskinin yüksəlməsi ehtimal
edilir.
• Takrolimus: QSİƏP-lə eyni vaxtda istifadəsi zamanı nefrotoksiklik riskinin yüksəlməsi
mümkündür.
• Zidovudin: QSİƏP-lı eyni vaxtda istifadəi zamanı hematotoksiklik riskinin yüksəlməsi mümkündür.
• Peroral hipoqlikemik preparatlar: qanda qlükoza səviyyəsinin dəyişməsi mümkündür (qanda
qlükoza səviyyəsinin nəzarətinin tezliyini artırmaq tövsiyə olunur).
• Fenitoin: zərdab fenitoinin səviyyəsinin yüksəlməsi qeyd oluna bilər (zərdab fenitoinin səviyyəsinə
nəzarət etmək və zərurət yarandıqda, dozanı korreksiya etmək tövsiyə olunur).
• Kaliumqoruyucu diuretiklər: kaliumqoruyucu diuretiklərin və flurbiprofenin eyni zamanda
istifadəsi, hiperkaliemiyanın inkişaf etməsinə gətirib çıxara bilər.
• Probenesid və sulfinpirazon: probenesid- və ya sulfinpirazon-tərkibli dərman preparatları,
flurbiprofenin orqanizmdən xaricolmasının ləngiməsinə səbəb ola bilərlər.
• Tolbutamid və antasidlər: indiyə qədər flurbiprofen və tolbutamid və ya antasidlər arasında heç bir
qarşılıqlı təsir aşkar edilməmişdir.

 

Hamiləlik və laktasiya dövründə istifadəsi

Hamiləlik dövrünün III trimestrində preparatın istifadəsi əks göstərişdir.
Hamiləlik dövrünün I-II trimestrlərində flurbiprofenin istifadəsindən çəkinmək lazımdır, preparatın
isitfadəsinə ehtiyac olduqda, həkimlə məsləhətləşmək lazımdır.
Flurbiprofeninin südəmər körpənin sağlamlığına heç bir mənfi təsir göstərmədən ana südünə nüfuz
etməsi barədə məlumatlar vardır, lakin mümkün əlavə təsirlərini nəzərə alaraq, laktasiya dövründə
preparatın istifadəsi məsləhət görülmür.

 

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Flurbiprofendən istifadə etdikdə, başgicəllənmə, yuxululuq, tormozlanma və ya görmə qabiliyyətinin
pozulması qeyd olunan pasiyentlər, nəqliyyat vasitəsini və ya digər potensial təhlükəli mexanizmləri
idarə etməkdən çəkinməlidirlər.

 

STREPSİLS İNTENSİV İstifadə qaydası və dozası

Preparatı istifadə etməzdən əvvəl təlimatla diqqətlə tanış olmaq lazımdır.
Yerli istifadə edilir. Yalnız qısa müddətli istifadə üçün nəzərdə tutulub.
Böyüklər və 12 yaşdan yuxarı uşaqlar: 1 doza preparatı (dozatora 3 dəfə basmaqla) hər 3-6 saatdan
bir ağız-udlağın arxa divarına püskürtmək lazımdır, 24 saat ərzində 5 dozadan artıq olmamaqla.
Terapiya kursunun müddəti: 3 günü aşmamalıdır.
Püskürtmə zamanı nəfəslə udmaq olmaz.
Preparatın ilk istifadəsindən əvvəl bərabər püskürtmə yaranana qədər pasiyentin özündən əks
istiqamətdə dozatora 4 dəfədən az olmamaqla, basması vacibdir. Hər sonrakı istifadədən əvvəl
bərabər püskürtmə yaranana qədər pasiyentin özündən əks istiqamətdə 1 dəfədən az olmamaqla,
dozatora basması vacibdir.

 

Əlavə təsirləri

Preparatı qısamüddətli müalicə kursu və simptomların aradan qaldırılması üçün minimal effektiv
dozada istifadə etdikdə, əlavə təsirlərin meydana çıxma riskini minimuma endirmək olar.
Aşağıda sadalanan əlavə təsirlər preparatın qısa müddətli istifadəsi zamanı qeyd edilmişdir.
Xroniki vəziyyətlərin müalicəsi və preparatın uzun müddət istifadəsi zamanı digər əlavə təsirlərin
təzahürü mümkündür.
Əlavə reaksiyaların meydana çıxma tezliyinin qiymətləndirilməsi, aşağıda göstərilən kriteriyalar
əsasında aparılmışdır: çox tez-tez (≥ 1/10), tez-tez (≥ 1/100-dən, < 1/10-ə qədər), bəzən (≥ 1/1000-
dən, < 1/100-ə qədər), nadir hallarda (≥ 1/10000-dən, < 1/1000-ə qədər), çox nadir hallarda (<
1/10000), məlum deyil (mövcud məlumatlara əsasən başvermə tezliyini müəyyən etmək mümkün
deyil).
Qan və limfa sistemində baş verən pozuntular: məlum deyil-anemiya, trombositopeniya.
Sinir sistemində baş verən pozuntular: tez-tez-başgicəllənmə, başağrı, paresteziya; bəzən-yuxululuq.
İmmun sistemdə baş verən pozuntular: nadir hallarda-anafilaktik reaksiyalar.
Ürəkdə baş verən pozuntular: məlum deyil-ürək çatışmazlığı, ödem.
Damarlarda baş verən pozuntular: məlum deyil – arterial təzyiqin yüksəlməsi.
Tənəffüs sistemində, döş qəfəsi və divararası orqanlarda baş verən pozuntular : tez-tez – boğazda
qıcıqlanma hissi; bəzən – astmanın kəskinləşməsi və bronxospazm, təngnəfəslik, fışıltılı tənəffüs,
ağız boşluğunda və udlaqda suluq, faringeal hipesteziya (ağız boşluğunda və udlaqda həssaslığın
azalması).
Mədə-bağırsaq traktında baş verən pozuntular: tez-tez – diareya, ağız boşluğunun xorası,
ürəkbulanma, ağız boşluğunda ağrı, ağız boşluğunda paresteziya, ağız boşluğunda və udlaqda ağrı,
ağız boşluğunda narahatlıq (ağızda istilik hissi, yanğı və ya sancma hissi); bəzən – qarın nahiyəsində
köp, qarın nahiyəsində ağrı, qəbizlik, ağızda quruluq, dispepsiya, meteorizm, qlossalgiya (yanan ağız
sindromu), disgevziya (dadbilmə qabiliyyətinin pozulması), ağız boşluğunda dizesteziya, qusma.
Dəridə və dərialtı toxumalarda baş verən pozuntular: bəzən – dəri səpgisi, qaşınma; məlum deyilməsələn, Stivens-Conson sindromu və toksik epidermal nekroliz (Layella sindromu) daxil olmaqla,
bullyoz reaksiyalar kimi ağır dəri reaksiyaları.
Qaraciyərdə və ödçıxarıcı yollarda baş verən pozuntular: məlum deyil-hepatit.
Psixikada baş verən pozuntular: bəzən-yuxusuzluq.
Digər: bəzən-qızdırma, ağrı.
İçlik vərəqədə sadalanan istənilən əlavə təsirlər dərinləşdikdə və ya təlimatda qeyd edilməyən
istənilən digər əlavə təsir aşkar etdikdə, bu barədə həkimə məlumat vermək lazımdır.

 

Doza həddinin aşılması

Simptomları: ürəkbulanma, qusma, epiqastral nahiyədə ağrı, daha nadir hallarda, diareya. Eləcə də,
qulaqlarda küy, başağrı, mədə-bağırsaq qanaxması mümkündür. Daha ağır hallarda mərkəzi sinir
sistemində baş verən pozuntular təzahür edə bilər: yuxululuq, nadir hallarda-oyanıqlıq, dumanlı
görçə, dezoriyentasiya və ya koma. Nadir hallarda pasiyentlərdə qıcolma qeyd edilir. Ağır dərəcəli
zəhərlənmə zamanı metabolik asidoz, protrombin müddətinin uzanması inkişaf edə bilər ki, bunun
da, qanın axtalanma faktoruna təsirilə əlaqədar olması ehtimal edilir. Kəskin böyrək çatışmazlığı və
qaraciyərin zədələnməsi, arterial təzyiqin enməsi, tənəffüsün zəifləməsi və sianoz inkişaf edə bilər.
Bronxial astması olan pasiyentlərdə bu xəstəliyin kəskinləşməsi mümkündür.
Müalicəsi: pasiyentin vəziyyəti tam normallaşana qədər tənəffüs yollarının keçiriciliyinin mütləq
təmin olunması, EKQ və həyat fəaliyyətinin əsas göstəricilərinin monitorinqinin aparılması ilə
simptomatik müalicə.
Flurbiprofenin potensial toksik dozasının istifadəsindən sonra 1 saat ərzində aktivləşdirilmiş
kömürün peroral istifadəsi və ya mədənin yuyulması məsləhət görülür. Diazepamı və ya lorazepamı
venadaxili yeridilməsilə tez-tez baş verən və ya uzunmüddətli qıcolmaları blokada etmək lazımdır.
Bronxial astmanın kəskinləşməsi zamanı bronxodilatatorların istifadəsi məsləhət görülür.
Flurbiprofenə qarşı spesifik antidot yoxdur.

 

Buraxılış forması

Yerli istifadə üçün dozalanmış sprey 8,75mq/doza.
15 ml məhlul, qapaqlı dozalayıcı qurğu ilə birlikdə şəffaf olmayan yüksək sıxlıqlı polietilen flakonda
(15 dozadan az olmayaraq) klapanın 45 sıxılmasından az olmayaraq). 1 flıakon, içlik vərəqəilə
birlikdə karton qutuya qablaşdırılır.
 

 

Aptekdən buraxılma şərti

Reseptsiz buraxılır.