Pharmed
SEFLONG 1GR N1 FLK
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“___”__________ 2018-ci il
Dərman vasitəsinin istifadəsi üzrə təlimat (xəstələr üçün)
SEFLONQ 1 q əzələdaxili inyeksiya məhlulu hazırlamaq üçün toz
CEFLONQ
Beynəlxalq patentləşdirilməmiş adı: Ceftriaxone
Tərkibi
Təsiredici maddə: 1 flakonda 1 q seftriakson (natrium duzu şəklində) vardır.
Köməkçi maddələr: natrium -xlorid, natrium -hidroksid/xlorid turşusu, inyeksiya üçün
su.
Həlledici: lidokain hidroxlorid.
Təsviri
Ağ rəngli tozdur.
Farmakoterapevtik qrupu
3-cü nəsil sefalosporin antibiotiki.
ATC-kodu : J01DD04.
Farmakoloji xüsüsiyyətləri
Farmakodinamikası
Geniş təsir spektrinə malik yarımsintetik sefalosporin antibiotikidir.
Seftriaksonun natrium duzu bir çox qrammənfi və qrammüsbət bakteriyalara və anaeroblara
bakterisid təsir göstərir:
Qrammənfi bakteriyalar - Enterobacter aerogenes, Enterobacter cloacae, Escherichia coli,
Acinetobacter calcoaceticus, Haemophilus influenzae, Haemophilus parainfluenzae, Klebsiella
oxytoca, Klebsiella pneumoniae, Morganella morganii, Neisseria meningitidis , Neisseria
gonorrhoeae, Proteus mirabilis. Proteus vulgaris, Serratia marcescens, Pseudomonas
aeruginosa, Citrobacter spp., Salmonella spp., Providencia spp., Shigella spp., Serratia spp.,
Treponema pallidum.
Qrammüsbət bakteriyalar - Staphylococcus aureus, Staphylococcus epidermidis , Streptococcus
pneumoniae, Streptococcus pyogenes, Streptococcus agalactiae, Streptococcus viridans,
Streptococcus bovis
Anaeroblar - Bacteroides fragilis, Clostridium spp., Peptostreptococcus species, Peptococcus
spp., Bacteroides bivius, Bacteroides melaninogenicus.
Farmakokinetikası
Ə/d yeridildikdən sonra tam sorulur və 2-3 saatdan sonra plazmada maksimal konsentrasiyaya
çatır. 33-67 % dəyişilməmiş halda sidiklə, müəyyən hissəsi isə ödlə xaric olur.
1 q v/d inyeksiyadan 1-3 saat sonra öddə 581 mkq/ml,ödqovucu yollarda-788 mkq/ml, plazma-
da - 62,1 mkq/ml təşkil edir. Böyrək klirensi 0,32-0,73, plazma klirensi - 0,58 -1,45 l/saat təşkil
edir. Uşaqlarda 50-75 mq v/d yeridildikdə maksimal konsentrasiyası plazmada 216-275 mkq/ml,
(meningitdə) 5,6- 6,4 mkq/ml-ə qədər çatır.
İstifadəsinə göstərişlər
-Sepsis
-Yuxarı və aşağı tənəffüs yollarının infeksiyaları, pnevmoniya və ağciyər abssesi daxil olmaqla
-Qarın boşluğu orqanlarının infeksiyaları, peritonit daxil olmaqla
-Sidik-cinsiyyət orqanlarının infeksiyaları, qonoreya daxil olmaqla
-Sümüklərin,oynaqların,dərinin və yumşaq toxumaların infeksiyası, osteomielit daxil olmaqla
-Bakterial endokardit
-Əməliyyatdan öncə və sonra profilaktik məqsədlə.
Əks göstərişlər
Antibiotiklərə qarşı yüksək həssaslıq , yerli anestetiklərə qarşı allergik reaksiyalar, ürəyin bloka-
dası.
Xüsusi göstərişlər və ehtiyat tədbirləri
Penisillinə qarşı allergiyası olan xəstələrə ehtiyatla təyin edilməlidir. Seflonqdan istifadə edər-
kən psevdomembranoz kolitin yaranması müşahidə oluna bilər.Buna görə də diareyalı xəstələrdə
Seflonq ehtiyatla istifadə olunmalıdır. Əgər kolit təzəcə başlayıbsa, preparatdan istifadəni
dayandırmaq kifayətdir. Kolitin ağır formalarında isə vankomisindən istifadə etmək lazımdır.
Qaraciyər və böyrək çatışmazlığı zamanı Seflonqun gündəlik dozası 2 q-ı keçməməlidir.
Mutagen təsiri yoxdur.
Digər dərman vasitələri ilə qarşılıqlı təsiri
Digər antibiotiklərlə eyni şprisdə istifadə etmək olmaz!
Hamiləlik və laktasiya dövründə istifadəsi
Hamiləlik və laktasiya dövründə yalnız o halda istifadə oluna bilər ki, preparatla müalicənin
anaya verə biləcəyi fayda onun dölə (südəmər uşağa) qarşı mövcud olan potensial riskindən
üstün olsun.
İstifadə qaydası və dozası
Böyüklər: əzələdaxili inyeksiya üçün birdəfəlik doza - 0,5 q. Gündəlik dozası - 1-2 q. Maksimal
gündəlik doza - 4 q-ı keçməməlidir
Sağlam insanlarla müqayisədə, yaşlı və qaraciyər-böyrək çatışmazlığı olan xəstələrdə
Seftriaksonun maksimal gündəlik dozası 2 q-dır.
Uşaqlarda - gündəlik doza hər 12 saatdan bir 50-75 mq/kq təşkil edir. Maksimal gündəlik doza 2
q-dan çox olmamalıdır.
Meningit zamanı - hər 12 saatdan bir 100 mq/kq. Maksimal gündəlik doza 4 q-dan artıq olma-
malıdır.
Kəskin ağırlaşmamış qonoreyada – birdəfəyə 250 mq.
Əməliyatdan öncə - 30 və yaxud 120 dəqiqə əvvəl vena daxilinə 1 q.
Törədicisi beta-hemolitik streptokokk olan xəstəliklər zamanı müalicə müddəti 10 qündən az
olmamalıdır.
İnyeksiya məhlullarının hazırlanma qaydası
Əzələdaxili inyeksiya üçün 1 q ə/d Seflonq 4 ml 1%-li lidokain-hidroxlorid məhlulunda, həll
edilir.
Əlavə təsirləri
Mədə-bağırsaq traktına - diareya, ürəkbulanma, qusma, stomatit, psevdomembranoz kolit.
Dəriyə - ekzantema, allergik dermatit, səpgi.
Hemolitik reaksiya - trombositoz, eozinofiliya, leykopeniya, trombositopeniya, hemolitik anemi-
ya.
Yerli reksiyalar - flebit, inyeksiya nahiyəsində ağrı.
Gözlənilməz hallar baş verərsə, həkimə müraciət etmək lazımdır.
Buraxılış forması
Flakonda seftriaksonun tozu və ampulda həlledici.
Seflonq 1 q, flakonlarda ə/d inyeksiya üçün. 1 flakon seftriakson tozu, içərisində 4 ml həlledici
(1 %-li lidokain-hidroxlorid məhlulu) olan ampul içlik vərəqə ilə birlikdə karton qutuya
qablaşdırılır.
Digər buraxılış formaları
Seflonq 0,5 q, flakonlarda ə/d inyeksiya üçün
Seflonq 1 q, flakonlarda v/d inyeksiya üçün
Seflonq 0,5 q, flakonlarda v/d inyeksiya üçün
Saxlanma şəraiti
25°C-dən artıq olmayan temperaturda, qaranlıq və uşaqların əli çatmayan yerdə saxlamaq
lazımdır.
Seflonqun inyeksiya üçün hazırlanmış məhlulu otaq temperaturunda saxlandıqda - 24 saat ərzin-
də, soyuducuda (4°C-də) saxlandıqda - 72 saat ərzində stabilliyini saxlayır.
Yararlılıq müddəti
Yararlılıq müddəti qablaşdırıldığı qutunun üzərində göstərilmişdir.
Yararlılıq müddəti bitdikdən sonra istifadə etmək olmaz.''
Aptekdən buraxılma şərti
Resept əsasında buraxılır.
İstehsalçı
PharmaVision Sanayi ve Ticaret A.Ş.
Davudpaşa Caddesi No.145.
Topkapı – İstanbul/Türkiyə.
Qeydiyyat vəsiqəsinin sahibi
Bilim İlaç Sanayii ve Ticaret A.Ş.
Kaptanpaşa Mah., Zincirlikuyu Cad., No:184,
34440 Beyoğlu İstanbul/Türkiyə.