Pharmed
ROZUVIN 20MG N28 TB
ROSUVIN
Beynəlxalq patentləşdirilməmiş adı: Rosuvastatin.
Tərkibi
Təsiredici maddə: 1 tabletin tərkibində 20 mq rozuvastatin (kalsium duzu şəklində) vardır.
Köməkçi maddələr: laktoza monohidrat, mikrokristallik sellüloza, dinatrium fosfat
dihidrat, krospovidon, maqnezium stearat, makroqol 3350, talk,
polivinil spirti, titan dioksid, qırmızı dəmir oksidi, sarı dəmir oksidi.
Təsviri
Dairəvi formalı, hər iki tərəfi qabarıq, çəhrayı və ya açıq cəhrayı rəngli, bir tərəfində "20" yazılmış
örtüklü tabletlərdir.
Farmakoterapevtik qrupu
Statinlər. Hipolipidemik preparatlar. HMQ-KoA-reduktazanın inhibitorları.
ATC kodu: C10AA07.
Farmakoloji xüsusiyyətləri
Farmakodinamikası
Rozuvastatin 3-hidroksi-3-metilqlutarilkoenzim A-nı xolesterinin sələfi olan mevalon turşusuna çevirən
HMQ-KoA-reduktaza fermentinin selektiv və rəqabətli inhibitorudur.
Rozuvastatinin əsas təsiri qaraciyərdə baş verir ki, xolesterinin sintezi və ASLP-in (aşağı sıxlıqlı
lipoproteinlər) katabolizmi məhz burada baş verir. Rozuvastatin qaraciyər hüceyrələrinin səthindəki
ASLP reseptorlarının (APO- zülalları) sayını artırmaqla plazmada xolesterinin və lipoproteinlərin
səviyyəsini aşağı salır, nəticədə xolesterinin/ASLP mənimsənilməsinin və katabolizminin güclənməsinə
səbəb olur. Rozuvastatin qaraciyərdə ÇASLP (çox aşağı sıxlıqlı lipoproteinlər) sintezini inibə edir və
beləliklə ÇASLP və ASLP ümumi miqdarını azaldır.
Farmakokinetikası
Sorulması
Rozuvastatinin qanda maksimal konsentrasiyası peroral qəbuldan 3-5 saat sonra müşahidə olunur. Cmax
(qanda maksimal konsentrasiya) və AUC (farmakokinetik əyri altında sahə) göstəriciləri dozaya
mütənasib olaraq artır. Rozuvastatinin mütləq biomənimsənilməsi təxminən 20%-ə bərabərdir. Qida
qəbulu dərman vasitəsinin AUC göstəricisinə təsir etmir. Səhər yaxud axşam qəbulundakı rozuvastatinin
AUC göstəriciləri fərqlənmir.
Paylanması
Rozuvastatinin orta paylanma həcmi təxminən 134 L təşkil edir. Plazmadakı rozuvastatinin 88%-ı qanın
zülalları ilə, əsasən albuminlə birləşir. Bu birləşmə geriyədönəndir və qandakı konsentrasiyasından asılı
deyil.
Metabolizmi
Rozuvastatin metabolizmə az uğrayır. Əsas metabolitləri N-dismetil- və lakton metabolitləridir. N-
dismetil-metaboliti rozuvastatindən təxminən 50% aşağı aktivliyə malikdir, lakton-metabolitləri isə
farmakoloji baxımdan qeyri-aktivdirlər. Rozuvastatin dövr edən HMQ-KoA-reduktazanın 90% -in
inhibə olunmasını təmin edir.
Xaric olması
Rozuvastatin və metabolitləri 90%-i bağırsaq yolu ilə xaric olunur. Rozuvastatinin yarımxaricolma
müddəti 19 saatdır.
Yaşlı xəstələrdə
Rozuvastatinin qanda konsentrasiyası yaşlı (≥ 65 yaş) və cavan xəstələrdə fərqlənmir.
Böyrək çatışmazlığı zamanı
Yüngül və orta dərəcəli böyrək çatışmazlığında (CLcr ≥ 30 ml/min/1,73 m2
) rozuvastatinin qandakı
konsentrasiyası dəyişmir. Buna baxmayaraq kəskin böyrək çatışmazlığında (CLcr < 30 ml/min/1,73 m2
)
rozuvastatinin qandakı konsentrasiyası hemodializdən asılı olmayan sağlam xəstələrlə (CLcr > 80
ml/min/1.73 m2
) müqayisədə klinik əhəmiyyətli dərəcədə artır (3 dəfə).
Qaraciyər çatışmazlığı zamanı
Qaraciyərin alkohol xəstəliyi zamanı rozuvastatinin qandakı konsentrasiyası mülayim artır.
Çayld-Pyu A xəstəliyində rozuvastatinin Cmax və AUC göstəriciləri normal qaraciyər funksiyası olan
şəxslərlə müqayisədə 60% və 5 % müvafiq olaraq artır. Çayld-Pyu B xəstəliyində isə rozuvastatinin Cmax
və AUC göstəriciləri normal qaraciyər funksiyası olan şəxslərlə müqayisədə 100 % və 21 % müvafiq
olaraq artır.
Pediatriyada istifadəsi
10 yaşa qədər uşaqlarda rozuvastatinin effektivliyi və təhlükəsizliyi müəyyən edilməmişdir. 10-17 yaşlı
uşaqlarda anamnezdə ailəvi hiperxolesterinemiya aşkarlandıqda rozuvastatin istifadə oluna bilər.
İstifadəsinə göstərişlər
Birincili hiperxolesterinemiya və qarışıq dislipidemiya (tip IIb) zamanı pəhriz və digər farmakoloji
müalicəyə əlavə olaraq, (məsələn, pəhriz və fiziki məşqlər), homoziqot ailəvi hiperxolesterinemiyada
pəhrizə və digər lipidləri azaltma üsullarına (məsələn, ASLP aferezi) əlavə kimi və ya bu cür müalicə
üsulları uyğun olmadıqda.
Əsas ürək-damar xəstəliklərinin ağırlaşmalarının (insult, infarkt, arterial revaskulyarizasiya)
profilaktikasında.
Əks göstərişlər
Dərman vasitəsinin hər hansı komponentinə qarşı yüksək həssaslıq. Qaraciyərin aktiv xəstəlikləri və ya
transaminazaların plazma aktivliyinin artması. Ağır böyrək çatışmazlığı (KK 30 ml/dəqiqədən az).
Hamiləlik və laktasiya dövrü. Dərman vasitəsi hamiləlik əleyhinə müvafiq metodlardan istifadə etməyən
reproduktiv yaşlı qadınlara təyin edilmir. Rozuvastatin istifadə edən qadınlar münasib qorunma vasitələri
ilə hamilə qalmaqdan qaçınmalıdırlar. Müalicə dövründə hamilə qaldıqda dərhal həkiminizə müraciət
edin.
Əzələ ağrılarından əziyyət çəkirsinizsə, preparatın qəbulu yolverilməzdir.
Siklosporin preparatı ilə birlikdə qəbul olunmur.
Xüsusi göstərişlər və ehtiyat tədbirləri
Rozuvastatinin qəbulu zamanı, bu sinifə aid digər dərman vasitələrinin qəbulunda olduğu kimi,
mioqlobinuriya ilə bağlı olan kəskin böyrək çatışmazlığı ilə birlikdə rabdomioliz hallarıda qeyd
olunmuşdur. Bu risk dərman vasitəsinin müxtəlif dozalarda qəbulu zamanı müşahidə oluna bilər və
xüsusilə yüksək doza (40 mq) qəbulu zamanı bu hal daha da arta bilər.
Dərman vasitəsi miopatiyaya meyilliliyi olan xəstələrə ehtiyatla təyin olunur (məs., ≥ 65 yaş,
hipotireozun məqsədəuyğun olmayan müalicəsi, böyrək çatışmazlığı).
Bu risk rozuvastatinin digər hipolipidemik dərman vasitələri (fibratlar, niasin), hemfibrozil, siklosporin,
lopinavir/ritonavir ilə yanaşı təyinatı zamanı daha çox arta bilər.
Kreatinfosfokinazanın səviyyəsinin artması zamanı miopatiya diaqnozuna şübhə yarandıqda
rozuvastatinin qəbulu dayandırılmalıdır.
Kəskin miopatiya əlamətləri təzahür olunduqda və ya rabdomioliz fonunda böyrək çatışmazlığının
inkişafının risk amilləri meydana gəldikdə (məs., ağır kəskin infeksiya, arterial hipotenziya, ağır
əməliyyat, travma, ağır metabolik, endokrin və elektrolit pozğunluqları və nəzarət olunmayan qıcolmalar)
rozuvastatinin müalicəsi müvəqqəti dayandırılmalıdır.
Halsızlıq və ya qızdırma ilə müşayiət olunan əzələlərdə naməlum ağrılar və ya zəiflik müşahidə olunarsa
təcili olaraq həkimə müraciət etmək lazımdır.
Müalicəyə başlamazdan əvvəl və müalicə müddətində qaraciyərin funksional pozğunluğunun
simptomları meydana çıxdıqda qaraciyərin ferment sınaq testləri aparılmalıdır.
Rozuvastatinin qəbulu zamanı digər HMQ-KoA-reduktaza inhibitorlarının qəbulunda olduğu kimi
plazma transaminazalarının (ALT, AST) artması müşahidə edilə bilər. Əksər hallarda bu artma
müvəqqətidir, müalicəyə fasilə verildikdə və/ya müalicə davam olunduqda aradan qaldırılır.
Rozuvastatinin qəbulu zamanı sarılıq əlaməti iki halda qeyd ounmuşdur ki, bu hal müalicə
dayandırdıqdan sonra aradan qaldırılmışdır.
Rozuvastatin qəbul etmiş xəstələrin 1,1 %-də transaminazaların plazmadakı səviyyələrinin plasebo
(0,5%) ilə müqayisədə yüksəlməsi (3 dəfədən çox) müşahidə edilmişdir. Müalicə müddətində sarılıq və
ya ciddi qaraciyər pozğunluğu qeyd olunursa dərman vasitəsinin qəbulu dayandırırlmalıdır. Yüksək
miqdarda alkohol qəbul edən xəstələrdə və/və ya qaraciyər xəstəlikləri zamanı rozuvastatin ehtiyatla
təyin olunur. Qaraciyərin aktiv xəstəlikləri və ya transaminazaların naməlum səbəbdən davamlı
yüksəlməsi rozuvastatinin təyin edilməsi üçün əks göstərişdir.
Endokrin sistemə təsiri
Bəzi əldə olunmuş məlumatlar göstərir ki, statinlər qrupundan olan preparatlar qanda qlükozanın
miqdarını artırır və şəkərli diabetin yüksək inkişaf riski olan bəzi xəstələrdə müvafiq müalicəyə ehtiyac
yaradacaq dərəcədə hiperqlikemiya törədə bilər. Lakin preparatın ürək-damar xəstəliklərinin riskini
azaltmasındakı fayda, diabetin yaranmasının kiçik riskini üstələndiyindən statinlərlə müalicə
dayandırılmamalıdır. Risk qrupundan olan pasiyentlərdə (acqarına qanda şəkəri 5,6 – 6,9 mmol/l, BKİ
(bədən kütləsi indeksi) > 30 kq/m2
olan, triqliseridlərin yüksək miqdarı, arterial hipertenziya ilə) qüvvədə
olan tövsiyələrə əsasən qanda şəkərin miqdarının vaxtaşırı monitorinqinin aparılmasına əsas var.
İnterstisial ağciyər xəstəlikləri
Bəzi statinlərin uzunmüdətli qəbulu zamanı interstisial ağciyər xəstəliklərinin yaranması mümkündür.
Xəstəliyin təzahürləri nəfəs darlığı, quru öskürək və ümumi vəziyətin pisləşməsi (zəiflik, bədən
kütləsinin azalması və qızdırma) ola bilər. Bu xəstəliyin yaranmasına şübhə olduqda, statin müalicəsi
dayandırılmalıdır.
Tabletlərin tərkibində laktoza var. Qalaktozaya qarşı irsi dözümsüzlük, Lapp laktoza çatışmazlığı və ya
qlükoza-qalaktozanın sorulmasının pozulması olan xəstələrdə atorvastatinin istifadəsi tövsiyə olunmur.
Digər dərman vasitələri ilə qarşılıqlı təsiri
Siklosporin rozuvastatinin təsirini artırır, bu dərman vasitələrinin yanaşı istifadəsi əks göstərişdir.
Hemfibrozilin istifadəsi zamanı rozuvastatinin təsiri artır və bu dərman vasitələrinin yanaşı istifadəsi
tövsiyə olunmur. Əgər rozuvastatin istifadə olunursa, bu zaman gündəlik dozanı 5 mq-dan başlamaq
lazımdır.
Proteaza inhibitorlarının ritonavirlə kombinasiyasının rozuvastatinlə eyni vaxtda istifadəsi rozuvastatinin
effektinə müxtəlif təsir göstərir. Proteaza inhibitorlarının lopinavir/ritonavir və atazanavir/ritonavir
kombinasiyası rozuvastatinin təsirini 3 dəfəyə qədər artırır. Belə hallarda, rozuvastatinin gundəlik dozası
10 mq-dək məhdudlaşdırılır. Tipranavir/ritonavir və ya fosamprenavin/ritonavir kombinasiyasının
rozuvastatinin təsirin dəyişdirmir.
Kumarin antikoaqulyantları ilə yanaşı rozuvastatinin qəbulu zamanı xəstələrdə BNN (beynəlxalq
normalizəedilmiş nisbət) arta bilər. Buna görə, müalicədən əvvəl BNN yoxlanılmalıdır.
Niasinin hipolipidemik dozasının rozuvastatinlə yanaşı istifadəsi miopatiya riskini artırdığına görə bu
dərman vasitələri bir vaxtda ehtiyatla təyin olunurlar.
Rozuvastatinin fenofibratla yanaşı istifadəsi zamanı hər iki dərman vasitəsinin farmakokinetik əyri
altındakı göstəricisinin klinik əhəmiyyətli artması müşahidə olunmur.
Məlumdur ki, HMQ-KoA-reduktaza inhibitorlarının fenofibratlar ilə yanaşı istifadəsi zamanı miopatiya
riski artır, bu faktoru nəzərə alaraq qeyd olunan dərman vasitələri yanaşı ehtiyatla istifadə olunmalıdır.
Ezitimib, eritromisin və peroral kontraseptivlərlə eyni vaxtda istifadə edildikdə, bir-birinə qarşılıqlı təsir
göstərirlər. Sistem fuzid turşusu ilə müalicəyə ehtiyac olduqda, rozuvastatinlə müalicə fuzid turşusu ilə
müddətində və bitdikdən 7 gün sonra dayandırılmalıdır.
Hamiləlik və laktasiya dövründə istifadəsi
Hamiləlik və laktasiya dövründə təyin olunmur (FDA-nın X kateqoriyası).
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Nəqliyyat vasitəsini və potensial təhlükəli mexanizmləri idarəetmə qabiliyyətinə təsiri məlum deyil.
İstifadə qaydası və dozası
Dərman vasitəsi qida qəbulundan asılı olmadan daxilə qəbul edilir (ac qarına və ya yeməkdən sonra).
Tövsiyə olunan gündəlik doza 5-40 mq təşkil edir və 1 dəfə qəbul olunur.
Başlanğıc doza 5-10 mq təşkil edir.
Müalicənin əvvəlində rozuvastatin başlanğıc dozada təyin olunur və xəstənin müalicəyə cavabından asılı
olaraq titrləşdirilir. Müalicəyə başladıqdan və rozuvastatinin dozası tənzimləndikdən 4 həftə sonra
dozalanma rejimi korreksiya oluna bilər.
Ağır hiperxolesterinemiya zamanı
Rozuvastatinin gündəlik dozası 40 mq-a qədər artırılır.
Pediatrik xəstələrdə ailəvi hiperxolesterinemiya zamanı (10-17 yaş)
Gündəlik doza 5-20 mq təşkil edir. Maksimal tövsiyə olunan gündəlik doza 20 mq təşkil edir.
Doza fərdi olaraq müəyyən olunur və 4 həftədən sonra korreksiya olunur.
Ailəvi hiperxolesterinemiya zamanı
Tövsiyə olunan başlanğıc doza gündəlik olaraq 20 mq təşkil edir. Müalicəyə müsbət cavab ASLP-in
səviyyəsi ilə qiymətləndirilir.
70 yaşdan yuxarı, böyrək xəstəlikləri olan və miopatiyalı şəxslərdə müalicəyə 5 mq doza ilə başlamaq
lazımdır.
Əlavə təsirləri
Əlavə təsirlər əsasən, mülayim olub, tez bir zamanda aradan qalxır. Nəzarət olunan klinik tədqiqatlar
nəticələrinə əsasən, cəmi 4%-dən az xəstənin yan təsirlər səbəbindən müalicədən imtina etdiyi aşkar
edilmişdir.
Əlavə təsirlərin tezliyi müvafiq qaydaya uyğun olaraq təsnif edilmişdir: Tez-tez (≥1/100, <1/10); bəzən
(≥1/1 000, <1/100); nadir (≥1/10 000, <1/1000); çox nadir (<1/10 000); məlum deyil (mövcud
məlumatlara əsasən qiymətləndirmək mümkün deyil).
Qan və limfa sisteminə
Nadir hallarda-trombositopeniya.
İmmun sistemə
Bəzən; angionevrotik ödem daxil olmaqla, hiperhəssaslıq reaksiyaları.
Endokrin sistemə
Tez-tez; diabet- JUPİTER tədqiqatında şəkərli diabetin başvermə tezliyi rozuvastatin qrupunda 2,8%,
plasebo qrupunda 2,3% təşkil etmişdir və bu isə əsasən, acqarına qlükozanın səviyyəsi 100-125 mq /dL
olan xəstələrin arasında müşahidə olunmuşdur). Digər HMG - CoA redüktaza inhibitorlarında olduğu
kimi dozanın artması yan təsirlərin tezliyinin artmasına səbəb olur.
Sinir sisteminə
Tez-tez; baş ağrısı, başgicəllənmə.
Çox nadir hallarda-polineyropatiya, yaddaşın itməsi.
Məlum deyil-periferik neyropatiya, yuxu pozuntusu.
Mədə- bağırsaq sisteminə
Tez-tez; qəbizlik, ürəkbulanma, qarın nahiyəsində ağrı
Bəzən; pankreatit
Dəri və dərialtı toxumaya
Bəzən; qaşınma, səpgi, övrə
Skelet-əzələyə və birləşmiş toxumaya
Tez-tez; mialgiya
Nadir hallarda; miopatiya (miozit daxil olmaqla), rabdomioliz, əzələlərin cırılması, qırmızı qurdeşənəyi
sindromu.
Reproduktiv sistemə
Çox nadir hallarda-ginekomastiya.
Umumi pozuntular
Asteniya
Böyrəklərə təsiri
Aparılan immersion sınaqlara əsasən, Rozuvastatin qəbul etmiş xəstələrdə müşahidə olunan proteinuriya
tubulyar mənşəli olub geridönəndir. Müalicənin birinci günündən sonra 10 və 20 mq doza qəbul etmiş
xəstələrin 1%-dən az hissəsində sidikdə zülalların miqdarı sıfır olmuş və ya çox yüksəlmiş və ya ++ izin
miqdarı < 1 % təşkil etmişdir.. 40mq doza qəbulu zamanı xəstələrdə bu göstərici təxminən 3% təşkil
etmişdir. 20 mq doza zamanı keçid halında + sıfır dəyişiklik və ya izin kiçik miqdarda dəyişikliyi
müşahidə edilmişdir. Müalicə fonunda yaranan proteinuriya əksər hallarda azalır və ya tamamilə aradan
qalxır, bu hal böyrəklərin proqressivləşən və ya kəskin inkişaf edən xəstəliyinin əlaməti kimi
qiymətləndirilmir. Rozuvastatin qəbul edən xəstələrdə hematuriya müşahidə edilsə də, klinik tədqiqatlara
əsasən, bu halın başvermə tezliyi çox aşağı olmuşdur.
Skelet-əzələ sisteminə təsiri
Rozuvastatinin bütün dozalar, xüsusilə 20mq-dan yüksək doza qəbul etmiş xəstələrdə mialgiya,
miopatiya və nadir hallarda kəskin böyrək çatışmazlığı və ya rabdomioliz kimi skelet əzələlərinə təsirlər
müşahidə olunmuşdur.
Bəzi xəstələrdə rozuvastatinin qəbulu zamanı kreatinin kinazanın (KFK) səviyyəsinin dozadan asılı
artması müşahidə olunmuşdur. Əksər hallarda, bu əlamət yüngül, simptomsuz və keçici olur. KFK
səviyyəsinin artması müşahidə olunduqda (normanın yuxarı həddindən 5 dəfə çox) rozuvastatin
müalicəsini dayandırmaq lazımdır.
Qaraciyərə təsiri
HMQ-KoA-reduktazanın digər inhibitorların istifadəsində olduğu kimi rozuvastatin qəbul etmiş bəzi
xəstələrdə transaminazaların səviyyəsinin dozadan asılı artması müşahidə olunmuşdur. Bu hallar əsasən
yüngül, simptomsuz və keçici olur.
Diabet
Rozuvastatinlə müalicə olunan xəstələrdə HbA1c-ın səviyyəsinin artması müşahidə edilmişdir.
Postmarketinq təcrübə zamanı aşkarlanan əlavə təsirlər
Yuxarıda göstərilənlərə əlavə olaraq posmarketinq sonrası təcrübə zamanı müşahidə edilən mənfi təsirlər:
Sinir sisteminin pozğunluqları
Çox nadir hallarda; polineyropatiya, yaddaşın zəiflməsi
Respirator, döş qəfəsi və divararalığı orqanlarının pozğunluqları
Məlum deyil: öskürək, təngənəfəslik
Mədə-bağırsaq pozğunluqları
Bəzən; diareya
Hepatobilar sistem pozğunluqları
Çox nadir hallarda; hepatit, sarılıq.
Bəzən: qaraciyər transaminazaların yüksəlməsi
Dəri və dərialtı toxuma tərəfindən pozğunluqlar
Bəzən; Stivens -Jonson sindromu
Skelet -əzələ və birləşmiş toxuma tərəfindən pozğunluqlar
Çox nadir; artralgiya
Sidik-çıxarıcı sistemin pozğunluqları
Çox nadir; hematuriya
Umumi pozğunluqlar
Bəzən: ödem
Bəzi statinlərin istifadəsi zamanı aşağıdakı arzuolunmaz hallar müşahidə olunmuşdur:
• Yuxusuzluq, yuxu pozğunluğu və qarabasma kimi yuxu pozuntuları
• Cinsiyyət funksiyasının pozulması
• Depressiya
• Xüsusilə uzunmüddətli müalicə zamanı ağciyərlərdə interstitial xəstəliyinin tək-tək halları,
• Yaddaşın zəifləməsi
• 40 mq dozanın istifadəsi zamanı rabdomiolizin, böyrək və qaraciyər tərəfindən ciddi əlamətlərin
(əsasən qaraciyər transaminazaların yüksəlməsi şəklində) başvermə tezliyi yüksək olmuşdur.
Doza həddinin aşılması
Həddindən artıq dozanın qəbulu ehtimal olunduqda simptomatik müalicə aparılmalıdır. Rozuvastatin
hemodializ vasitəsi ilə xaric olunmur.
Buraxılış forması
28 örtüklü tablet içlik vərəqə ilə birlikdə karton qutuya qablaşdırılır.
Saxlanma şəraiti
25°C-dən aşağı temperaturda, quru, qaranlıq və uşaqların əli çatmayan yerdə saxlamaq lazımdır.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
Bilim İlaç San. Ve Tic. A. Ş., Türkiyə.
GOSB 41480 Gebze-KOCAELI/TURKEY.