Pharmed
Paraferin N30 Cap
PARAFERIN, kapsullar
Paraferin, Tərkibi
Təsiredici maddələr: 1 kapsulda 300 mq parasetamol,
2 mq xlorfeniramin maleat, 10 mq kodein fosfat vardır.
Köməkçi maddələr: qarğıdalı nişastası, maqnezium stearat,
eritrozin, qırmızı dəmir oksidi, qara dəmir oksidi, tartrazin,
indiqokarmin, titan dioksid.
Təsviri
Boz-qırmızı rəngli kapsullardır.
Farmakoterapevtik qrupu
Analgetiklər. Digər analgetiklər və antipiretiklər. Anilidlər.
Parasetamol ilə kombinasiya.
ATC kodu: N02BE51.
Farmakoloji xüsüsiyyətləri
Parasetamol ağrıkəsici və qızdırmasalıcı təsirlərə malikdir. Daxilə qəbul edildikdən sonra tez absorbsiya olunur. Təsiri 5-30 dəqiqə sonra başlayır və 2-3 saat davam edir. Xlorfeniramin-maleat güclü antihistamin effektə malikdir. Allergik əlamətləri, qrip və soyuqdəymə zamanı müşahidə olunan əlamətləri aradan qaldırır (asqırma, burunun tutulması və axması, gözlərin yaşarması). Kodein-fosfat öskürəkəleyhinə və ağrıkəsici təsirə malikdir. Qrip və soyuqdəymə zamanı boğazda və bronxlarda yaranan qıcıqlanma nəticəsində yaranan öskürəyi yüngülləşdirir. Parasetamol ilə birlikdə əlavə analgetik təsiri təmin edir. Paraferin kapsul qrip və soyuqdəymə zamanı müşahidə olunan yorğunluq, halsızlıq, titrətmə, yuxarı tənəffüs yollarında müşahidə olunan durğunluq əlamətlərini aradan qaldırır, xəstənin ümümi vəziyyətini yaxşılaşdırır.
İstifadəsinə göstərışlər
Qrip və soyuqdəymə zamanı müşahidə olunan əlamətlərin aradan qaldırılması üçün istifadə olunur.
Əks göstərişlər
Dərmanın tərkibində olan hər hansı bir komponentə qarşı yüksək həssaslıq,
ağır böyrək və qaraciyər çatışmazlığı. Son 14 gün ərzində MAO inhibitorlarının qəbulu.
Furazolidonla eyni vaxtda qəbul etmək olmaz.
Xüsusi göstərişlər və ehtiyat tədbirləri
Parasetamol
Anemiya, ağciyər xəstəliyi, böyrək və qaraciyər funksiyasının pozulması olan xəstələrdə preparat ehtiyatla və həkim nəzarəti altında istifadə olunmalıdır. Anamnezində qaraciyər xəstəliyi olan pasiyentlərə prepatın uzünmüddətli və yüksək dozalarda qəbulu zamanı qaraciyərin funksional sınaqlarının vaxtaşırı müayinəsi lazım gələ bilər. Böyrək çatışmazlığında (kreatinin klirensi < 10 ml/dəq) parasetamolun istifadəsi zamanı həkim xəstə ilə bağlı fayda və riskləri ciddi qiymətləndirməlidir. Doza korreksiya olunmalıdır və xəstə daimi ciddi həkim nəzarəti altında olmalıdır. Bir il ərzində parasetamolun günlük terapevtik dozalarda qəbulu zamanı bir xəstədə qaraciyər nekrozu və digər xəstənin yüksək dozada qısamüddətli istifadəsi zamanı qaraciyər zədələnməsi müşahidə edilmişdir. 12-48 saat ərzində qaraciyər fermentləri arta və protrombin zamanı uzana bilər. Preparatın qəbulundan 1-6 gün sonra kliniki əlamətlər özünü biruzə verməyə bilər. Yüksək dozalarda qəbulu qaraciyərin ağır toksiki zədələnməsinə səbəb ola bilər. Böyüklərdə uzunmüddətli gündəlik qəbul zamanı qaraciyər zədələnməsi baş verə bilər. Parasetamolun hepatoksikliyini nəzərə alaraq, tövsiyə olunan gündəlik doza aşılmamalı və ya daha uzunmüddət qəbul olunmamalıdır. Yüngül və ya orta dərəcəli qaraciyər catışmazlığı (Çayld-Pyu təsnifatı) olan xəstələrdə parasetamol diqqətlə istifadə olunmalıdır. Parasetamolun terapevtik dozalarda istifadəsi zamanı qanda alaninaminotransferaza (ALT) səviyyəsi arta bilər. Terapevtik dozalarda parasetamolun hepatik oksidativ stresi artıran və qaraciyərin qlutation rezervini azaldan dərman vasitələri ilə yanaşı qəbulu, alkoqolizm, sepsis və şəkərli diabet kimi xəstəliklər qaraciyərin toksik zədələnməsini artıra bilər. Sepsis kimi qlutation çatışmazlığı olan xəstərdə parasetamol metabolik asidoz riskini yüksəldə bilər. Ciddi infeksion xəstəliklər zamanı parasetamol metabolik asidoz riskini artırır. Metabolik asidozun əlamətləri:
• Tənəffüs çətinliyi, tezlləşməsi və dərin olması
• Qusma və ürəkbulanma
• İştahsızlıq
Parasetamolun yüksək dozalarda istifadəsi boyrəklərin zədələnməsinə səbəb ola bilər. Ümumiyyətlə, parasetamolun digər analgetiklər ilə kombinədə daimi istifadəsi böyrəklərin geriyədönməz zədələnməsi və böyrək çatışmazlığının yaranma riskinə gətirib çıxara bilər (analgetik nefropatiya). Qlukoza- 6 - fosfat dehidrogenaza çatışmazlığı olan xəstələrdə ehtiyatla istifadə olunmalıdır. Nadir hallarda hemoliz halları müşahidə oluna bilər. Gilbert sindromu olan xəstələrdə parasetamolun istifadəsi sarılıq, əhəmiyyətli hiperbilirubinemiya kimi klinik simptomların yaranmasına səbəb ola bilər. Bu səbəbdən də, belə xəstələrdə parasetamol ehtiyatla istifadə olunmalıdır. Parasetamolun alkoqol ilə yanaşı istifadəsi qaraciyərin toksik zədələnmə riskinin artmasına səbəb ola bilər. Bunu nəzərə alaraq, qaraciyərin alkoqol zədələnmələri olan xəstələrdə parasetamol ehtiyatla istifadə olunmalıdır. Parasetamolun 1-ci dəfə və ya əvvəllər istifadə edənlərdə ilk dəfə və ya təkrar istifadəsi zamanı dəridə qızartı, səpgi və ya dəri reaksiyaları müşahidə oluna bilər. Belə hallarda preparatın istifadəsini dayandırmaq və həkimə müraciət edərək alternativ müalicəyə keçmək lazımdır. Parasetamola qarşı dəri reaksiyaları olan xəstələr parasetamol və ya tərkibində parasetamol olan digər dərman vasitələrindən istifadə etməməlidirlər. Bu hallar ciddi və letal nəticələr ilə müşahidə olunan Stevens Jonson sindromu (SJS), toksik epidermal nekroliz (TEN) və kəskin generaziləolunmuş ekzematoz pustulyoz (GKEP) dəri reaksiyaları törədə bilər. Parasetamol tərkibli digər dərman vasitələrinin Paraferin kaspul ilə yanaşı istifadəsindən qacınmaq lazımdır. Yeni əlamətlər 3-5 gün ərzində yaranarsa və ya ağrı/ hərarət zəifləməzsə, parasetamolun istifadəsini dayandırmaq və həkimə müraciət etmək lazımdır. Alkoqol istifadə edən insanlarda hepatoksiklik riski olduğundan parasetamolun gündəlik dozası 2000 mq keçməməlidir. Xlorfeniramin maleat Epilepsiya, qlaukoma daxil olmaqla gözdaxili təzyiqin artması, kəskin hipertenziya, ürək-damar xəstəlikləri, bronxit, bronxoektaziya, astma, prostat vəzisinin hipertrofiyası, sidik ifrazının çətinləşməsi və qaraciyər xəstəlikləri zamanı ehtiyatla istifadə edilməlidir. Nevroloji antixolinergik effekt və paradoksal stimulyasiya əsasən yaşlı xəstələrdə və uşaqlarda müşahidə olunur. Alkoqollu içkiləri, antihistamin preparatlarını, sedativ vasitələri və soyuqdəymə əleyhinə dərman vasitələrini xlorfeniramin maleat ilə yanaşı istifadə etmək olmaz. Kodein fosfat: Aşağıdakı hallarda kodein fosfat diqqətlə istifadə olunmalıdır. Xəstələrdə oyanıqlıq və ya mərkəzi sinir sisteminin depressiyasına səbb olduğundan, monoaminoksidaza (MAO) inhibitorları ilə yanaşı istifadəsi məsləhət görülmür. Ağır qaraciyər çatışmazlığı olan xəstələr istifadə etməməlidirlər. Kodein komanın meydana gəlməsinə səbəb ola bilər. Böyrək çatışmazlığı, hipotiroidizm, bağırsaqların iltihabı zamanı. Kodein bağırsaqların peristaltikasını azaltdığı və yoğun bağırsaq tonusunu təzyiq altında artırdığından divertikulit, kəskin kolit, psevdomembranoz kolit zamanı müşahidə edilən ishal zamanı və ya bağırsaqlarda aparılan əməliyyatlardan sonra ehtiyatla təyin olunmalıdır. Qıcolmalar olan xəstələrdə qıcolmalar kəskinləşə bilər. Narkotik vasitələr və alkoqol qəbul edən xəstələrdə Öd kisə xəstəlikləri və ya öd daşı xəstəliyi olan pasiyentlərdə opioidlər öd yollarının spazmına səbəb ola bilərlər. Biliar sistemin xəstəliklərində istifadə olunmamalıdır. Mədə-bağırsaq sistemində cərrahi əməliyyat keçirmiş xəstələrdə opioidlər peristaltikanı zəiflədə bildiyindən yaxın zamanlarda mədəbağırsaq traktında əməliyyat keçirmiş xəstələrdə ehtiyatla istifadə olunur. Sidik-axarı yollarında əməliyyat keçirmiş xəstələrdə Yaxın zamanlarda cərrahi müdaxilələr keçirmiş xəstələr kodein fosfatın istifadəsi ilə bağlı qəbizlik və uretral sfinkterin spazmı nəticəsində sidik ifrazının çətinləşməsinə meylli ola bilərlər. Feoxromositoma olan xəstələrdə Opioidlər katexolaminlərin azad olunmasına səbəb olaraq endogen histaminin ifrazını stimulyasiya edə bilərlər. Prostat vəzinin hipertrofiyası, böyrəküstü vəzi qabıqının çatışmazlığında, Addison xəstəliyi, hipotenziya halları və şok hallarında, miasteniya xəstələrində, tənəffüs çətinliyi olan xəstələrdə, anamnezində astması olan xəstələrdə, hamiləlik zamanı. Gənclərlə müqayisədə yaşlı xəstələrdə opiodlərin metabolizmi və xaric olunması daha zəif olur. Sinir-əzələ pozuntuları; ağır ürək və tənəffüs çatışmazlığı; yuxarı tənəffüs yolu və ya ağciyər infeksiyaları; çoxsaylı travma və uzunmüddətli əməliyyat zamanı tənəffüs çatışmazlığı olan xəstələrdə kodein istifadə olunmur. 12 yaş və böyük uşaqlarda kodeinin istifadəsi apnoe, tənəffüs çətinliyi və letal nəticələrə gətirə bilər. Uzunmüddətli müalicə zamanı vaxtaşırı risklər qiymətləndirilməlidir. CYP2D6 metabolizmi Kodein qismən CYP2D6 tərəfindən metabolizmə uğrayır. Bu fermentin çatşmazlığı və ya tamamilə olmaması zamanı lazımi miqdarda analgetik effekt əldə olunmur. Ağ irqli insanların təxminən 7%-ində belə ferment çatışmazlığı müşahidə olunur. Sürətli metabolizmə malik şəxslərdə opioidlərin toksikliyi hətta aşağı dozalarda istifadə edildiyi zaman da əlavə təsirlərin yaranma riskini artırır. Opioid toksikliyinin ümumi əlamətləri ürəkbulanma, qusma, qəbizlik, anoreksiya və yuxululuqdur. Ağır hallarda qan dövranı və respirator pozuntu əlamətləri ola bilər. Müxtəlif cəmiyyətlərdə, sürətli metabolizmə malik şəxslərdə yayılma tezliyi aşağıda ümumiləşdirilmişdir:
Digər dərman vasitələri ilə qarşılıqlı təsiri
Parasetamol
Propantelin kimi mədə boşalmasının ləngiməsində istifadə olunan dərman vasitələri ilə parasetamolun yanaşı istifadəsi parasetamolun sorulmasını zəiflədir və təsiri daha gec başlayır. Parasetamolun mədə boşalmasının tezləşməsində istifadə olunan metoklopramidlə yanaşı qəbulu parasetamolun daha tez təsir göstərməsinə səbəb olur. Parasetamolun hepatotoksik təsir riski glutetimid, fenobarbital, fenitoin, karbamazepin və s. qaraciyər fermentlərinin digər induktorları ilə birlikdə istifadə zamanı yüksəlir. Metoklopramid parasetamolun sorulmasını artıra bilər. Alkoqolun qəbulu zamanı parasetamolun hətta terapevtik dozalarda yanaşı istifadəsi qaraciyərin zədələnməsinə səbəb olur. Parasetamolun xloramfenikol ilə birlikdə istifadəsi xloramfenikolun yarımxaricolma dövrünü və dolayısı ilə bu dərmanın toksikliyini artıra bilər. Parasetamol (və ya onun metabolitləri) vitamin K-yə bağlı laxtalanma faktorunun sintezində iştirak edən fermentlərlə qarşılıqlı təsir göstərir. Parasetamol və varfarin və ya kumarin törəmələri arasındakı qarşılıqlı əlaqə, "Beynəlxalq normallaşdırma nisbəti" (INR) göstəricisinin artmasına və qanaxma riskinin yüksəlməsinə səbəb ola bilər. Bu səbəbdən də peroral antikoagulyantlardan istifadə edən xəstələr uzun müddət tibbi müşahidə və nəzarət olmadan parasetamol qəbul etməməlidirlər. 5-hidroksitriptamin (serotonin) tip 3 reseptor antaqonistləri olan tropisetron və qranisetron parasetamolun analgezik effektinin qarşısını farmakodinamik qarşılıqlı təsirlə tamamilə ala bilər. Parasetamol və azidotimid (AZT - zidovudin) ilə eyni vaxtda istifadəsi neytropeniya meylini artırır. Buna görə də tibbi tövsiyə olmadıqda, AZT parasetamol ilə birlikdə qəbul edilməməlidir. Birdən çox ağrıkəsici ilə kombinəolunmuş terapiyadan çəkinmək tövsiyə olunur. Bunun xəstəyə hər hansı bir əlavə fayda verdiyinə çox az sübut mövcuddur və ümumiyyətlə, arzuolunmaz təsirlərin artmasına səbəb olur. Parasetamol sorulma dərəcəsi metoklopramid və ya domperidon ilə artırıla və xolestiramin ilə azaldıla bilər. Dəlikli dazıotu (Hypericum perforatum) parasetamolun qan səviyyəsini azalda bilər. Parasetamolun sorulma nisbəti qida qəbul edilərkən azala bilər.
Xlorfeniramin maleat
Xlorfeniraminin hipnotik və anksiolitik dərmanlarla eyni vaxtda istifadəsi sedativ təsiri artıra bilər. Bu səbəbdən də, qeyd olunan dərman vasitələri ilə eyni vaxtda istifadə edilməməlidir. Xlorfeniramin fenitoin metabolizmini inhibə edərək, fenitoinin toksikliyinə səbəb ola bilər. MAO inhibitorları antihistamin dərman vasitələrinin sedativ (mərkəzi depressiv təsirli) və antimuskarin xassələrini gücləndirmək və təsirini artırmaq ehtimalına malik olduğuna görə yanaşı istifadə olunmur.
Kodein fosfat
Kodeinin MAO inhibitorları ilə birlikdə istifadəsi şiddətli həyəcana və ya depressiyaya səbəb ola bilər. Kodeinin spirtli içkilər ilə birlikdə istifadəsi tənəffüs depressiyasının sedativ və hipotenziv təsir riskini artırır. Sedativ təsiri olan antihistaminlərlə birlikdə istifadəsi tənəffüs depressiyasını asanlaşdırır. Trisiklik antidepresantlar opioid analgetiklərin depressant təsirini artıra bilər. Kodein narkotik analgetiklərin, alkoqolun, anestetiklərin, trankvilizatorların, sedativ dərman vasitələrinin təsirini gücləndirə və mərkəzi sinir sisteminə depressiv təsir göstərə bilər. Kodein antipsixotiklərin sedativ və hipotenziv təsirini, anksiolitik və hipnotiklərin sedativ təsirini artıra bilər. Kodein, loperamid və kaolin kimi diareya əleyhinə və antiperistaltik maddələrin qəbizlik riskini artıra bilər. Antixolinergiklər (məsələn, atropin) ilə eyni vaxtda istifadəsi ağır qəbizliyə və bu, paralitik ileusun yaranmasına səbəb ola bilər və / və ya sidik ifrazının çətinləşməsinə səbəb ola bilər. Kodeinin, metoklopramidin və domperidonun mədə-bağırsaq təsirinin qarşısını ala bilər. Antihipertenziv dərmanların hipotenziv təsirləri arta bilər. Antipsixotik dərmanların sedativ və hipotenziv təsirləri arta bilər. Digər narkotik analgeziklər, alkoqol, ümumi anestetiklər, trankvilizatorlar, sedativlər, hipnotiklərin, trisiklik antidepresantların, fenotiazinin, skelet-əzələ relaksantlarının təsirlərini artırıb mərkəzi sinir sisteminin depressiyasına səbəb ola bilər. Ritonavir, kodein kimi opioid analgetiklərin plazma səviyyəsini artıra bilər. Kodein meksiletinin sorulmasını ləngidir və beləliklə, antiaritmik təsiri azalda bilər. Simetidin kimi xora əleyihnə dərman vasitələri, opioid analgetiklərinin metabolizminə maneə törədərək plazma konsentrasiyasını artıra bilər. Siprofloksasindən əvvəl kodeinin qəbulu antibiotikin plazma konsentrasiyasını azalda bilər.
Hamiləlik və laktasiya dövründə istifadəsi
Hamiləlik dövründə istifadəsi. Hamiləlik kateqoriyası C-dir.
Reproduktiv qabiliyyət / Doğum kontrolu (kontrasepsiya)
Paraferin müalicəsi zamanı hər hansı bir təsirin olduğunu göstərən bir araşdırma mövcud deyil. Hamiləlikdə Paraferin kapsulunun təhlükəsizliyi müəyyən edilməmişdir. Parasetamol plasentar baryeri keçir, ancaq dölə mənfi təsiri bu vaxta kimi aşkar olunmamışdır. Heyvanlar üzərində aparılan tədqiqatlarda preparatın teratoqen və ya embriotoksik təsirləri haqqında məlumat verilmişdir Lakin qadınlarda aparılan nəzarətolunan tədqiqatlar yoxdur. Preparat həkim tərəfindən tövsiyə edilmədikdə hamiləlik dövründə istifadə edilə bilməz. Hamilə qadınlarda xlorfeniramin maleatın istifadəsi barədə kifayət qədər məlumat yoxdur. İnsanlar üçün potensial risk məlum deyil. Üçüncü trimestrdə xlorfeniraminin istifadəsi yenidoğulmuşlara və erkən doğulmuşlara mənfi təsir göstərə bilər. Həkim məsləhəti olmadıqda hamilə qadınlarda istifadə edilməməlidir Heyvan tədqiqatlarında plasentadan keçərək fetusdakı opioid analgetiklərin təyin edilməsi ossifikasiyanı azaldaraq rezorbsiyaya səbəb olduğu bildirilir. Qan dövranında ana qan dövranındakı səviyyələrə bənzər tənəffüs depressiyası və ürək pozuntusuna səbəb ola bildiyi qeyd edilmişdir. Doğuş zamanı mədə ifrazı durğunluğu və inhalyasion pnevmoniya riskinin də arta biləcəyi haqqda məlumat verilmişdir. Doğuşun son mərhələlərində və erkən doğuşlarda istifadə edilməməlidir.
Laktasiya dövründə istifadəsi
Həkim tərəfindən tövsiyə edilmədiyi təqdirdə laktasiya dövründə istifadə edilməməlidir Südverən analarda parasetamol ilə aparılan bir farmakokinetik araşdırmada ana südündə 650 mq dozanın 1% -dən az olduğu təsbit edilmişdir. Oxşar nəticələr digər tədqiqatlarda da tapılmışdır.Nəticədə, südverən anaların parasetamolun terapevtik dozalarının qəbul etməsi körpəyə heç bir təhlükə yaratmır. Xlorfeniramin maleat, digər antihistaminlər kimi, ana südünə keçə və laktasiyanı inhibə edə bilər. Buna görə də, südverən anaların bu dərmanı həkim tövsiyəsi olmadan istifadə etməsi məsləhət görülmür. Çox sürətli CYP2D6 metabolizminə malik şəxslərdə ana südündə aktiv metabolitlərin səviyyəsi daha yüksək olub, körpələrdə nadir hallarda opioid toksiklik simptomları ola bilər. Ana və ya körpədə opioid toksikliyinin əlamətləri qeyd olunarsa, dərman maddəsinin istifadəsi dayandırılmalıdır. Lazım olduqda, naloksan istifadə edilə bilər. Kodein ana südü vasitəsilə körpəyə keçdiyindən, südverən analar kodein istifadə etməməlidirlər. Reproduktiv qabiliyyət / Fertillik
Heyvanlardakı aparılan xroniki toksiklik araşdırmalarında parasetamolun testis atrofiyasına səbəb olduğu və spermatogenezi inhibə etdiyi bildirilmişdir. Bunun insanlarda reproduktiv funksiyaya təsirini araşdıran kifayət qədər tədqiqat mövcud deyildir. Bəzi tədqiqatlar qeyri-steroid dərman vasitələrinin fertilliyə maneə törətdiyini bildirsə də, qəti bir nəticə əldə edilməmişdir. Xlorfeniramin və kodeinin reproduktivliyə təsirini qiymətləndirmək üçün kifayət qədər məlumat yoxdur.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Dərman vasitəsini qəbul etdikdən sonra nəqliyyat vasitələrinin idarə olunması məsləhət görülmür.
Paraferin, İstifadə qaydası və dozası
Həkim təyinatı olmadığı halda, dərman vasitəsinin qəbulu:
Böyüklər üçün: gündə 3 dəfə yeməkdən əvvəl 1 kapsul daxilə qəbul edilir.
Həkim təyinatı olmadan preparatı 3 gündən artıq istifadə etmək olmaz.
Əlavə təsirləri
Klinik tədqiqatlar və postmarketinq nəzarət çalışmalarında əldə edilən məlumatlara görə arzuolunmaz təsirlər orqanlar sisteminin təsnifatına və tezliyinə görə aşağıda şəkildə bölünmüşdür. Əlavə təsirləri orqanlar sistemi üzrə göstərilir və tezliyinə görə təsnif edilir: çox tez-tez (≥1/10); tez-tez (≥1/100,<1/10) ; məlum deyil (mövcud məlumatlara əsasən qiymətləndirmək mümkün deyil).
Parasetamol:
Parasetamolun əlavə təsirləri ümumiyyətlə mülayimdir. 10 qr-dan artıq qəbul edildiyi təqdirdə, toksikliyin baş verməsi mümkündür. Qan və limfa sisteminin pozuntuları
Nadir: Çox miqdarda qəbul edildikdə, anemiya, methemoqlobinemiya, uzun müddətli istifadədən sonra hemolitik anemiya, trombositopenik purpura, leykopeniya, neytropeniya və trombositopeniya və pansitopeniya kimi qanda kəmiyyət dəyişikliyi. Bu yan təsirlərin parasetamol ilə bir səbəb-nəticə əlaqəsi müəyyən edilməmişdir.
Çox nadir: Aqranulositoz.
İmmun sistemi pozuntularıı
Nadir: allergik reaksiyalar, anafilaksiya
Çox nadir: Layell sindromu
Məlum deyil: bronxospazm, müsbət allergiya testi,
immun trombositopeniya
Sinir sistemi pozuntularıı
Tez-tez: Baş ağrısı, başgicəllənmə, yuxululuq, paresteziya
Məlum deyil: Mərkəzi sinir sisteminin stimulyasiyası,
ensefalopatiya, yuxusuzluq, tremor
Tənəffüs, torakal və mediastinal xəstəliklər T
ez-tez: yuxarı tənəffüs yollarının infeksiyasının əlamətləri
Nadir: analqetik astma sindromu da daxil olmaqla, astma və bronxospazm.
Mədə-bağırsaq xəstəlikləri
Tez-tez: Üərkbulanma, qusma, dispepsiya, mədə və bağırsaqlarda qaz toplanması, qarın ağrısı, qəbizlik
Bəzən: Mədə-bağırsaq qanaxması
Nadir: ishal Hepatobiliar xəstəliklər
Nadir: çox miqdarda qəbul edildikdə qaraciyər çatışmazlığı.
Dəri və dərialtı toxuma xəstəlikləri
Nadir: Səpgi, övrə, allergik ödem və angioödem, kəskin generalizəolunmuş ekzantematoz pustulyoz, multiformalı eritema, Stevens-Jonson sindromu və toksik epidermal nekroliz (letal nəticələr daxil olmaqla). Bu əlamət preparatın qəbulu dayandırdıqdan sonra keçir. Böyrək və sidik yollarının xəstəlikləri Bəzən: Nefrotoksik təsir parasetamolun terapevtik dozaları zamanı nadir rast gəlinir. Uzunmüddətli istifadədə papillyar nekrozun yayılması haqqında məlumatlar mövcuddur. Xlorfeniramin maleat Qan və limfa sisteminin pozuntularıMəlum deyil: hemolitik anemiya, qanda diskraziya İmmun sisteminin pozğunluqları Məlum deyil: allergik reaksiyalar, angioödem, anafilaktik reaksiya Metabolizm və qidalanma pozuntularıı Nadir: Anoreksiya Psixiatrik xəstəliklər Məlum deyil: çaşqınlıq *, depresiya, həyəcan *, qıcıqlanma *, hallusinasiya *, qarabasma* Sinir sistemi pozuntuları Çox tez-tez: yuxululuq, sedasiya Tez-tez: Konsentrasiya və koordinasiya pozğunluqları, başgicəllənmə, baş ağrısı. Göz xəstəlikləri Tez-tez: Bulanıq görmə Eşitmə və daxili qulaq pozuntuları Məlum deyil: Qulaqda küy Ürək xəstəlikləri Məlum deyil: Palpitasiya, taxikardiya, aritmiya Damar xəstəlikləri Məlum deyil: Hipotenziya Tənəffüs, torakal və mediastinal xəstəliklər Məlum deyil: bronxial sekresiyaların qatlaşması Mədə-bağırsaq xəstəlikləri Tez-tez: ürəkbulanma, ağızda quruluq Məlum deyil: qusma, qarın nahiyəsində ağrı, ishal, dispepsiya Hepatobiliar xəstəlikləri Məlum deyil: sarılıq, hepatit Dəri və dərialtı toxuma xəstəlikləri Məlum deyil: Eksfoliativ dermatativ, səpgi, övrə, fotosensibilizasiya Əzələ-skelet sistemi, birləşdirici toxuma və sümük xəstəlikləri Məlum deyil: əzələ daralması, əzələ zəifliyi Böyrək və sidik sistem ixəstəlikləri Məlum deyil: sidik ifrazının çətinləşməsi Ümumi pozuntular və tədbiq olunan nahiyə ilə bağlı xəstəliklər Tez-tez: Yorğunluq Məlum deyil: Döş qəfəsində sıxıntı * Nevroloji antixolinergik təsirlər və paradoksal stimullaşdırma (məsələn, enerjinin artması, narahatlıq, əsəbilik) uşaqlarda və yaşlılarda daha çox təsadüf edilir. Kodein fosfat İmmun sistemi xəstəlikləri Məlum deyil: (histamin ifrazı ilə əlaqəli ola bilər) Səpgi, övrə, qaşınma, tənəffüs çətinliyi, həddindən artıq tərləmə, qızartı və ya üzdə qızartı Sinir sistemi xəstəlikləri Məlum deyil: şüurun dumanlanması, yuxululuq, halsızlıq, yorğunluq, başgicəllənmə, əhval dəyişikliyi, hallusinasiya, həyəcan (narahatlıq / həyəcan), qıcolmalar, zehni depressiya, baş ağrısı və ya kabuslar, kəllədaxili təzyiq, dözümlülük və ya asılılıq. disforiya, hipotermiya Göz xəstəlikləri Məlum deyil: mioz, görmə itiliyinin azalması və ya cüt görmə Ürək-damar xəstəlikləri Məlum deyil: bradikardiya, çarpıntı, hipotenziya, ortostatik hipotenziya, taxikardiya Tənəffüs, döş və mediastinal xəstəliklər Məlum deyil: tənəffüs depressiyası (yüksək dozalarda) Mədə-bağırsaq xəstəlikləri: Məlum deyil: qəbizlik (uzun müddətli istifadə zamanı), öd spazmı, ürəkbulanma, qusma, ağızda quruluq. Sümük və birləşdirici toxuma xəstəlikləri Məlum deyil: əzələ sərtliyi Ürogenital sistem xəstəlikləri Məlum deyil: uretral spazm, sidik tezliyi və miqdarında azalma, sidik ifrazının çətinləşməsi Reproduktiv sistem və döş xəstəlikləri Məlum deyil: libido və potensiyanın azalması Preparatın qəbulunun dayandırmasının nəticələri: Müalicənin qəfl dayandırılması əlamətlərin aradan qalxmasına səbəb ola bilər. Bu simptomlara tremor, yuxusuzluq, yerində dura bilməmək, əsəbilik, narahatlıq, depressiya, iştahsızlıq, ürəkbulanma, qusma, ishal, tərləmə, lakrimasiya, rinoreya, asqırma, əsnəmə, piloereksiya, midriaz, zəiflik, pireksiya, əzələ spazmları, dehidratasiya; nəbzin, tənəffüs tezliyinin və qan təzyiqinin artması.
QEYD
Müalicə dayandırıldıqdan sonra tolerantlıq sürətlə azalır; bu səbəbdən də, əvvəllər tolerant olan doza letal da ola bilər. Kodeinin müntəzəm, uzunmüddətli istifadə zamanı asılılıq və tolerantlığa səbəb olduğu bilinir. Müalicə dayandırıldıqda narahatlıq və əsəbilik simptomları baş verə bilər. Gözlənilməz hallar baş verdikdə dərhal həkimə müraciət etmək lazımdır!
Doza həddinin aşılması
Parasetamolu yüksək dozalarda istifadə etdikdə ürəkbulanma, qusma, narahatlıq baş verə bilər. Doza həddi aşıldığı zaman mədənin yumaq və simptomatik müalicə aparmaq lazımdır. Doza həddinin aşılması baş verdikdə dərhal təcili tibbi yardıma və ya yaxındakı tibbi müəssisəyə müraciət etmək lazımdır!
Buraxılış forması
30 kapsul, içlik vərəqə ilə birlikdə karton qutuya qablaşdırılır.
Saxlanma şəraiti
25°C-dən yüksək olmayan temperaturda və uşaqların
əli çatmayan yerdə saxlamaq lazımdır.
Yararlılıq müddəti
5 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
Bilim İlaç Sanayii ve Ticaret A.Ş. GOSB 1900 Sokak,
No: 1904, 41480, Gebze-Kocaeli/Türkey.
Qeydiyyat sahibi
Bilim İlaç Sanayii ve ticaret A.Ş.
İstanbul/Turkey.