Pharmed
NUROFEN 200MG N20 TB
NUROFEN® örtüklü tabletlər
NUROFEN®
Beynəlxalq patentləşdirilməmiş adı: Ibuprofen
Tərkibi
Təsiredici maddə: 1 tabletin tərkibində 200 mq ibuprofen vardır.
Köməkçi maddələr: kroskarmelloza natrium, natrium laurilsulfat, natrium sitrat dihidrat, stearin turşusu, kolloidal silisium dioksid,
Örtük: karmelloza natrium, talk, akasiya kitrəsi, Saxaroza, titan dioksid, makroqol 6000, qara mürəkkəb [Оpakod S-1-277001] (şellak 59,42 %, qara dəmir oksidi rəngləyicisi (Е172) 24,65%, propilenqlikol 1,3%, izopropanol* 0,55%, butano* 9,75%, etanol* 1,08 %, təmizlənmiş su* 3,25%).
*Çapdan sonra buxarlanan həlledicilər.
Təsviri
Dairəvi, ikitərəfli qabarıq, ağ və ya demək olar ki, ağ rəngli örtüklü tabletlərdir, tabletin bir tərəfində qara rənglə NUROFEN yazılmışdır.
Farmakoterapevtik qrupu
Qeyri-steroid iltihabəleyhinə preparat (QSİƏP).
ATC Коdu: М01АЕ01.
Farmakoloji xüsusiyyətləri
Farmakodinamikası
Qeyri-steroid iltihabəleyhinə preparatlar (QSİƏP) qrupundan propion turşusunun törəməsi olan ibuprofenin təsir mexanizmi prostaqlandinlərin – ağrı, iltihab və hipertermik reaksiyaların mediatorlarının sintezini inhibə etməsi ilə əlaqədardır. SOG-1 və SOG-2-ni qeyri-selektiv inhibə edərək, prostaqlandinlərin sintezini tormozlayır. Bundan əlavə, ibuprofen trombositlərin aqreqasiyasını dönən şəkildə inhibə edir. Analgeziyaedici, qızdırmasalıcı və iltihabəleyhinə təsir göstərir. Analgeziyaedici təsiri iltihab xarakterli ağrılarda daha çox nəzərə çarpır. Preparatın təsiri 8 saata qədər davam edir.
Farmakokinetikası
Absorbsiyası – yüksəkdir, mədə-bağırsaq traktından (MBT) tez və praktiki olaraq tam sorulur. Preparatı acqarına qəbul etdikdən sonra qan plazmasında ibuprofen maksimal konsentrasiyaya (Cmax) 45 dəqiqədən sonra çatır. Qida ilə preparatın qəbulu zamanı maksimal konsentrasiyaya çatma vaxtı (TCmax) 1-2 saata qədər artıra bilər. Qan plazmasının zülalları ilə birləşməsi 90%. Oynaqların boşluğuna ləng keçir, sinovial mayedə yığılıb, orada plazmaya nisbətən daha yüksək konsentrasiyalar yaradır. Absorbsiyadan sonra farmakoloji qeyri-aktiv R-formanın 60%-ə yaxın hissəsi mədə-bağırsaq traktında və qaraciyərdə aktiv S-formaya çevrilir. Qaraciyərdə metabolizmə məruz qalır. Yarımxaricolma dövrü (Т½) – 2 saatdır. Böyrəklər vasitəsilə (dəyişilməmiş şəkildə 1%-dən çox olmayaraq) və az miqdarda ödlə xaric olur.
Məhdud tədqiqatlar zamanı ibuprofen çox aşağı konsentrasiyalarda ana südündə aşkar olunmuşdur.
İstifadəsinə göstərişlər
Nurofen baş və diş ağrılarında, miqrendə, ağrılı menstruasiyalarda, nevralgiyada, bel ağrılarında, əzələ ağrılarında və revmatik ağrılarda və oynaq ağrılarında; həmçinin qrip və soyuqdəymə xəstəlikləri zamanı qızdırmalı vəziyyətlərdə istifadə olunur.
Əks göstərişlər
• İbuprofenə və ya preparatın tərkibinə daxil oan hər hansı bir komponentə qarşı yüksək həsaslıq.
• Bronxial astma, burunətrafı ciblərin və burnun şiddətlənən polipozunun tam və ya natamam uyuşması və asetilsalisil turşusuna və ya digər QSİƏP-lərə qarşı dözümsüzlük (o cümlədən anamnezdə).
• Mədə-bağırsaq traktının eroziv-xoralı xəstəlikləri (o cümlədən mədə və 12-barmaq bağırsağın xora xəstəliyi, Kron xəstəliyi, xoralı kolit) və ya aktiv və ya anamnezdə xoralı qanaxma (iki və ya 2-dən artıq təsdiq olunmuş xoralı xəstəlik və ya yara qanaxması).
• Anamnezdə QSİƏP-lərin istifadəsi ilə bağlı mədə-bağırsaq traktında xora qanaxması və ya perforasiyası.
• Ağır ürək çatışmazlığı (sinif IV – NYHA Nyu-York kardioloqlar assosiasiyasının təsnifatına görə)
• Ağır qaraciyər çatışmazlığı və ya aktiv fazada qaraciyər xəstəlikləri.
• Aydın ifadə olumuş ağır böyrək çatışmazlığı (kreatinin klirensi < 30 ml/dəq), təsdiq olunmuş hiperkaliemiya.
• Dekompensasiyaolunmuş ürək çatışmazlığı; aorta-koronar şuntlamadan sonrakı dövr.
• Serebrovaskulyar və ya digər qanaxmalar.
• Fruktozaya qarşı dözümsüzlük, qlükoza-qalaktoza malabsorbsiyası, saxaraza-izomaltaza çatışmazlığı.
• Hemofiliya və qanın laxtalanma prosesinin digər pozğunluqları (o cümlədən hipokoaqulyasiya), hemorragik diatezlər.
• Hamiləliyin 20 həftəsindən artıq dövrü.
• 6-yaşa qədər uşaqlar.
Xüsusi göstərişlər və ehtiyat tədbirləri
Bu bölmədə göstərilən hallar olduqda, preparatı istafadə etməzdən əvvəl həkimə müraciət etmək lazımdır.
Eyni zamanda digər QSİƏP-ın istifadəsi, anamnezdə xoralı mədə xəstəlikləri və 12-barmaq bağırsağın və və ya xoralı MBT-nin qanaxması birdəfəlik epizodda; qastrit, enterit, kolit, Helicobacter pylori infeksiyasının olması, yaralı kolit; bronxial astma və ya kəskinləşmə dövründə allergik xəstəliklər və ya anamnezdə – bronxospazm inkişaf edə bilər; sistem qırmızı qurd eşənəyi və ya birləşdirici toxumaların qarışıq xəstəlikləri (Şarp sindromu) – aseptik meningit riski yüksəkdir; suçiçəyi; böyrək çatışmazlığı, o cümlədən bədənin susuzlaşdırılması zamanı (kreatinin klirensi 30-60 ml/dəq-dən az), nefrotik sindrom, qaraciyər çatışmazlığı, portal hipertenziyalı qaraciyər sirrozu, hiperbilirubinemiya, arterial hipertenziya və/və ya ürək çatışmazlığı, serebrovaskulyar xəstəliklər, qanın mənşəyi məlum olmayan xəstəlikləri zamanı (leykopeniya və anemiya), ağır somatik xəstəliklər, dislipidemiya/hiperlipidemiya, şəkərli diabet, periferik arteriya xəstəlikləri, siqaret çəkmə, tez-tez alkoqoldan istifadə, eyni zamanda dərmanların istifadəsi xora və ya qan axmaların əmələ gəlməsinin riskini artıra bilər, xüsusilə peroral qlükokortikosteroidlərin (o cümlədən prednizolon), antikoaqulyantların (o cümlədən varfarin), serotoninin geriyə udulmasının selektiv inhibitorları (o cümlədən sitalopram, fluoksetin, paroksetin, sertralin) və ya antiaqreqantların (o cümlədən asetilsalisil turşusu, klopidoqrel), hamiləliyin 20 həftəsindən artıq olmayan dövrü, laktasiya dövrü, yaşlı xəstələr, 12 yaşdan aşağı yaş dövrü.
Preparatı maksimal dərəcədə qısa kurs ərzində və simptomların aradan qaldırılması üçün lazımı olan minimal effektiv dozada qəbul etmək tövsiyə edilir. Lazım gəldikdə preparatın qəbulu 10 gündən artıqdı o zaman həkimə müraciət etmək lazımdır.
Bronxial astma və allergik xəstəlikləri olan pasiyentlərdə xəstəliyin kəskinləşmə dövründə, həmçinin anamnezdə olan bronxial astma/allergik xəstəliklərdə preparat bronxospazm yarada bilər. Sistemli qırmızı qurdeşənəyi və ya birləşdirici toxumaların qarışıq xəstəlikləri olan pasiyentlərdə preparatın istifadəsi aseptik meningitin yaranma riskini artması ilə bağlıdır.
Müalicə müddətində mütləq qanın periferik şəklini və qaraciyər və böyrəklərin funksional durumları yoxlanmalıdır. Qastropatiya simptomları əmələ gəldikdə ezofaqoqastroduodenoskopiyanın, qanın ümumi analizinin (hemoqlobinin müəyyən olunması), gizli qana dair nəcis analizin keçirilməsi daxil olunmaqla ətraflı nəzarət göstərilir. 17-ketosteroidlərin təyin olunmasına ehtiyac yarandıqda preparatın qəbulu müayinədən 48 saat əvvəl ləğv olunmalıdır. Müalicə zamanı etanolun qəbulu məsləhət görülmür.
Böyrək çatışmazlığı olan xəstələrə preparatı istifadə etməyə başlamazdan əvvəl həkimlə məsləhətləşmək lazımdır, çünki böyrəklərin funksional vəziyyətinin ağırlaşması riski mövcuddur.
Hipertenziyalı xəstələrə, o cümlədən anamnezdə qeyd olunmuş, və/və ya xroniki ürək çatışmazlığı olan xəstələrə preparatı istifadə etməyə başlamazdan əvvəl həkimlə məsləhətləşmək lazımdır, çünki preparat mayenin yığılmasına, arterial təzyiqin yüksəlməsinə və ödemlərin əmələ gəlməsinə gətirə bilər.
NYHA-ya görə II-III sinif durğun ürək çatışmamazlığı olan nəzarətsiz arterial hipertenziyalı, ürəyin işemik xəstəlikləri, periferik arterial və/və ya serebrovaskulyar xəstəlikləri olan pasiyentlərdə ibuprofeni yalnız fayda/risk nisbətinin qiymətləndirməsindən sonra təyin etmək olar, bu zaman ibubrofenin yüksək dozada (≥2400mg/sutka) istifadəsindən çəkinmək lazımdır.
Suçiçəyi olan pasiyentlərdə QSİƏP-ın istifadəsi dərinin infeksion-iltihabi xəstəlikləri və dərialtı piy toxumasının ağır irinli ağırlaşmalarının (məsələn nekrotik fastsit) əmələ gəlmə riskinin yüksəlməsi ilə bağlı ola bilər. Bunula əlaqədar suçiçəyi zamanı preparatın istifadəsi tövsiyyə olunmur.
Hamiləliyi planlaşdıran qadınlar üçün məlumat: preparat siklooksigenaza və prostaglandinin sintezini azaldır, ovulyasiyaya təsir göstərir, qadın reproduktiv funksiyasını poza bilər (müalicə dayandırıldıqdan sonra geri dönə bilər).
Eksfoliativ dermatit, Stivens-Conson sindromu və toksiki epidermal nekroliz də daxil olmaqla ciddi dəri reaksiyaları QSİƏP-rın istifadəsi zamanı yalnız çox nadir hallarda diaqnostika olunmuşdur. Xəstələrdə bu reaksiyaların inkişafına ən çox terapiyanın erkən mərhələsində səbəb olduğu ehtimal edilir; əksər hallarda reaksiyanın başlanğıcı müalicənin ilk ayında baş verir.
Tərkibində ibuprofen olan QSİƏP-rın istifadəsi kəskin ümumiləşdirilmiş ekzantematoz pustulyoz (AGEP) kimi ağır dəri reaksiyalarına səbəb ola bilər. Pustulyoz səpgilər (irinlər) müalicənin ilk 2 günündə geniş yayılmış ödemli eritema fonunda baş verə bilər və əsasən dərinin büküşlərində, gövdə və yuxarı ətraflarda olur. Dəri səpgilərinin və selikli qişaların zədələnməsinin, eləcə də hər hansı digər hiperhəssaslıq ilk əlamətləri yarandıqda Nurofen® preparatının qəbulu dayandırılmalıdır. Pasiyentlər ciddi nəzarət altında olmalıdırlar.
Tərkibində ibuprofen olan QSİƏP-ın istifadəsi yoluxucu xəstəliyin əlamətlərini gizlədə bilər ki, bu da müvafiq müalicənin başlanmasını gecikdirə və bununla da xəstəliyin gedişatını çətinləşdirə bilər. Nurofen® yüksən temperaturda və ya infeksiya zamanı ağrıları aradan qaldırmaq üçün istifadə olunursa, infeksiion xəstəliyin monitorinqini aparmaq tövsiyə olunur. Müalicə müəssisəsindən kənar şəraitdə müalicə zamanı simptomlar qalarsa və ya artarsa pasiyent həkimə müraciət etməlidir.
Digər dərman vasitələri ilə qarşılıqlı təsiri
Aşağıdakı dərman vasitələri ilə ibuprofenin eyni zamanda istifadəsindən çəkinmək lazımdır:
• Asetilsalisil turşusu: həkim tərəfindən təyin olunmuş aspirinin yalnız kiçik dozaları (gündə 75 mq-a qədər) istisna olunmaqla, çünki birlikdə istifadə zamanı əlavə effektlərin baş verməsinin riski yüksələ bilər. Eyni zamanda təyin etdikdə ibuprofen asetilsalisil turşusunun iltihab-əleyhinə və antiaqreqant təsirini azaldır (antiaqreqant vasitə kimi asetilsalisil turşusunun kiçik dozalarını qəbul edən xəstələrdə ibuprofenin qəbulundan sonra kəskin koronar çatışmazlığın başvermə tezliyinin yüksəlməsi mümkündür).
• Digər QSİƏP, o cümlədən siklooksigenaza-2-nin (SOG-2) selektiv inhibitorları: əlavə effektlərin əmələ gəlməsi riskinin ehtimalı artdığına görə QSİƏP qrupundan iki və daha çox preparatın eyni zamanda istifadəsindən çəkinmək lazımdır.
Aşağıdaki dərman vasitələri ilə ehtiyatla təyin olunmalıdır:
• Antikoaqulyantlar və trombolitik preparatlar: QSİƏP antikoaqulyantların, xüsusən varfarinin və trombolitik preparatların effektini gücləndirə bilər.
• Antihipertenziv vasitələr, Hipotenziv vasitələr (AÇF inhibitorları və angiotenzin II-nin antaqonistləri) və diuretiklər: QSİƏP bu qrup preparatların effektivliyini azalda bilər. Böyrək funksiyasının pozğunluğu olan bəzi pasiyentlərdə (məsələn, orqanizmi susuzlaşdırılmış və ya böyrək funksiyası pozulmuş yaşlı xəstələrdə) Siklooksigenazanı inhibə edən, AÇF-in inhibitorlarının və ya angiotenzin II-nin antaqonistlərinin eyni zamanda istifadəsi böyrək funksiyasının pisləşməsinə gətirib çıxara bilər, həmçinin kəskin böyrək çatışmazlığına (adətən geriyə dönən). Bu qarşılıqlı təsiri o pasiyentlərdə nəzərə almaq lazımdır ki, hansı ki, koksibləri AÇF-in inhibitorları ilə və ya angiotenzinin II-nin antaqonistləri ilə birlikdə qəbul edir. Bununla əlaqədar olaraq yuxarıdakıların eyni zamanda istifadəsi zamanı ehtiyatlı olmaq lazımdır, əsasən də yaşlı insanlarda. Mütləq susuzlaşmanı aradan götürmək lazımdır, həmçinin belə kombinəolunmuş müalicədən başlayandan sonra və mütamadi olaraq sonralar da böyrək funksiyasının monitorinqinə nəzər yetirmək lazımdır. Diuretiklər və AÇF inhibitorları QSİƏP nefrotoksikliyini artıra bilərlər.
• Qlükokortikosteroidlər: MBT xoralarının və mədə-bağırsaq qanaxmalarının əmələ gəlməsinin yüksək riski.
• Antiaqreqantlar və serotoninin geriyə udulmasının selektiv inhibitorları: mədə-bağırsaq qanaxmalarının əmələ gəlməsinin yüksək riski.
• Ürək qlikozidləri: QSİƏP və ürək qlikozidlərinin eyni zamanda təyini ürək çatışmazlığının ağırlaşmasına, yumaqcıq filtrasiyasının sürətinin azalmasına və qan plazmasında ürək qlikozidlərinin konsentrasiyasının artmasına gətirə bilər.
• Litium preparatları: QSİƏP qəbulu fonunda qan plazmasında litiumun konsentrasiyasının yüksəlməsi ehtimalı barədə məlumat vardır.
• Metotreksat: QSİƏP qəbulu fonunda qan plazmasında metotreksatın konsentrasiyasının yüksəlməsi ehtimalı barədə məlumat vardır.
• Siklosporin: QSİƏP və siklosporini eyni zamanda təyin etdikdə nefrotoksiklik riski artır.
• Mifepriston: QSİƏP qəbulunu mifepristonun istifadəsindən 8-12 gündən tez olmamaqla başlamaq lazımdır, çünki QSİƏP mifepristonun effektivliyini azalda bilər.
• Takrolimus: QSİƏP və takrolimusu eyni zamanda təyin etdikdə nefrotoksiklik riski arta bilər.
• Zidovudin: QSİƏP və zidovudinin eyni zamanda istifadəsi hematotoksiliyin güclənməsinə gətirə bilər. Zidovudin və ibuprofenlə kombinəolunmuş müalicə almış hemofiliyalı İİV-müsbət xəstələrdə hemartroz və hematomaların əmələ gəlməsinin yüksək riski barədə məlumat verilmişdir.
• Xinolon sırası antibiotikləir: QSİƏP və xinolon sırasından antibiotikləri eyni zamanda alan xəstələrdə qıcolmaların əmələ gəlməsi riskinin artması mümkündür.
• Mielotoksik preparatlar: hematotoksikliyin artması.
• Sefamandol, sefoperazon, sefotetan, valproy turşusu, plikamisin: hipoprotrombinemiyanın inkişaf tezliyinin artması.
• Kanal sekresiyasını blokada edən dərmanlar: xaricolmanın azalması və ibuprofenin plazma konsentrasiyasını artması.
• Mikrosomal fermentlərinin induktorları (fenitoin, etanol, barbituratlar, rifampisin, fenilbutazon, trisiklik antidepressantlar): hidroksilləşmiş aktiv metabolitlərin artması, ağır intoksikasiyaların yaranma riskinin artması.
• Mikrosomal fermentlərinin inhibitorları: hepatotoksik təsir riskinin azalması.
• Peroral hipoqlikemik dərman vasitələri və insulin, sulfonilsidik törəmələri: preparatın təsirinin güclənməsi.
• Antasidlər və xolestiramin: absorbsiyanın azalması.
• Urikozurik preparatlar: preparatın effektivliyinin azalması.
• Коfein: analgeziyaedici effektin artması.
Hamiləlik və laktasiya dövründə istifadəsi
Yenidoğulmuşlarda oliqohidramniozun və/və ya böyrək patologiyasının mümkün inkişafı (neonatal böyrək disfunksiyası) səbəbindən hamiləliyin 20-ci həftəsindən etibarən qadınlarda QSİƏP-lar istifadə edilməməlidir. Hamiləliyin 20-ci həftəsinə qədər dövründə istifadəsindən çəkinmək lazımdır, preparatın qəbulunun zəruri olduğu hallarda həkimlə məsləhətləşmək lazımdır.
İbuprofenin südəmər uşağın sağlamlığına heç bir mənfi göstərməyəcək dərəcədə az miqdarda ana südünə keçdiyi haqda məlumat vardır. Ona görə də qısamüddətli istifadə zamanı ana südü ilə qidalandırma dayandırılmamalıdır. Preparatın uzunmüddətli istifadəsi zamanı ana südü ilə qidalandırmanı dayandırmaq haqqında məsələ ilə bağlı həkimə müraciət etmək lazımdır.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
İbuprofen qəbul etdikdə başgicəllənmə, yuxuyameyillilik, tormozlanma və ya görmənin pozulmasını qeyd edən xəstələr nəqliyyat vasitəsini və digər potensial təhlükəli mexanizmləri idarə etməkdən çəkinməlidir.
İstifadə qaydası və dozası
Daxilə qəbul üçün. Mədənin yüksək həssaslığı olan pasiyentlərə preparatı yemək vaxtı qəbul etmək məsləhət görülür.
Ancaq qısamüddətli istifadə üçün. Preparatı qəbul etməzdən əvvəl içlik vərəqəni diqqətlə oxuyun. Böyüklər və 12 yaşdan böyük uşaqlarda: daxilə gündə 3-4 dəfəyə qədər bir tablet (200 mq). Tabletləri su ilə içmək lazımdır. Sürətli müalicəvi effekt əldə etmək üçün böyüklərdə doza gündə 3 dəfə 2 tabletə (400 mq) qədər artırıla bilər.
6 yaşdan 12 yaşa qədər: gündə 3-4 dəfəyə qədər 1 tablet (200 mq); preparat yalnız uşağın bədən kütləsi 20 kq-dan artıq olduğu zaman istifadə oluna bilər.
Tabletlərin qəbulları arasında interval 6 saatdan az olmamalıdır. Böyüklər üçün maksimal gündəlik doza 1200 mq təşkil edir (6 tablet).
6-9 yaş uşaqlar (20-30kq) üçün maksimal gündəlik doza: 600mq (3 tablet), 10-12 yaş (32-40 kq)- 800mq (4 tablet), 13-18 yaş üçün 800-1200mq (4-6 tablet)
Əgər preparatın 2-3 gün ərzində istifadəsi zamanı simptomlar saxlanılarsa və ya artırsa müalicəni dayandırmaq və həkimə müraciət etmək lazımdır.
Əlavə təsirləri
Əgər preparat simptomların aradan qaldırılması üçün qısamüddətli kursla, minimal dozada qəbul edilərsə, əlavə təsirlərin meydanagəlmə riskini minimuma endirmək olar.
Yaşlı insanlarda QSİƏP-in istifadəsi fonunda əlavə təsirlərin yüksək tezliyi müşahidə olunur, əsasən də mədə-bağırsaq qanaxmaları və perforasiya bəzi hallarda letal hadisələrlə.
Əlavə təsirlər əsasən dozadanasılı olur.
Aşağıda qeyd olunan əlavə təsirlər İbuprofenin qısamüddətli 1200mq/gün-dən artıq olmayaraq (6 tablet) istifadəsi zamanı qeyd olunmuşdur. Xroniki vəziyyətlərin müalicəsi və uzunmüddətli istifadə zamanı digər əlavə təsirlər meydana çıxa bilər.
Əlavə təsirlərin yaranma tezliyinin qiymətləndirilməsi aşağıdakı kriteriyalarla ölçülür: çox tez-tez (≥1/10), tez-tez (≥1/100-dən <1/10-a qədər), bəzən (≥1/1000-dən <1/100-ə qədər), nadir (≥1/10000-dən
<1/1000-ə qədər), çox nadir (<1/10000), tezliyi məlum deyil (tezlyin qiymətləndirilməsi üçün məlumat azdır).
Qan və limfa sistemində baş verən pozğunluqlar
• Çox nadir hallarda: qanxama pozğunluqları ( anemiya, leykopeniya, aplastik anemiya, hemolik anemiya, trombositopeniya, pansitopeniya, aqranulositoz). Belə pozğunluqların ilk simptomları titrətmə, boğazda ağrı, ağız boşluğunun selikli qişasında səthi yaraları, qrippəbənzər simptomlar, nəzərəçarpan zəiflik, burundan qanaxma və dərialtı qansızmalar, etioıogiyası məlum olmayan qanaxmalar və qançırlar (göyərmələr).
İmmun sistemdə baş verən pozğunluqla
• Bəzən: yüksək həssaslıq reaksiyaları – qeyri-spesifik allergik reaksiyalr və anafilaktik reaksiyalar, tənəffüs yolları tərəfindən reaksiyalar (bronxial astma, həmçinin onun kəskinləşməsi, bronxospazm, təngnəfəslik, dispnoe), dəri reaksiyaları (qaşınma, övrə, purpura, Kvinke ödemi, eksfoliativ və bullyoz dermatozlar, həmçinin toksik epidermal nekroliz (Layell sindromu), Stivens-Conson sindromu, multiformalı eritema), allergik rinit, eozinofiliya.
• Çox nadir: ağır yuksək həssaslıq reaksiyaları, həmçinin üzün, dilin və qırtlağın şişməsi, təngnəfəslik, taxikardiya, arterial hipotenziya, (anafilaksiya, Kvinke ödemi və ya ağır anafilaktik şok), eksfoliativ və bullyoz dermatozlar.
• Tezlik məlum deyil: tənəffüs yollarının hiperreaktivliyi, həmçinin bronxial astma, bronxospazm və ya təngnəfəslik, preparata qarşı hiperhəssaslıq sindromu, kəskin ümumiləşdirilmiş ekzantematoz pustulyoz (AGEP).
Dəri və dərialtı toxuma pozğunluqları
• Nadir hallarda: müxtəlif formalı dəri səpgiləri.
• Çox nadir: eksfoliativ və bullyoz dermatozlar, o cümlədən toksiki epidermal nekroliz, Stivens- Conson sindromu, multiformalı eritema.
• Tezlik məlum deyil: dərman vasitəsinə qarşı eozinofiliya və sistem simptomlu reaksiya (dərmana qarşı hiperhəssaslıq sindromu — DRESS), kəskin ümumiləşdirilmiş ekzantematoz pustulyoz (AGEP).
Mədə-bağırsaq traktında baş verən pozğunluqlar
• Bəzən: qarında ağrı, ürəkbulanma, dispepsiya (o cümlədən mədədə qıcqırma, qarında köp).
• Nadir: diareya, meteorizm, qəbizlik və qusma.
• Çox nadir: peptik xora, perforasiya və ya mədə-bağırsaq qanaxmaları, melena, qanlı qusma,bəzi hallarda letal sonluqla, əsasən yaşlı pasiyentlərdə, xora stomatit, qastrit.
• Tezlik məlum deyil: kolitin kəskinləşməsi və Kron xəstəliyi.
Qaraciyərdə və ödçıxarıcı yollarda baş verən pozğunluqlar
• Çox nadir: qaraciyərin funksional pozğunluğu, “qaraciyər”-in transaminaz aktivliyinin artması, hepatit və sarılıq.
Böyrəklərdə və sidikqovucu yollarda baş verən pozğunluqlar
• Çox nadir: kəskin böyrək çatışmazlığı, (kompensasiyalı və dekompensasiyalı) əsasən uzunmüddətli istifadə zamanı, o cümlədən qan plazmasında sidikcövhərinin konsentrasiyası yüksəlməklə və ödemlərin, hematuriya və proteinuriya, nefritik sindrom, nefrotik sindrom, papillyar nekroz, interstial nefrit, sistit.
Sinir sistemindaə baş verən pozğunluqlar
• Bəzən: baş ağrısı.
• Çox nadir: aseptik meningit (autoimmün xəstəlikləri olan xəstələrdə ibuprofenlə müalicə zamanı (sistemli qırmızı quredşənəyi və birləşdirici toxumanın qarışıq xəstəliyi) ənsə əzələlərinin rigidliyi, baş ağrısı, ürəkbulanma, qusma, qızdırma və oriyentasiyanın itməsi kimi aseptik meningitin simptomlarının fərdi halları müşahidə edilmişdir).
Ürək-damar sistemində baş verən pozğunluqlar
• Tezliyi məlum deyil: ürək çatışmazlığı, periferik ödemlər, uzunmüddətli istifadə zamanı tromboembolik ağırlaşmaların riski yüksəkdir (məsələn, miokard infarktı və ya insult), arterial təzyiqin yüksəlməsi.
Tənəffüs sistemi , döş qəfəsi və mediastenal nahiyyə pozğunluqları
• Tezliyi məlum deyil: bronxial astma, bronxospazm, təngnəfəslik.
Laborator göstəricilər
• hematokrit və ya hemoqlobin (azala bilər)
• qanaxma müddəti (arta bilər)
• qanda qlükozanın konsentrasiyası (azala bilər)
• kreatinin klirensi (azala bilər)
• kreatininin zərdab konsentrasiyası (arta bilər)
• “qaraciyər” transaminazalarının aktivliyi (yüksələ bilər).
Əlavə effektlər əmələ gəldikdə preparatın qəbulunu ləğv edib, həkimə müraciət etmək lazımdır.
Doza həddinin aşılması
Uşaqlarda doza həddinin aşılmasının simptomları 400 mq/kq bədən kütləsinə dozadan yüksək dozaların qəbulundan sonra əmələ gələ bilər. Böyüklərdə dozadan-asılı effekt nəzərəçarpan deyil. Doza həddinin aşılması zamanı preparatın yarımxaricolma dövrü 1,5-3 saat təşkil edir.
Simptomları: ürəkbulanma, qusma, epiqastral nahiyədə ağrılar, nadir hallarda isə – diareya, qulaqlarda küy, baş ağrısı və mədə-bağırsaq qanaxmaları. Daha ağır hallarda sinir sistemi tərəfindən əlamətlər müşahidə olunur: yuxuya meyillilik, nadir – oyanıqlıq, qıcolmalar, dezoriyentasiya və ya koma. Ağır zəhərlənmə hallarında metabolik asidoz və protrombin vaxtının artması, böyrək çatışmazlığı, qaraciyər toxumalarının zədələnməsi, AT-nin enməsi, tənəffüsün zəifləməsi və sianoz əmələ gələ bilər. Bronxial astması olan xəstələrdə xəstəliyin şiddətlənməsi mümkündür.
Müalicəsi: simptomatik olmalıdır, tənəffüs yollarının keçiricilik qabiliyyəti təmin olunmaqla, EKQ və həyat fəaliyyətinin əsas göstəricilərinin xəstənin vəziyyətinin tam normallaşdırılmasınadək monitorinqi keçirilməlidir. İbuprofenin potensial toksik dozasının qəbulundan sonra bir saat ərzində mədənin yuyulması və ya aktivləşdirilmiş kömürün istifadəsi tövsiyə edilir. Əgər ibuprofenin absorbsiyası artıq baş veribsə, böyrəklərlə ibuprofenin turşu törəməsinin xaricolunması məqsədi ilə qələvi maye təyin oluna bilər. Tez-tez baş verən və uzunmüddətli qıcolmalar zamanı venadaxili diazepam və ya lorazepam yeridilir. Bronxial astma ağırlaşdıqda bronxodilatatorların istifadəsi tövsiyə edilir.
Buraxılış forması
200 mq-lıq örtüklü tabletlər.
6, 8, 10 və ya 12 tablet, PVX / PVDX / alüminium blisterdə.
1 blister (6, 8, 10 və ya 12 tablet) və ya 2 blister (6, 8, 10 və ya 12 tablet) və ya 3 blister (10 və 12 tablet) və ya 4 blister (12 tablet) və ya 8 blister (12 tablet) içlik vərəqə ilə birlikdə karton qutuya qablaşdırılır.
Saxlanma şəraiti
25°С-dən yüksək olmayan temperaturda və uşaqların əli çatmayan yerdə saxlamaq lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
“Reckitt Benckiser Healthcare International Ltd”, Böyük Britaniya. Teyn Roud, Nottingem, NG90 2DB, Böyük Britaniya.
Qeydiyyat vəsiqəsinin sahibi
“Reckitt Benckiser Healthcare LLC”, Rusiya Federasiyası
Rusiya Federasiyası, 115114, Moskva, Şlyuzovaya sahili, ev. 4, mərtəbə 3.
Rusiyada olan nümayəndəlik/ iradları qəbul edən təşkilat
“Reckitt Benckiser Healthcare LLC”, Rusiya Federasiyası
Rusiya Federasiyası, 115114 Moskva ş., Şlyuzovaya sahili ev. 4, mərtəbə 3. Tel.: 8-800-200-82-20 (Rusiyada zənglər pulsuzdur).
contact_ru@rb.com