Pharmed

NAFTIZIN 0,1% 10ML BURUN DAMLASI (RUS)

NAFTİZİN    0,05%; 0,1% burun damcısı NAPHTHYZIN

Beynəlxalq patentləşdirilməmiş adı: Naphazoline
Tərkibi
0,05 %-li məhlul
Təsiredici maddə:    1 ml məhlulun tərkibində 0,5 mq nafazolin nitrat vardır.
Köməkçi maddələr: bor turşusu, natrium hidroksid, təmizlənmiş su.
0,1 %-li məhlul vardır
Təsiredici maddə:  1 ml məhlulun tərkibində 1,0 mq nafazolin nitrat vardır.
Köməkçi maddələr: bor turşusu, natrium hidroksid, təmizlənmiş su.

Təsviri
Şəffaf rəngsiz və ya azca rəngli mayedir.

Farmakoterapevtik qrup
Antikonqestiv vasitə – α-adrenomimetik.
ATC kоdu: R01AA08.

Farmakoloji xüsusiyyətləri
Farmakodinamikası
α-Adrenostimuləedici vasitələr selikli qişaların damarlarına qarşı sürətli, kəskin və uzun-müddətli vazоkonstriktiv təsirə malikdir (şişkinliyi, hiperemiyanı, ekssudasiyanı azaldır). Rinitlər zamanı burundan nəfəsalmanı yaxşılaşdırır. 5-7 gündən sonra tolerantlıq başlayır.
Farmakokinetikası
Preparatın damardaraldıcı təsiri bir neçə dəqiqədən sonra başlayır və bir neçə saat ərzində davam edir.

İstifadəsinə göstərişlər
Kəskin rinitlər.
Allergik rinitlər.
Rinoskopiyanı asanlaşdırmaq məqsədilə. Burundan qanaxmanı dayandırmaq üçün.

Əks göstərişləri
Hiperhəssaslıq, arterial hipertenziya, kəskin ateroskleroz, tireotoksikoz, 1 yaşa qədər uşaqlar (0,05%-li məhlul üçün), xroniki rinit, atrofik rinit, gözün ağır xəstəliyi, bağlıbucaqlı qlaukoma, şəkərli diabet, taxikardiya, monoaminooksidazanın inhibitorlarının yanaşı istifadəsi və onların istifadəsi bitdikdən sonra 14 günə qədər olan dövr, 18 yaşa qədər uşaqlar və yeniyetmələr (0,1%-li məhlul üçün).

Xüsusi göstərişlər və ehtiyat tədbirləri
Müalicə məqsədilə 3-5 gündən artıq istifadə olunmamalıdır. Preparat rezorbtiv təsir göstərə bilər.
Uzunmüddətli istifadəsi zamanı preparatın vazokonstriktiv təsirlərinin şiddəti tədricən azala bilər (taxifilaksiyanın yaranması), bununla əlaqədar olaraq 5-7 günlük istifadədən sonra bir neçə gün fasilə verilməsi məsləhət görülür.
Aşağıdakı hallarda preparatı ehtiyatla istifadə etmək lazımdır:
ürəyin işemik xəstəliyi (stenokardiya); prostat vəzinin hiperplaziyası;
feоxrоmоsitоma;hamiləlik və laktasiya dövrü.

Digər dərman vasitələri ilə qarşılıqlı təsiri
Preparatı monoaminoksidazanın inhibitorları ilə yanaşı və ya onların istifadəsindən sonrakı 14 gün müddətində istifadə etmək olmaz.
Naftizin yerli anestetik təsirə malik dərman vasitələrinin sorulmasını ləngidir (səthi anesteziyanın həyata keçirilməsi zamanı onların təsir müddətini uzadır); digər vazokonstruktiv preparatlarla yanaşı istifadəsi əlavə təsirlərin yaranma riskini artırır.

Hamiləlik və laktasiya dövründə istifadəsi
Hamiləlik və laktasiya dövründə preparat yalnız ana üçün gözlənilən faydanın döl üçün potensial riskdən üstün olduğu hallarda tətbiq oluna bilər. Həkimlə məsləhətləşmək mütləqdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri.
Preparat nəqliyyat vasitələrini və yuksək diqqət və sürətli psixomotor reaksiya tələb edən digər potensial təhlükəli mexanizmləri idarəetmə qabiliyyətinə təsir göstərmir.

İstifadə qaydası və dozası
Dərman vasitəsi intranazal olaraq tətbiq edilir.
Kəskin və allergik rinitlər zamanı böyüklərdə hər burun boşluğuna gündə 3-4 dəfə 1-3 damcı 0,05- 0,1%-li məhlul damızdırılır. Uşaqlara 0,05%-li sulu məhlul (və ya 0,025%-li məhlul, 0,05%-li məhlulu distillə suyunda həll etməklə) təyin edilir: 1-6 yaş uşaqlara 1-2 damcı, 6-18 yaşlılara gündə 1-3 dəfə 2 damcı.
Rinoskopiya zamanı səthi anesteziyanın müddətinin uzadılması məqsədilə 1 ml həcmdə anestetikə 2-4 damcı 0,1%-li nafazоlin məhlulu istifadə edilir.
Burundan qanaxmalar zamanı 0,05%-li naftizin məhlulunda nəmləşdirilmiş tampоnlar burun bоşluğuna yerləşdirilir.

Əlavə təsirləri
İmmun sistemə: allergik reaksiya
Mərkəzi sinir sistemnə: baş ağrısı, başgicəllənmə, yuxululuq
Kardiо-vaskulyar (ürək-damar) sisteminə: taxikardiya, arterial təzyiqin yüksəlməsi.
Həzm sisteminə: ürəkbulanma.
Yerli reaksiyalar: qıcıqlanma, burun axıntısı, quruluq, reaktiv hiperemiya, burun boşluğunun selikli qişasının şişməsi, yanması hissi, bir həftədən artıq istifadə zamanı – burun boşluğunun selikli qişasının ödemi, atrofik rinit.
İçlik vərəqədə qeyd edilən əlavə təsirlərin ağırlaşdığı və ya içlik vərəqədə qeyd edilməyən müşahidə etdiyiniz hər hansı yeni əlavə təsirlər barədə həkiminizi məlumatlandırın.

Doza həddinin aşılması
Simptomları: bədən temperaturunun aşağı düşməsi, bradikardiya, arterial təzyiqin yüksəlməsi.
Müalicəsi: simptomatik.

Buraxılış forması
0,05 %-li və 0,1%-li burun damcısı.
10 ml preparat, polimer pipetli flakonda vida qapaqları və ya polimer qapaqları ilə. 1 damcı şüşə istifadə qaydaları ilə birlikdə karton qutuya qoyulur.
Karton qutunun üzərinə qrafik təsvirlər (piktoqramlar) və pipetli-flakonun istifadəsinə dair təlimatlar daxil edilmişdir.

Saxlanma şəraiti
25С-dən yuxarı olmayan temperaturda və uşaqların əliçatmayan yerdə saxlamaq lazımdır.
Yararlılıq müddəti
3 il.
İlk açılışdan sonra dərmanın yararlılıq dövrü – 1 ay.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.

İstehsalçı
Federal Dövlət Unitar Müəssisə «Mоskva Endokrin Zavоdu».
Hazır dərman fоrmasının istehsalı
Rusiya, 109052, Mоskva, Nоvоxоxlоvskaya küç., ev 25, bina 2.
Keyfiyyətə nəzarətin verilməsi
Rusiya, 109052, Mоskva, Nоvоxоxlоvskaya küç., ev 25, bina 1.

Qeydiyyat vəsiqəsinin sahibi/İradları qəbul edən təşkilat

Federal Dövlət Unitar Müəssisə «Mоskva Endоkrin Zavоdu». Rusiya, 109052, Mоskva, Nоvоxоxlоvskaya küç., ev 25.
Tel.:/ Faks: +7 (495) 678-00-50/911-42-10.
http://www.endopharm.ru