Pharmed
LEVOMEKOL 40GR MELHEM (NIJFARM)
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
_______________________ 2023-cü il
Dərman vasitəsinin istifadəsi üzrə təlimat (xəstələr üçün)
LEVOMEKOL® xaricə istifadə üçün məlhəm
LEVOMEKOL®
Beynəlxalq patentləşdirilməmiş adı: Dioxomethyltetrahydropyrimidine + Chloramphenicol
Tərkibi
Təsiredici maddə: 1 q məlhəmin tərkibində 40 mq dioksometiltetrahidropirimidin (metilurasil),
7,5 mq xloramfenikol vardır.
Köməkçi maddələr:makroqol-1500, makroqol-400.
Təsviri
Ağ və ya sarımtıl çalarlı ağ rəngli məlhəmdir.
Farmakoterapevtik qrup
Mikrob əleyhinə kombinəolunmuş vasitə.
ATC kodu: D06C.
Farmakoloji xüsusiyyətləri
Yerli istifadə üçün kombinəolunmuş preparat olub, iltihab əleyhinə (dehidratasiyaedici) və mikrob
əleyhinə təsir göstərir, qrammüsbət və qrammənfi mikroorqanizmlərə (stafilokokk, göy-yaşıl irin və
bağırsaq çöplərinə) qarşı aktivdir.
Bioloji membranları zədələmədən toxumalara asanlıqla dərindən nüfuz edir, regenerasiya
proseslərini stimullaşdırır. İrin və nekrotik kütlələr olduğu halda antibakterial təsirini qoruyur.
İstifadəsinə göstərişlər
Yara prosesinin ilkin fazasında müxtəlif lokalizasiyalı infeksiyalaşmış yaralar (porez və sıyrıntılar
daxil olmaqla) (eləcə də qarışıq mikrofloraya yoluxmuş yaralar).
Əks göstərişlər
Preparatın istənilən komponentinə qarşı yüksək həssaslıq; 1 yaşadək uşaqlar (yenidoğulmuşlarda
xloramfenikolun biotransformasiyası böyüklərə nisbətən daha ləng baş verir).
Digər dərman preparatları ilə qarşılıqlı təsiri
Digər dərman vasitələri ilə qarşılıqlı təsiri və ya uyuşmazlğı halları təsvir edilməmişdir.
Hamiləlik və laktasiya dövründə istifadəsi
Hamiləlik zamanı istifadəsi, yalnız ana üçün fayda dölə olan riskdən üstün olduğu halda
mümkündür.
Laktasiya dövründə ya preparatdan istifadəni, ya da ana südü ilə qidalandırmanı dayandırmaq
lazımdır.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Təsir etmir.
İstifadə qaydası və dozası
Yerli istifadə edilir. Preparat steril tənzif salfetlərə yaxılıb, yara onlarla boş şəkildə doldurulur.
Şprisin köməyi ilə kateter (drenaj borusu) vasitəsilə irinli boşluqlara daxil edilməsi mümkündür. Bu
halda məlhəmi qabaqcadan 35-36С-dək qızdırırlar. Sarğı yara irinli-nekrotik kütlədən tam
təmizlənənədək hər gün, gündə 1 dəfə aparılır. Yara səthi böyük olduqda, məlhəmin gündəlik
dozası xloramfenikol hesabı ilə 3 q-ı aşmamalıdır.
Müalicə müddəti xəstəliyin ağırlığından və gedişindən asılıdır.
Əlavə təsirləri
Allergik reaksiyalar (dəri səpgiləri).
Doza həddinin aşılması
Levomekol məlhəminin doza həddinin aşılması halları barədə məlumat verilməmişdir.
Buraxılış forması
Xarici istifadə üçün məlhəm 40 mq/q+7,5 mq/q.
10 q, 20 q, 30 q, 40 q və ya 50 q məlhəm, alüminium və ya polietilen laminat tubda. 1 tub içlik
vərəqə ilə birlikdə karton qutuya qablaşdırılır.
Saxlama şəraiti
25°C-dən yüksək olmayan temperaturda və uşaqların əli çatmayan yerdə saxlamaq lazımdır.
Yararlılıq müddəti
3 il 6 ay.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı/İradları qəbul edən təşkilat
“Nijfarm” SC, Rusiya.
603105, Nijniy Novqorod ş., Salqanskaya k., ev 7.
Tel.: (831) 278-80-88.
Faks: (831) 430-72-28.
E-mail: med@stada.ru