Pharmed
GEPTRAL 400MG 5ML N5 AMP
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“__” _________ 2019-cu il
Dərman vasitəsinin istifadəsi üzrə təlimat (xəstələr üçün)
HEPTRAL® inyeksiya məhlulu hazırlamaq üçün liofilizəolunmuş toz
HEPTRAL®
Tərkibi
Təsiredici maddə: 1 flakon liofilizəolunmuş tozun tərkibində 760 mq ademetionin 1,4 – butandisulfo-
nat vardır ki, bu da 400 mq ademetionin kationuna bərabərdir.
Həlledici: 1 ampulda L-lizin, natrium-hidroksid, inyeksiya üçün su vardır.
Təsviri
Liofilizəolunmuş toz – rəngi ağ rənglə sarımtıl rəng arasında olan, kənar hissəciklərdən təmizlənmiş
liofilizəolunmuş kütlə; həlledici məhlul – rəngsiz və ya solğun sarı rəngdə, içərisində kənar hissəciklər
olmayan şəffaf mayedir; hazır məhlul – rəngsiz və ya sarı rəngdə, içərisində gözlə görünən hissəciklər
olmayan şəffaf mayedir.
Farmakoterapevtik qrupu
Həzm sisteminə və metabolizm proseslərinə təsir göstərən vasitələr.
АТС kodu: А16А А02.
Farmakoloji xüsusiyyətləri
Farmakodinamikası
S-adenozil-L-metionin (ademetionin) – orqanizmin praktik olaraq bütün toxumalarında və mayelərində
olan təbii amin turşusudur. Ademetionin ilk növbədə insan və heyvan orqanizmində mühüm metabolik
proses olan bir çox transmetilləşmə reaksiyalarında koenzim kimi və metil qrupunun donoru kimi təsir
göstərir. Ademetioninin metil qruplarının köçürülməsi (transmetilləşmə) hüceyrənin fosfolipid mem-
branlarının əmələ gəlməsində baş verən mühüm metabolik prosesdir və membranların keçiriciliyində
müəyyən rola malikdir.
Ademetionin hematoensefalik baryerdən keçir. Ademetioninin yüksək konsentrasiyaları katexolamin-
lərin (dopamin, adrenalin, noradrenalin), indolaminlərin (serotonin, melatonin) və histaminin
metabolizminə təsir göstərməklə, beyin toxumaları üçün vacib olan transmetilləşmə proseslərinə təsir
göstərir.
Ademetionin transsulfolaşma reaksiyalarında fizioloji sulfolaşmış birləşmələrin (sistein, taurin,
qlutation, koenzim A və digərlərinin) əmələ gəlməsində onların sələfidir. Qlutation çox güclü bir
antioksidant kimi qaraciyərin detoksikasiyası üçün vacib komponentdir. Ademetionin qaraciyərin
alkoqol və qeyri-alkoqol mənşəli zədələnməsi olan pasiyentlərin orqanizmində qlutationun səviyyəsini
artırır.
Fol turşusu və vitamin В12 ademetioninin metabolizm və reduksiya proseslərində essensial (əvəzolun-
maz) ko-nutrientdirlər.
Farmakokinetikası
Absorbsiyası
İnsan orqanizminə venadaxili yeridilməsindən sonra adeometioninin faramakokinetik profili
toxumalarda paylanma fazası tez və klirensi isə yarımxaricolma dövrü 1,5 saat olmaqla bieksponensial
olur. Əzələdaxili yeridilməsindən sonra absorbsiya – 96 %, zərdabda maksimal konsentrasiyası isə
istifadədən 45 dəqiqə sonra yaranır. Ademetioninin bağırsaqda həll olan tabletlərinin daxilə
qəbulundan sonra (400-1000 mq) zərdabda yaranan maksimal konsentrasiyalar qəbul olunmuş
dozadan asılıdır və 3-5 saatdan sonra 0,5-1 mq/l təşkil edir. Əgər ademetionin qida qəbulları arası
peroral qəbul edilərsə, onun biomənimsənilməsi artmış olur. Zərdabda olan konsentrasiyalar 24 saat
içində ilkin göstəricilərinə qədər düşür.
Paylanması. Paylanma həcmi 100 mq və 500 mq dozalı ademetionin üçün müvafiq olaraq 0,41 və
0,44 l/kq təşkil edir. Qan zərdabının zülalları ilə birləşməsi əhəmiyyət daşımır və ≤ 5 % təşkil
edir.
Metabolizmi
Ademetioninin metabolik prosesi siklikdir və ademetionin sikli adlanır. Bu siklin ilkin mərhələsində
ademetionindən asılı olan metilaza ademetionini S-adenozilhomosisteinin sintezi üçün lazım olan
substrat kimi istifadə edir ki, bu da sonra S-adenozilhomosisteinhidrolazanın köməyi ilə homosisteinə
və adenozinə qədər hidrolizə olunur. Homosistein, öz növbəsində, metil qrupunun 5-
metiltetrahidrofolatdan köçürülmə nəticəsində metioninə geriyə transformasiya olunur. Son nəticədə,
metionin sikli tamamlayaraq ademetioninə çevrilə bilər.
Xaric olunma
Maddənin klirensi ilə bağlı aparılan sınaq zamanı sağlam könüllülərin radioaktiv nişanlanmış (metil
14С) ademetioninin peroral qəbulundan sonra radioaktiv maddənin sidiklə xaric olunması 48 saatdan
sonra 15,5 ± 1,5 %, nəcislə xaric olunması isə 72 saatdan sonra 23,5 ± 3,5 % təşkil edir və bu
zaman davamlı pullarda maddənin təqribən 60 %-i orqanizmdə inkorporasiya olunub qalır.
İstifadəsinə göstərişlər
⚫ Böyüklərdə, o cümlədən müxtəlif etiologiyalı xroniki hepatiti olan xəstələrdə qaraciyərdaxili
xolestaz və qaraciyərin sirrozu;
⚫ Hamilələrdə qaraciyərdaxili xolestaz;
⚫ Depressiv sindromlar.
⚫ Xroniki qaraciyər xəstəliyindən qaynaqlanan yorgunlugun aradan qaldirilmasi.
Əks göstərişlər
Metionin siklinə təsir göstərən və / və ya homosisteinuriya və / və ya hiperhomosisteinemiya yaradan
genetik defektlər (məsələn: sistationin betasintetazanın çatışmazlığı, В12 vitamininin metabolizminin
pozulması).
Preparatın tərkibində olan hər-hansı bir komponentə qarşı yüksək həssaslıq (“Tərkibi” bölməsinə bax).
Xüsusi göstərişlər və ehtiyat tədbirləri
Vitamin B12 və fol turşusunun çatışmazlığı ademetioninin konsentrasiyasının azalmasına səbəb ola
bildiyi üçün, risk qrupuna daxil olan pasiyentlərdə (anemiya, qaraciyər xəstəlikləri, hamiləlik və ya
digər xəstəliklər səbəbindən və ya vegetarianlıq kimi xüsusi qidalanmaya görə vitamin çatışmazlığı
təhlükəsi artmış olduqda) bu maddələrin zərdabda səviyyəsini yoxlamaq üçün mütəmadi olaraq qan
analizi aparılmalıdır. Çatışmazlıq aşkar olunduğu hallarda, ademetioninlə müalicə aparılmazdan əvvəl
və müalicə müddətində vitamin B12 və/ və ya fol turşusu ilə müalicə tövsiyə olunur. Risk qrupuna daxil
olan pasiyentlərdə göstərilən yoxlamaların aparılması mümkün olmadığı hallarda, bu dərman
preparatının istifadəsinə dair təlimata müvafiq olaraq vitamin B12 və fol turşusunu təyin etmək tövsiyə
olunur (bax “Farmakoloji xüsusiyyyətləri” - Metabolizmi).
Bipolyar psixozu olan pasiyentlərə ademetioninin istifadəsi məsləhət görülmür. Ademetioninlə
müalicə zamanı pasiyentlərdə depressiyadan hipomaniya və ya maniya halına keçmə haqqında
məlumatlar daxil olub.
Depressiyanın müalicəsi üçün ademetioninin istifadəsinin effektivliyi qısamüddətli klinik sınaqlarda
nümayiş etdirilib (3-6 həftə). Depressiya zamanı ademetioninin 6 həftədən uzun müddətdə istifadəsinin
effektivliyi məlum deyil. Pasiyentlərə xəbərdarlıq edilməlidir ki, əgər ademetioninlə müalicə zamanı
onların xəstəliklərinin (depressiyanın) simptomları keçməzsə və ya daha da kəskinləşərsə, onlar bu
barədə həkimə məlumat verməlidirlər. Depressiyalı pasiyentlər adətən intihar və digər ciddi aktlar
etmə təhlükəsinə görə yüksək təhlükə qrupuna daxildirlər və buna görə də ademetioninlə müalicə
zamanı müalicənin effektivliyinə nəzarət etmək üçün onların xüsusi nəzarətə və daimi psixiatrik
yardıma ehtiyacları var.
Ademetionin qəbul edən pasiyentlərdə narahatlıq hissinin qısamüddətli yaranması və ya güclənməsi
haqqında məlumatlar daxil olub. Əksər hallarda müalicəni dayandırmağa ehtiyac olmayıb. Bəzi
hallarda isə dozanın azaldılmasından və ya müalicənin dayandırılmasından sonra narahatlıq hissi keçib
gedib.
Homosisteinin immunoloji analizinə olan təsir
Ademetionin homosisteinin immunoloji analizinə təsir göstərir. Belə ki, ademetionin qəbul edən
pasiyentlərdə analizin nəticələrində qan zərdabında homosisteinin səviyyəsi yanlış olaraq artmış
göstərilir. Bunu nəzərə alaraq, belə pasiyentlərdə qan zərdabında homosisteinin səviyyəsini təyin
etmək üçün qeyri-immunoloji metodlardan istifadə etmək məsləhət görülür.
Qaraciyər çatışmazlığı
Sağlam könüllülərlə qaraciyərin xroniki xəstəliklərindən əziyyət çəkən pasiyentlərdə farmakokinetik
xarakteristikalar arasında heç bir fərq yoxdur.
Presirrotik və sirrotik mərhələdə olan hiperammoniemiyalı ademetionin qəbul edən pasiyentlərdə
ammonyakın səviyyəsinə nəzarət olunmalıdır.
Böyrək çatışmazlığı. Müvafiq sınaqlar aparılmadığı üçün bu cür pasiyentlərdə ademetionin ehtiyatla
istifadə olunmalıdır.
İntihar/suisidal fikirlər
Depressiya suisidal fikirlərin və hərəkətlərin, intihar hallarının (intihar və bununla əlaqəli olan hallar)
başvermə təhlükəsinin artmasına səbəb ola bilər . Bu təhlükə depressiyanın müalicəsi zamanı
remissiyanın yaranmasına qədər davam edir. Müalicənin birinci həftəsində və ya müalicə kursunun ilk
həftələrində pasiyentlərin vəziyyətində əhəmiyyətli dərəcədə yaxşılaşma müşahidə olunmaya bilər,
buna görə də depressiyalı pasiyentlərin vəziyyətində yaxşılaşma müşahidə olunana qədər onlara xüsusi
nəzarət olunmalıdır.
Bu preparatın istifadə olunduğu digər psixi xəstəliklərdə də suisidal davranış təhlükəsinin artması baş
verə bilər. Bundan başqa, bu cür xəstəliklər ağır depressiyalarla əlaqədar ola bilər. Ağır depressiv
pozulmaları olan pasiyentlərin müalicəsi xüsusi ehtiyatlılıq tələb edir və digər psixi xəstəlikləri olan
pasiyentlərin müalicəsində olduğu kimi ehtiyat tədbirləri götürülməlidir.
Digər dərman vasitələri ilə qarşılıqlı təsiri
Klomipramin qəbulu fonunda ademetionin qəbul edən pasiyentlərdə serotonin sindromunun yaranması
barədə məlumat vardır. Belə hallarda ademetioninin rolu sırf nəzəri olsa da, onun sertoninin geriyə
tutulmasının selektiv inhibitorları, trisiklik antidepressantlar (məsələn, klomipramin ), tərkibində
triptofan olan preparatlar və bitki mənşəli vasitələrlə birlikdə istifadəsi zamanı ehtiyatlı olmaq
lazımdır.
Uyuşmazlıq
İnyeksiya üçün məhlulları, qələvi məhlullarla və ya tərkibində kalsium ionları olan məhlullarla
qarışdırmaq məsləhət görülmür.
Hamiləlik və ya laktasiya dövründə istifadəsi
Hamiləliyin üçüncü trimestrində (üç aylığında) ademetioninin yüksək dozalarda istifadəsi heç bir əlavə
reaksiyalara səbəb olmayıb. Ademetionin hamiləliyin birinci və ikinci trimestrində yalnız həkim
tərəfindən ana üçün faydanın/döl üçün riskinə nisbətinin diqqətlə qiymətləndirilməsindən sonra
istifadə olunmalıdır.
Laktasiya dövründə ademetionin yalnız preparatın ana üçün faydasının südəmər uşağa olan təhlükə-
sindən üstün olduğu hallarda istifadə olunur.
Pediatriyada istifadəsi
Uşaqlarda ademetioninin istifadəsinin təhlükəsizliyi və effektivliyi müəyyən olunmayıb.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Bəzi pasiyentlərdə ademetioninlə müalicə zamanı başgicəllənmə halları yarana bilər. Belə hallarda
insanın reaksiya sürətinə təsir edə bilən simptomlar tam keçib gedənə qədər nəqliyyat vasitələrini idarə
etməkdən və ya digər mexanizmlərlə işləməkdən imtina edilməlidir.
İstifadə qaydası və dozası
Müalicə adətən preparatın parenteral yeridilməsi ilə başlanır, sonradan isə preparatı tablet şəklində
qəbul etməklə davam etdirilir və ya əvvəlcədən tabletlər istifadə olunur. Tabletlərin gündəlik dozasını
2-3 qəbula bölmək olar. İnyeksiya üçün məhlul istifadədən dərhal əvvəl hazırlanmalıdır.
Depressiya
Başlanğıc müalicə
Venadaxili və ya əzələdaxili: tövsiyə olunan gündəlik doza bədən kütləsinin hər kq-na 5-12 mq təşkil
edir. Normal başlanğıc doza günə 400 mq – 500 mq təşkil edir, ümumi gündəlik doza isə 15-20 gün
ərzində 800 mq-dan çox olmalı deyil.
Peroral (daxilə): tövsiyə olunan gündəlik doza bədən kütləsinin hər kq-na 10-25 mq təşkil edir. Normal
başlanğıc doza günə 800 mq təşkil edir, ümumi gündəlik doza isə 1600 mq-dan çox olmalı deyil.
Dəstəkləyici müalicə:
Peroral: gündə 800 mq-dan – 1600 mq-a qədər
Qaraciyərdaxili xolestaz
Başlanğıc müalicə
Venadaxili və ya əzələdaxili: tövsiyə olunan gündəlik doza bədən kütləsinin hər kq-na 5-12 mq təşkil
edir. Normal başlanğıc doza günə 500mq təşkil edir, ümumi gündəlik doza isə 2 həftə ərzində 1000
mq-dan çox olmalı deyil.
Peroral (daxilə): tövsiyə olunan gündəlik doza bədən kütləsinin hər kq-na 10-25 mq təşkil edir. Normal
başlanğıc doza günə 800 mq təşkil edir, ümumi gündəlik doza isə 1600 mq-dan çox olmalı deyil.
Dəstəkləyici müalicə:
Peroral: gündə 800 mq-dan – 1600 mq-a qədər.
Liofilizəolunmuş toz istifadədən bilavasitə əvvəl qablaşdırmaya əlavə olunmuş xüsusi həlledici
məhlulda həll edilməlidir. Preparat orqanizmə əzələdaxili və ya venadaxili inyeksiya şəkilində yeridilə
bilər. Venadaxili yeridilmə çox yavaş sürətlə yerinə yetirilməlidir. Məhlulun istifadə olunmamış
hissəsi atılmalıdır.
Ademetionini qələvi və ya tərkibində kalsium ionları olan məhlullarla qarışdırmaq olmaz. Liofilizə-
olunmuş tozun rəngi ağ rəngdən sarımtıl rəngə qədərdən fərqli olarsa (flakonda olan çatlar və ya
yüksək temperaturun təsiri nəticəsində), ondan istifadə olunmamalıdır.
Ahıl yaşlı pasiyentlər
Klinik təcrübə əsasında ahıl yaşlı pasiyentlər və yaşı daha az olan pasiyentlərin müalicəsi zamanı
reaksiyalar arasında fərq aşkar edilməyib. Ahıl yaşlı pasiyentlərin müalicəsi qaraciyərin, böyrəklərin
və ya ürəyin funksiyalarının azalmasını, bunlarla əlaqədar olan patoloji halların mövcudluğunu və
digər dərman vasitələrinin istifadəsini nəzərə alaraq, tövsiyə olunan ən aşağı doza ilə başlanılmalıdır.
Əlavə təsirləri
Klinik sınaqlar zamanı ademetionini 2000-dən çox pasient istifadə edib. Ən çox əlavə təsirlər
müşahidə oluan hallar: başağrısı, ürəkbulanma və ishaldır. Ademetioninlə (n=1922) klinik tədqiqatlar
zamanı və postmarketinq dövründə (“qəfil” məlumat) müşahidə olunan arzuedilməyən effektlər orqan,
orqan sistemi zədələnməsi və rastgəlmə tezliyinə uyğun olaraq aşağıdaki qaydada sadalanmışdır.
Arzuolunmaz təsirlərin rast gəlmə tezliyi aşağıdakı kimi təsnif edilir: çox tez-tez (≥ 1/10), tez-tez (≥
1/100, < 1/10), bəzən (≥ 1/1000, < 1/100), tək-tək hallarda (≥ 1/10000, < 1/1000), nadir hallarda
(<1/10000)
Doza həddinin aşılması
Ademetioninin doza həddinin aşılması haqqında nadir hallarda məlumatlar daxil olub. Doza həddinin
aşılması hallarında pasiyentə nəzarət etmək və zəruri hallarda simptomatik müalicə aparmaq tövsiyə
olunur. Doza həddinin aşilmasi hallarında həkim yerli toksiloji mərkəzə müraciət etməlidir.
Buraxılış forması
İçində liofilizəolunmuş toz olan 5 şüşə flakon və alüminium folqa ilə möhürlənmiş konturlu-yuvalı
qablaşdırmada tozu həll etmək üçün nəzərdə tutulan 5 ampul (5 ml) həlledici məhlul. 5 flakon və 1
konturlu-yuvalı qablaşdırma (5 ampul) içlik vərəqə ilə birlikdə karton qutuya qablaşdırılır.
Saxlanma şəraiti
25°C-dən yuxarı olmayan temperaturda və uşaqların əli çatmayan yerdə saxlamaq lazımdır.
Yararlılıq müddəti
Flakonlarda olan liofilizəolunmuş toz - 3 il.
Ampullarda olan həlledici məhlul - 3 il.
İkinci qablaşdırmada (karton qutuda) preparatın istehsal tarixi liofilizəolunmuş toza müvafiq olaraq
göstərilib. Yekun preparatın istifadəyə yararlılıq tarixi yararlılıq müddətinin bitmə tarixi daha tez olan
komponentə (liofilizə olunmuş toz və ya həlledici məhlul) müfaviq olaraq təyin olunur.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
FAMAR LEGL, Fransa/ FAMAR L’AIGLE, France və FAMAR S.А., Yunanıstan/ FAMAR S.A.,
Greece.
Ünvan
BP 103 de L’İl küç., 28380 Sen-Remi Sür Avr, Fransa/ BP 103 Rue de I’Isle, 28380 Saint-Remy sur
Avre, France və Alimos Plant, Ag. Dimitriu küç., 63, 17456 Alimos Afina, Yunanıstan / Alimos Plant,
63 Ag. Dimitriou Str, 17456 Alimos Attiki, Greece.
Preparatın qəbulu zamanı arzuolunmaz halların yaranması və ya preparatın keyfiyətinə dair
iradlarınız barədə “Abbott” şirkətinə (24 saat ərzində) məlumat verə bilərsiniz:
Əlaqə nömrələri: +380 44 498 6080 (Ukrayna).