Pharmed
FURADONİN 50MG N10 TB
FURADONİN, 50 mq tablet
Furadonin, beynəlxalq patentləşdirilməmiş adı: Nitrofurantoin
Furadonin tərkibi
Təsiredici maddə: 1 tabletin tərkibində 50 mq və ya 100 mq furadonin (nitrofurantoin) vardır.
Köməkçi maddələr: kartof nişastası, susuz kolloidal silisium dioksid, kalsium stearat.
Təsviri
Sarı və ya yaşılımtıl-sarı rəngli, yastı-silindrik, iti kənarlı tabletlərdir.
Farmakoterapevtik qrupu
Sistem istifadə üçün antibakterial preparatlar. Nitrofuran törəmələri.
ATC kodu: J01XE01.
İstifadəsinə göstərişlər
- Sidik-ifrazat yollarının həssas mikroorqanizmlər tərəfindən törədilən ağırlaşmamış infeksiyaları (sistit, uretrit, pielit);
- uroloji əməliyyatlar və müayinələr (sistoskopiya, kateterizasiya) zamanı infeksiyaların profilaktikası.
Əks göstərişlər
- Nitrofurantoinə və ya nitrofuranlara qarşı yüksək həssaslıq;
- böyrək funksiyalarının ciddi pozğunluqları, böyrək çatışmazlığı, oliquriya (kreatinin klirensi 60 ml/ dəq-dən aşağı);
- 6 yaşa qədər uşaqlar, döldə və ya yenidoğulmuş körpədə eritrositlərin ferment sistemlərinin qeyri-təkmilliyi ilə əlaqəli hemolitik anemiyanın inkişaf etmə ehtimalını nəzərə alaraq, hamiləlik və laktasiya dövrü;
- qaraciyər sirrozu, xroniki hepatit;
- xroniki ürək çatışmazlığı (NYHA təsnifatına müvafiq III-IV-cü siniflər);
- qlükoza-6-fosfatdehidrogenaza fermentin çatışmazlığı;
- kəskin porfiriya.
Xüsusi göstərişlər və ehtiyat tədbirləri
Periferik neyropatiyanın ilk əlamətləri (paresteziyaların meydana çıxması) meydana çıxdıqda, preparatın istifadəsini dayandırmaq lazımdır, çünki bu ağırlaşmanın inkişaf etməsi həyat üçün təhlükəli ola bilər.
İzah olunmayan ağciyərlər, qaraciyər funksional pozğunluqları, hematoloji və nevroloji pozğunluqlar meydana çıxdıqda, müalicəni dayandırmaq lazımdır.
Ağciyərlərin zədələnmə əlamətləri meydana çıxdığı halda, furadoninin qəbulunu dərhal
dayandırmaq lazımdır. Furadonin ilə uzunmüddətli müalicə qəbul edən pasiyentlərdə, xüsusilə yaşlı şəxslərdə, ağciyər funksiyalarının hərtərəfli monitorinqini aparmaq lazımdır.
Hepatitin inkişaf etmə əlamətlərini aşkar etmək məqsədi ilə, furadonin ilə uzunmüddətli müalicə qəbul edən pasiyentlərin hərtərəfli monitorinqini aparmaq lazımdır.
Furadonin qəbul etdikdən sonra, sidik sarı və ya qonur rəngə boyana bilər. Furadonin qəbul edən pasiyentlərdə, sidikdə qlükozanı müəyyən etdikdə, yanlış-müsbət reaksiyalar müşahidə oluna
bilər.
Qlükoza-6-fosfatdehidrogenaza fermentinin çatışmazlığına şübhə olan pasiyentlərdə hemoliz əlamətləri meydana çıxdıqda, furadoninin istifadəsini dayandırmaq lazımdır.
Preparatı qida və ya süd ilə birlikdə qəbul etməklə və ya dozanı aşağı salmaqla, mədə-bağırsaq traktında baş verə biləcək reaksiyaları minimuma endirmək mümkündür.
Uzunmüddətli müalicə aparıldıqda, göbələklərin və qeyri-həssas mikroorqanizmlərin törətdikləri superinfeksiyanın inkişaf etməsi mümkündür.
Böyrək funksiyaları pozulduqda (kreatinin klirensi 60-90 ml/dəq), qlükoza-6-
fosfatdehidrogenaza və ya digər eritrosit fermentlərinin çatışmazlığına şübhə olduqda, zəifləmiş pasiyentlərdə, allergiyadan, qaraciyər, ağciyər patologiyasından və nevroloji pozğunluqlardan əziyyət çəkən pasiyentlərdə nitrofurantoini ehtiyatla istifadə etmək lazımdır.
Şəkərli diabet, anemiya, elektrolit pozğunluqlar, B qrupu vitamin çatışmazlığı olan pasiyentlərdə preparatı ehtiyatla təyin etmək lazımdır, çünki bu hallarda preparatın neyrotoksik təsirinin
güclənməsi baş verə bilər.
Furadonini böyrəklərin qabıq maddəsinin xəstəliklərinin (qlomerulonefritin), irinli paranefritin,
prostatitin müalicəsi üçün istifadə etmək olmaz. Xüsusilə, bir fəaliyyətsiz böyrəyin parenximatoz infeksiyasının müalicəsi üçün preparatı istifadə etmək olmaz. Residivləşən və ya ağır dərəcəli
infeksiya mövcud olduqda, cərrahi əməliyyatla əlaqəli səbəbləri istisna etmək lazımdır.
Digər dərman vasitələri ilə qarşılıqlı təsiri
Preparatı qida ilə və ya mədənin boşalmasının ləngiməsinə səbəb olan dərman preparatları ilə qəbul etdikdə, furadoninin sorulması yüksəlir.
Maqnezium trisilikat furadoninin sorulmasını aşağı salır.
Probenesid və sulfinpirazon, furadoninin böyrək ekskresiyasını azaldırlar.
Karboanhidraza fermentinin inhibitorları və sidiyin qələvi reaksiyasına səbəb olan preparatlar, furadoninin antibakterial aktivliyini aşağı salırlar.
Furadonin və flüorxinolon qrupundan olan mikrobəleyhinə preparatlar, antibakterial antaqonistlərdirlər.
Furadonin bağırsaq florasını tormozlaya bilər ki, bu da estrogenlərin absorbsiyasının və tərkibində estrogenlər olan kontraseptivlərin effektivliyinin aşağı düşməsinə gətirib çıxarır.
Qadın pasiyentlərə qeyri-hormonal kontrasepsiya üsullarından istifadə etmək tövsiyə olunur. Furadonin yatalaq əleyhinə peroral vaksinin inaktivləşməsinə səbəb ola bilər.
Hamiləlik və laktasiya dövründə istifadəsi
Hamiləlik dövründə furadoninin istifadəsi əks göstərişdir. Laktasiya dövründə preparatın istifadəsi üçün zərurət yarandıqda, bütün müalicə dövrü ərzində körpəni ana südü ilə
qidalanmadan ayırmaq lazımdır.
Pediatriyada istifadəsi
Preparatı 6 yaşa qədər uşaqlarda istifadə etmək tövsiyə edilmir.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Furadonindən istifadə etdikdə, başgicəllənmə və yuxuya meyllilik baş verə bilər. Dərman
preparatından istifadə etdikdə, nəqliyyat vasitələrini və ya digər potensial təhlükəli mexanizmləri idarə etmək olmaz.
Furadonin istifadə qaydası, dozası
Daxilə, yemək zamanı, çox miqdarda su ilə qəbul etmək lazımdır.
Böyüklər
Sidik-ifrazat yollarının kəskin ağırlaşmamış infeksiyaları: 7 gün müddətində gündə 4 dəfə 50 mq. Ağır dərəcəli təkrar infeksiya: 7 gün müddətində gündə 4 dəfə 100 mq.
Uzunmüddətli dəstəkləyici müalicə: gündə 1 dəfə 50-100 mq.
Profilaktika: uroloji əməliyyatlar aparılan gün və əməliyyatladan sonra 3 gün müddətində, gündə 4 dəfə 50 mq.
6 yaşdan yuxarı uşaqlar
Sidik-ifrazat yollarının kəskin ağırlaşmamış infeksiyaları: 7 gün müddətində gündə 4 dəfə sutkada 3 mq/kq. Dəstəkləyici müalicə: gündə 1 dəfə 1 mq/kq.
Bədən kütləsi 25 kq-dan aşağı olan uşaqlar üçün dərman preparatını suspenziya şəklində istifadə etmək tövsiyə olunur.
Əlavə təsirləri
Mədə-bağırsaq traktında baş verən pozğunluqlar: ürəkbulanma, qusma, iştahanın olmaması, qarın nahiyəsində ağrı, diareya, pankreatit, psevdomembranoz kolit.
Qaraciyərdə və ödçıxarıcı yollarda baş verən pozğunluqlar: xolestatik sarılıq, xolestatik sindrom, xroniki aktiv hepatit (bir qayda olaraq, bəzən ölümlə nəticələnən). Hepatotoksiklik simptomları meydana çıxdıqda, preparatın istifadəsini dayandırmaq lazımdır.
Sinir sistemində baş verən pozğunluqlar: başağrısı, yuxuya meyllilik, başgicəllənmə, depressiya, eyforiya, nistaqm, şüurun dumanlanması, psixotik reaksiyalar, kəllədaxili hipertenziya. Nadir
hallarda, sensor və motor pozğunluqlarla müşayiət olunan, ciddi və hətta geri dönməyən
periferik neyropatiya (göz sinirinin zədələnməsi daxil olmaqla). Yuxarıda göstərilən simptomlar meydana çıxdıqda, peparatın istifadəsini dayandırmaq lazımdır.
Tənəffüs sistemində baş verən pozğunluqlar: qızdırmanın, eozinofiliyanın, öskürəyin, sinə ağrılarının, təngnəfəsliyin, ağciyər infiltratının, plevral eksudatın əmələ gəlməsinin qəflətən
meydana çıxması ilə xarakterizə olunan, kəskin ağciyər reaksiyaları (adətən, müalicənin birinci həftəsi inkişaf edirlər və preparatın istifadəsi dayandırıldıqdan sonra, aradan qalxırlar).
6 ay və daha çox müddət ərzində uzunmüddətli müalicə qəbul edən pasiyentlədə, xüsusilə yaşlı şəxslərdə, nadir hallarda xroniki ağciyər reaksiyaları müşahidə olunur. Bu reaksiyaların şiddət dərəcəsi, ilk klinik simptomlardan sonra aparılan müalicənin müddətindən asılıdır. Ağciyər
reaksiyaları ilə əlaqəli EKQ dəyişiklikləri, nadir hallarda isə sianoz, kollaps meydana çıxa bilər. Ağciyərlərin funksional pozğunluqları geri dönməyən ola bilər.
Tənəffüs sistemində baş verən pozğunluqların ilk əlamətləri meydana çıxdıqda, preparatın istifadəsini dayandırmaq lazımdır.
Dəridə və dərialtı toxumalarda baş verən pozğunluqlar: yüksək həssaslıq reaksiyaları – dəri
üzərində səpgilər, makulopapulyoz səpgilər, övrə, qaşınma; bəzi hallarda – angionevrotik ödem, anafilaksiya, tüpürcək vəzilərinin iltihabı, ekzema, eksfoliativ demartit, multiform eritema (Stivens-Conson sindromu daxil olmaqla), qurdeşənəyinəbənzər sindrom.
Qan və limfa sistemində baş verən pozğunluqlar: leykopeniya, qranulositopeniya və ya aqranulositoz, trombositopeniya, meqaloblast anemiya, aplastik anemiya, qlükoza-6- fosfatdehidrogenaza fermentinin çatışmazlığından əziyyət çəkən pasiyentlərdə hemolitik anemiya.
Sümük-əzələ sistemində baş verən pozğunluqlar: artralgiya.
Digər əlavə təsirlər: müvəqqəti alopesiya, superinfeksiya (daha tez-tez göy irin çöpünün və ya göbələklərin törətdiyi), sidiyin tünd-sarı və ya qonur rəngə boyanması.
Doza həddinin aşılması
Simptomları: yüksək dozalardan istifadə etdikdə, başgicəllənmə, ürəkbulanma, qusma meydana çıxa bilər.
Müalicəsi: preparatın istifadəsinin dayandırılması, preparatın sidiklə ekskresiyasını artırmaq üçün çox miqdar mayenin qəbul edilməsi, hemodializ, simptomatik müalicə. Spesifik antidot yoxdur. Doza həddinin aşılması simptomları meydana çıxdıqda, preparatın istifadəsini
dayandırmaq və dərhal həkimə müraciət etmək lazımdır.
Buraxılış forması
10 tablet, konturlu-yuvasız qablaşdırmada. Konturlu-yuvasız qablaşdırmalar, qutusuz dəst
qablaşdırmalara yerləşdirilir. İçlik vərəqələrin sayı qablaşdırmaların sayına müvafiq olmalıdır.
Saxlanma şəraiti
25° C-dən aşağı temperaturda, qaranlıq, quru və uşaqların əli çatmayan yerdə saxlamaq lazımdır.