Pharmed
FLUDITEK 5% 125ML SRP
FLUDITEC
Beynəlxalq patentləşdirilməmiş adı: Carbocisteine
Təsiredici maddə: 100 ml məhlulun tərkibində 5,0 q kabosistein vardır.
Köməkçi maddələr: qliserin, metilparahidroksibenzoat, saxaroza, günəş qürubu sarısı
rəngləyicisi (E 110), patentləşmiş mavi boya maddəsi V, natrium
hidroksid, karamel ətirləndiricisi, təmizlənmiş su.
Təsviri
Karamel qoxulu, yaşıl rəngli şəffaf mayedir.
Farmakoterapevtik qrupu
Bəlğəmgətirici mukolitik vasitə.
ATC kodu: R05CB03.
Farmakoloji xüsusiyyətləri
Farmakodinamikası
Karbosistein selikli sekresiyanı dəyişdirən mukolitik agentdir. O, selikli gel fazasında, çox güman ki,
qlikoproteinlərdəki disulfid bağlarını parçalayaraq, bəlğəmin çıxarılmasına müsbət təsir göstərir.
Farmakokinetikası
Ağızdan tətbiq edildikdən sonra karbosistein sürətlə sorulur, maksimal konsentrasiyaya daxilə qəbuldan
2 saat sonra çatır.
Onun biomənimsənilməsi aşağıdır, qəbul edilən dozanın 10% -dən azdır, çox güman ki, qaraciyərdən
əhəmiyyətli dərəcədə ilk keçid effekti ilə intraluminal metabolizmə görədir.
Eliminasiya (aradan qaldırılması)
Onun yarımxaricolma dövrü təxminən 2 saatdır.
Karbosistein və onun metabolitləri əsasən böyrəklər vasitəsilə xaric olunur.
İstifadəsinə göstərişlər
Bu dərman vasitəsi böyüklərdə və 15 yaşdan yuxarı yeniyetmələrdə çətin ayrılan bəlğəmlə (bronxial
sekresiyaların çətin ekspektoriyası) müşayiət olunan tənəffüs yollarının pozğunluqları zamanı istifadə
üçün göstərişdir.
Əks göstərişlər
− Karbosisteinə və preparatın digər komponentlərdən hər hansı birinə qarşı allergiyanız (yüksək
həssaslıq reaksiyalarınız) varsa;
− Aktiv qastroduodenal xora.
Xüsusi göstərişlər və ehtiyat tədbirləri
− Qatı və ya irinli bəlğəm və ya hərarətiniz varsa,
− xroniki (uzunmüddətli) bronxial və ağciyər xəstəliyiniz varsa,
− mədə və ya onikibarmaq bağırsaq xoranız varsa,
− mədə və ya bağırsaqlarda qanaxmaya səbəb olduğu məlum olan digər dərman vasitələri qəbul
edirsinizsə.
Mədə və ya bağırsaqlarda qanaxma olduğu hallarda, müalicəni dayandırmaq tövsiyə olunur.
Simptomlar pisləşərsə, müalicə davam etdirilməməlidir. Belə hallarda müalicənizi yenidən
qiymətləndirmək üçün həkiminizlə məsləhətləşin.
Digər dərman vasitələri ilə qarşılıqlı təsiri
Bu dərman vasitəsinin tərkibində karbosistein var. Tövsiyə olunan dozaları aşmamaq üçün tərkibində
karbosistein olan digər dərman preparatların eyni vaxtda istifadə etmək olmaz.
Əgər siz hər hansı digər dərman preparatlarını qəbul edirsinizsə, son zamanlarda qəbul etmisinizsə və ya
qəbul etməyi düşünürsünüzsə bu barədə həkiminizə və ya əczaçınıza məlumat verin.
Karbosisteinlə müalicə müddətində öskürəyə qarşı dərmanlar (öskürəyi dayandırmaq üçün) və ya bronxial
sekresiyanı qurudan dərman preparatları qəbul etməyin.
Hamiləlik və laktasiya dövründə istifadəsi
Əgər hamiləsinizsə və ya südverən anasınızsa, hamilə olduğunuzu düşünürsünüzsə və ya uşaq sahibi
olmağı planlaşdırırsınızsa, bu dərman vasitəsini qəbul etməzdən əvvəl həkiminizə və ya əczaçıya müraciət
edin.
Bu dərman preparatı hamiləlik dövründə yalnız həkiminiz tərəfindən tövsiyə olunduğu halda istifadə
edilməlidir. Bu dərman vasitəsini qəbul edərkən südverməni davam etdirmək mümkündür.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Tətbiq olunmur.
FLUDİTEK 5% şərbətin tərkibində saxaroza, metil parahidroksibenzoat (E218), natrium və gün batımı
sarısı (E110) var.
Bu dərman vasitəsinin tərkibində hər 15 ml şərbətdə 5,25 q saxaroza (şəkər) var. Şəkərli diabetli
pasiyentlərdə bu nəzərə alınmalıdır. Əgər həkiminiz bəzi şəkərlərə qarşı dözümsüz olduğunuzu bildiribsə,
bu dərman vasitəsini qəbul etməzdən əvvəl həkiminizlə əlaqə saxlayın.
Bu dərman vasitəsinin tərkibində allergik reaksiyalara səbəb ola biləcək (ehtimal ki, gecikmiş)
metilparahidroksibenzoat (E218) və azo-boya günəş qürubu sarısı var.
Bu dərman vasitəsinin tərkibində hər 15 ml dozada 100 mq (yeməklərin əsas komponenti/xörək duzu)
natrium var. Bu, böyüklər üçün tövsiyə olunan maksimum gündəlik natrium qəbulunun 5%-nə bərabərdir.
İstifadə qaydası və dozası
Daxilə qəbul üçün nəzərdə tutulub.
Gündə 3 dəfə mümkün qədər yeməkdən 1 saat əvvəl və ya yeməkdən 2 saat sonra 15 ml istifadə edilir.
Həkim məsləhəti olmadan müalicəni 5 gündən artıq davam etdirmək olmaz.
15 ml şərbətin tərkibində 750 mq karbosistein vardır.
Əlavə təsirləri
Əlavə təsirlərin tezliyi aşağıdakı parametrlərlə təyin edilir: çox tez-tez (≥1/10); tez-tez (≥1/100 - <1/10);
bəzən (≥1/1000 - <1/100); nadir hallarda (≥1/10000 - <1/1000); çox nadir hallarda (<1/10000); məlum
deyil (əldə olan məlumatlar görə tezliyi qiymətləndirmək mümkün deyil).
Bütün dərman vasitələri kimi FLUDİTEK 5% şərbəti də hamıda rastlanmasa da, əlavə təsirlərin
yaranmasına səbəb ola bilər.
− Mədə ağrısı, ürəkbulanma, qusma, ishal kimi mədə-bağırsaq pozğunluqları. Belə hallarda dozanı
azaltmaq tövsiyə olunur.
− Mədə və ya bağırsaqlardan qanaxma ehtimalı. Bu hallarda müalicə dayandırılmalıdır.
− Qaşınma, dəridə ləkələr və ya sızanaqlar şəklində səpgilər, övrə, üz və/və ya boyunda şişkinlik kimi
tənəffüs çətinliyinə səbəb ola bilən və pasiyent üçün təhlükəli ola bilən (angioödem) allergik dəri
reaksiyaları. Belə hallarda müalicəni dayandırmaq və dərhal həkimə müraciət etmək lazımdır.
− Dərini rəngləndirə bilən qəhvəyi və ya bənövşəyi rəngli ləkələrin qabarması (fiksə edilmiş dərman
səpgisi). Belə hallarda dərhal həkimə müraciət etmək lazımdır.
− Ağız boşluğuna da təsir edə biləcək dəri səthində bəzən qabarcıqlar (eritema multiform), bütün bədənə
yayıla bilən və pasiyent üçün təhlükə yarada bilən dərinin soyulması ilə müşayiət olunan suluqlu
səpgilər (Stivens-Conson sindromu).
Şübhəli əlavə təsirlər barədə məlumatların bildirilməsi
Əgər sizdə hər hansı əlavə təsirlər yaranarsa, bu barədə həkiminizlə və ya əczaçınızla danışın. Bunlara bu
içlik vərəqədə qeyd olunmayan hər hansı mümkün əlavə təsirlər daxildir. Siz həmçinin əlavə təsirlər
barədə birbaşa milli hesabat sistemi vasitəsilə məlumat verə bilərsiniz. Yan təsirlər barədə bildirişlər
verməklə siz bu dərmanın təhlükəsizliyi haqqında daha çox məlumat verməyə kömək edə bilərsiniz.
Doza həddinin aşılması
Tətbiq edilmir.
Buraxılış forması
125 ml məhlul flakonda. 1 flakon ölçü stəkanı və içlik vərəqə ilə birlikdə karton qutuya qablaşdırılır.
Saxlanma şəraiti
25ºС temperaturdan yüksək olmayan və uşaqların əli çatmayan yerdə saxlamaq lazımdır.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
UNITHER LIQUID MANUFACTURING (ULM), France.
1-3 Allée de la Neste ZI d'En Sigal 31770 Colomiers France.
INNOTHERA CHOUZY, France.
Rue René Chantereau, Chouzy –sur-Cisse, 41150 Valloire-sur-Cisse, France.
Qeydiyyat vəsiqəsinin sahibi
Laboratoire Innotech International, France.
22 Avenue Aristide Briand 94110 Arcueil, France.
İradları qəbul edən təşkilat
MMC “INNOTECH”.
71 Sadovniçeskaya sahili, Moskva 115035.
Telefon: 8 800 250 17 38.
e-poçt: innotech@innotech.ru
www.innotech.ru