Pharmed

ENGISTOL N50 TB

ENGİSTOL

ENGİSTOL Tərkibi

Təsiredici maddələr: 1 tabletin tərkibində vardır: Vincetoxicum hirundinaria D6 75 mq, Vincetoxicum hirundinaria D10 75 mq, Vincetoxicum hirundinaria D30 75 mq, Sulfur (kükürd) D4 37,5 mq, Sulfur D10 37,5 mq. Köməkçi maddələr: maqnezium stearat. 

Farmakoterapevtik qrupu

Homeopatik dərman vasitəsi. Digər terapevtik məhsullar

ATC kodu:V03AX.

İstifadəsinə göstərişlər

Qrip və digər şübhəli virus infeksiyalarında qeyri-spesifik müdafiə mexanizmini aktivləşdirmək üçün.

Əks göstərişlər

Preparatın tərkibində olan bir və ya bir neçə komponentə qarşı allergiya (yüksək həssaslıq).

Xüsusi göstərişlər və ehtiyat tədbirləri

Bu preparatın tərkibində laktoza var. Əgər sizdə bəzi şəkərlərə dözümsüzlük müşahidə olunmuşdursa, bu preparatı qəbul etməzdən əvvəl öz həkiminizlə məsləhətləşin. Əgər simptomlar davam edərsə və ya pisləşərsə həkimlə və ya əczaçı ilə məsləhətləşin.

Digər dərman vasitələri ilə qarşılıqlı təsiri

Məlum deyil.

Hamiləlik və laktasiya dövründə istifadəsi

Bu preparatda təqdim olunan homeopatik durulaşmış maddələrin hamiləlik və laktasiya dövründə toksik təsiri haqda məlumat yoxdur. Bütün dərman vasitələri kimi, hamiləlik və laktasiya dövründə bu preparatı istifadə etməzdən öncə müalicə həkimi ilə məsləhətləşin.

ENGİSTOL İstifadə qaydası və dozası

Adi hallarda gündə 3 dəfə 1-3 tableti ağızda həll edərək qəbul etmək lazımdır.

Əlavə təsirləri

Bütün dərman vasitələri kimi, bu homeopatik preparat da əlavə təsirlərə səbəb ola bilər, lakin bu hamıda müşahidə olunmur. Ayrı-ayrı hallarda keçici dəri reaksiyaları (məs., səpgi, qaşınma və ya eritema) və mədə-bağırsaq şikayətləri (məs., abdominal ağrı və ya diskomfort) bildirilmişdir.

Buraxılış forması

50 və ya 250 tablet, flakonda. 1 flakon içlik vərəqə ilə birlikdə karton qutuya qablaşdırılır.

Aptekdən buraxılma şərti

Reseptsiz buraxılır.