Pharmed
DOPROKIN-S 60ML SUSP
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“____ ”____________ 2020-ci il
Dərman vasitəsinin istifadəsi üzrə təlimat (xəstələr üçün)
DOPROKİN-S daxilə qəbul edilən suspenziya
DOPROKIN-S
Beynəlxalq patentləşdirilməmiş adı: Domperidone + Simethicone
Tərkibi
Təsiredici maddələr: 1 ml suspenziyanın tərkibində 1 mq domperidon, 4 mq simetikon
vardır.
Köməkçi maddələr: saxaroza, limon turşusu monohidrat, kristallaşmayan sorbitol məhlulu,
natrium karmelloza, “Ananas” aromatizatoru, polisorbat 80, natrium
metilparahidroksibenzoat, natrium propilparahidroksibenzoat, titan
dioksid, təmizlənmiş su.
Təsviri
Ananas ətirli, ağ rəngli suspenziyadır.
Farmakoterapevtik qrupu
Mədə-bağırsağın funksional pozğunluqları zamanı istifadə olunan vasitələr.
ATC kodu: A03.
Farmakoloji xüsusiyyətləri
Farmakodinamikası
Doprokin-S- qusmaəleyhinə preparat, mədə-bağırsaq traktı motorikasının stimulyatorudur.
Domperidon- qusmaəleyhinə xüsusiyyətlərə malik, dofamin antaqonistidir. Domperidon
hematoensefalik baryerdən (HEB) pis keçir. Domperidonun istifadəsi çox nadir halda
ekstrapiramid pozulmalarla müşayiət olunur, xüsusən böyüklərdə, lakin domperidon hipofiz
tərəfindən prolaktinin ifraz olunmasını stimulə edir. Onun qusmaəleyhinə təsiri periferik
(qastrokinetik) təsiri və HEB hüdudlarından kənarda area postrema-da yerləşən
hemoreseptor trigger zonada dofamin reseptorlarına qarşı antaqonizm ilə şərtlənir. Heyvanlar
üzərində tədqiqatlar, həmçinin baş beyində aşkar olunan preparatın kiçik konsentrasiyaları
domperidonun dofamin reseptorlarına qarşı əsasən periferik təsirinin olmasını göstərmişdir.
Daxilə qəbulu zamanı insanda domperidon qida borusunun aşağı sfinkterinə təzyiqi artırır,
antroduodenal motorikanı yaxşılaşdırır və mədənin boşalmasını sürətləndirir. Domperidon
mədə sekresiyasına təsir göstərmir.
Simetikon səthi-aktiv xüsusiyyətlərə malikdir, bağırsaqda qazların miqdarını azaldır. Həzm
traktında qaz qabarcıqlarının səthi gərilməsini azaldır, onların partlamasına gətirib çıxarır;
qabarcıqların dağılması zamanı azad olunan qazlar bağırsaq divarı tərəfindən sorulur və ya
peristaltikanın hesabına xaric olunurlar.
Farmakokinetikası
Domperidon daxilə qəbul edildikdən sonra sürətlə absorbsiya olunur, qan plazmasında
maksimal konsentrasiyaya (C max) təxminən 1 saat sonra çatır. Domperidonun Cmax və
AUC göstəriciləri 10 mq-dan 20 mq-a qədər doza diapazonunda dozaya mütənasib olaraq
artır. Domperidonun gündə 4 dəfə (hər 5 saatdan bir) 4 gün ərzində qəbulu zamanı
domperidonun AUC-un 2-3 dəfə artması müşahidə olunmuşdur.
Baxmayaraq ki, sağlam insanlarda preparatın yeməkdən sonra qəbulu zamanı domperidonun
biomənimsənilməsi artır, mədə-bağırsaq traktı (MBT) tərəfindən şikayətləri olan xəstələr
domperidonu yeməkdən 15-30 dəqiqə əvvəl qəbul etməlidirlər. Mədə şirəsinin turşuluğunun
azalması domperidonun sorulmasının azalmasına gətirib çıxarır. Əvvəl simetidin və natrium
bikarbonatın qəbulu edilməsilə daxilə qəbulu zamanı biomənimsənilmə azalır.
Domperidon qanın plazma zülalları ilə 91-93% birləşir. Radioaktiv izotopla nişanlanmış
preparatın istifadəsilə heyvanlar üzərində aparılan paylanma tədqiqatları preparatın
toxumalarda geniş paylanmasını, lakin baş beyində aşağı konsentrasiyanı göstərmişdir.
Preparatın az miqdarı siçovullarda plasentadan keçir.
Domperidon hidroksilləşmə və N-dealkilləşmə yolu ilə qaraciyərdə sürətli və ekstensiv
metabolizmə məruz qalır. Diaqnostik inhibitorların istifadəsilə metabolizmin in vitro
tədqiqatları göstərmişdir ki, domperidonun N-dealkilləşməsində iştirak edən CYP3A4
izofermenti sitoxrom P450-nin əsas formasıdır, bu zaman domperidonun aromatik
hidroksilləşməsi prosesində isə CYP3A4, CYP1A2 vəCYP2E1 izofermentləri iştirak edir.
Preparatın daxilə qəbulu zamanı sidiklə və nəcislə xaricolma dozanın müvafiq olaraq 31% və
66%-ni təşkil edir. Dəyişilməmiş şəkildə xaric olunan preparatın payı isə azdır (10%-nəcislə
və təxminən 1%- sidiklə). Qan plazmasından yarımxaricolma dövrü birdəfəlik qəbuldan
sonra sağlam insanlarda 7-9 saat təşkil edir, lakin ağır böyrək çatışmazlığı olan xəstələrdə
(kreatinin klirensi <30 ml/dəq/1,73m2
) bu artır. Belə xəstələrdə domperidonun
yarımxaricolma dövrü 7,4-dən 20,8 saata qədər artır, lakin preparatın plazmada
konsentrasiyaları böyrəklərin funksiyası normal olan insanlara nisbətən aşağı olur.
Orta ağırlıq dərəcəli qaraciyər çatışmazlığı olan xəstələrdə (7-9 ball qiymətləndirmə, Çayld-
Pyu şkalası üzrə B sinif) domperidonun AUC və Cmax müvafiq olaraq sağlam insanlara
nisbətən 2,9 və 1,5 dəfə yüksəkdir. Sərbəst fraksiya 25% yüksəlir, son yarımxaricolma dövrü
isə 15-dən 23 saata qədər artır. Qaraciyər funksiyasının yüngül pozulması olan xəstələrdə
sistem təsir bir qədər azalır, zülallarla birləşmə və ya son yarımxaricolma dövrü dəyişmədən.
Qaraciyər funksiyasının ağır pozulması olan xəstələr üçün məlumatlar yoxdur.
Uşaqlar üçün farmakokinetik məlumatlar yoxdur.
Simetikon bağırsaq boşluğunda paylanır, orqanizmdə metabolizə olunmur və nəcislə
dəyişilməmiş şəkildə xaric olunur.
İstifadəsinə göstərişlər
Ürəkbulanma və qusma simptomlarının yüngülləşdirilməsi.
Əks göstərişlər
- preparatın komponentlərinə qarşı yüksək həssaslıq;
- hipofizin prolaktin-sekresiyaedici şişi (prolaktinoma);
- mədə-bağırsaq qanaxması, mexaniki keçməməzlik və ya perforasiya, bu zaman mədənin
hərəki funksiyasının stimulyasiyası təhlükəli ola bilər;
- orta və ağır dərəcəli qaraciyər funksiyasının pozulmaları;
- ürək ötürücülük intervallarının, xüsusən QTc məlum uzanması, elektrolit balansının
əhəmiyyətli dərəcədə pozulmaları və ya yanaşı ürək xəstəlikləri, məsələn, durğunluq ürək
çatışmazlığı;
- eyni vaxtda QT intervalını uzadan preparatlar ilə qəbulu;
- eyni vaxtda güclü CYP3A4 inhibitorları ilə istifadəsi (onların QT intervalını uzatması
qabiliyyətindən asılı olmayaraq).
Xüsusi göstərişlər və ehtiyat tədbirləri
Böyrəklərin funksiyasının pozulması
Böyrəklərin funksiyasının ağır pozulmaları zamanı domperidonun yarımxaricolma dövrü
uzandığı üçün, təkrar istifadəsi zamanı pozulmaların ağırlığından asılı olaraq preparatın qəbul
tezliyi gündə 1-2 dəfəyə qədər azaldılmalıdır, həmçinin dozanın azaldılması tələb oluna bilər.
Ürək-damar sisteminə təsiri
Domperidon elektrokardioqrammada QT intervalının uzanmasını yaratmışdır. Domperidon
qəbul edən xəstələrdə çox nadir QT intervalının uzanması və “piruet” tipli mədəcik
taxikardiyası hadisələri qeyd olunmuşdur. Belə hadisələr risk amilləri, elektrolit balansının
pozulmaları olan və yanaşı müalicə alan xəstələrdə müşahidə olunmuşdur.
Epidemioloji tədqiqatlar göstərmişdir ki, domperidon ciddi mədəcik aritmiyaları və qəfləti
ürək ölümü riskinin yüksəlməsi ilə əlaqəli olmuşdur. Daha yüksək risk 60 yaşdan yuxarı
xəstələrdə, gündəlik 30 mq-dan artıq dozalar qəbul edən xəstələrdə, və eyni vaxtda QT
intervalını uzadan və ya CYP3A4 inhibitorları qəbul edən xəstələrdə müşahidə olunmuşdur.
Böyüklərdə və uşaqlarda domperidonu ən kiçik effektiv dozada istifadə etmək lazımdır.
Ürək ötürücülüyü intervalının, xüsusən QTc məlum uzanması olan xəstələrə, elektrolit
balansının dəyərli pozulmaları olan xəstələrə (hipokaliemiya, hiperkaliemiya,
hipomaqniemiya) və ya bradikardiyalı, və ya durğunluq ürək çatışmazlığı kimi ürəyin yanaşı
xəstəlikləri olan xəstələrdə mədəcik aritmiyasının yaranması riski yüksək olduğu üçün
domperidon əks göstərişdir. Məlumdur ki, elektrolit balansının pozulmaları və ya
bradikardiya proaritmik riski yüksəldir.
Əgər ürək aritmiyası ilə əlaqədar əlamətlər və ya simptomlar yaranarsa domperidon ilə
müalicəni dayandırmaq lazımdır və xəstələr həkimə müraciət etməlidirlər.
Xəstələr ürək tərəfindən yaranan hər-hansı simptomlar barədə dərhal həkimə məlumat
verməlidirlər.
İstifadəsi zamanı ehtiyat tədbirləri
Daxilə qəbul edilən suspenziyanın tərkibində sorbitol var və bu sorbitola qarşı dözümsüzlüyü
olan xəstələr üçün yararsız ola bilər.
Digər dərman vasitələri ilə qarşılıqlı təsiri
Doprokin-S preparatının və antasidlərin və ya antisekretor preparatların yanaşı istifadəsi
zamanı sonuncuları domperidon ilə eyni vaxtda qəbul etmək olmaz, yəni onları yeməkdən
sonra qəbul etmək lazımdır, yeməkdən əvvəl deyil.
Levodopa ilə birgə istifadəsi
Baxmayaraq ki, levodopanın dozasının korreksiyası lazımi hesab olunmur, əgər domperidon
levodopa ilə eyni vaxtda qəbul edilirsə, plazmada konsentrasiyanın artması müşahidə olunur
(maksimum 30%-40%).
Domperidonun metabolizmində əsas rolu CYP3A4 izofermenti oynayır. İn vitro tədqiqatlar
əsasında ehtimal etmək olar ki, bu fermenti dəyərli dərəcədə inhibə edən dərman
preparatlarının yanaşı istifadəsi plazmada domperidonun səviyyəsinin yüksəlməsinə gətirib
çıxara bilər.
Farmakodinamik və/və ya farmakokinetik qarşılıqlı təsiri səbəbindən QT intervalının
uzanması riski yüksəkdir.
Əks göstəriş olan kombinasiyalar
- QTc intervalını uzadan dərman vasitələri (“piruet” tipli mədəcik taxikardiyası riski): IA
antiaritmik preparatlar (məsələn, amiodaron, dofetilid, dronedaron, ibutilid, sotalol), bəzi
neyroleptiklər (məsələn, haloperidol, pimozid, sertindol), bəzi antidepressantlar (məsələn,
sitalopram, escitalopram), bəzi antibiotiklər (məsələn, eritromisin, levofloksasin,
moksifloksasin, spiramisin), bəzi göbələkəleyhinə vasitələr (məsələn, flukonazol,
pentamidin), bəzi malyariyaəleyhinə vasitələr (əsasən, halofantrin, lümefantrin), bəzi mədə-
bağırsaq preparatları (məsələn, sizaprid, dolasetron, prukaloprid), bəzi antihistamin
preparatlar (məsələn, mekvitazin, mizolastin), xərçəngin müalicəsində istifadə olunan bəzi
dərman vasitələri (məsələn, toremifen, vandetanib, vinkamin), bəzi digər dərman vasitələri
(məsələn, bepridil, difmanil, metadon);
- güclü CYP3A4 inhibitorları (onların QT intervalını uzatması qabiliyyətindən asılı
olmayaraq): proteaza inhibitorları (məsələn, ritonavir, sakvinavir, telaprevir), sistem təsirli
azol göbələkəleyhinə preparatlar (məsələn, itrakonazol, ketokonazol, pozakonazol,
vorikonazol), bəzi makrolidlər (məsələn, klaritromisin, telitromisin).
Məsləhət görülməyən kombinasiyalar
- orta dərəcəli CYP3A4 inhibitorları (diltiazem, verapamil və bəzi makrolidlər).
İstifadəsi ehtiyatla icazə verilən kombinasiyalar:
- bradikardiya və hipokaliemiya yaradan preparatlar;
• QT intervalının uzanmasında iştirak edən makrolidlər: azitromisin və roksitromisin
(klaritromisin əks göstərişdir, çünki o güclü CYP3A4 inhibitoru hesab olunur).
Yuxarıda sadalanan maddələr tam siyahı deyildir.
Hamiləlik və laktasiya dövründə istifadəsi
Hamilə qadınlarda domperidonun istifadəsi barədə məhdud postmarketinq məlumatlar
mövcuddur. Heyvanlar üzərində tədqiqatlar ana orqanizmi üçün toksiki, yüksək dozalarda
reproduktiv toksikliyi göstərmişdir. İnsan üçün potensial riski məlum deyildir. Beləliklə,
Doprokin-S suspenziyanın hamiləlik zamanı istifadəsi yalnız o zaman mümkündür ki, onun
ehtimal edilən terapevtik effekti ilə əsaslanmış olsun.
Domperidon ana südü ilə xaric olunur, və ana südü ilə qidalanan körpələr ananın qəbul
etdiyi dozanın 0,1%-dən az qəbul edirlər. Ana südündən keçən preparatın təsirindən sonra
əlavə təsirlərin yaranması istisna olunmur, xüsusən ürək tərəfindən. Uşaq üçün südlə
qidalanmanın üstünlükləri və qadın üçün terapiyanın faydası nəzərə alınmaqla ana südü ilə
qidalandırmanın dayandırılması və ya domperidon ilə terapiyanın dayandırılması/saxlanması
barədə qərar qəbul etmək lazımdır. Südəmər uşaqlarda QTc intervalının uzanması riski
faktorları olduqda ehtiyatlı olmaq lazımdır.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə
təsiri
Domperidonun istifadəsindən sonra başhərlənmə və yuxululuq müşahidə olunmuşdur, bu
səbəbdən xəstələrə Doprokin-S- in onlara necə təsir göstərməsi müəyyən olunana qədər
avtomobil idarə etmək, mexanizmlərlə işləmək və yüksək diqqət və koordinasiya tələb edən
digər fəaliyyət növləri ilə məşğul olmaq məsləhət görülmür.
İstifadə qaydası və dozası
Daxilə qəbul edilən suspenziya.
İstifadədən əvvəl suspenziya olan flakonu çalxalamaq lazımdır. Suspenziyanın dozalanması
üçün ölçü stəkanından istifadə olunur, stəkan bir tərəfindən 2,5 ml, 5 ml, 7,5 ml, 10 ml, 15 ml
və 20 ml, digər tərəfindən isə - 1,25 ml, 6,25 ml, 8,75 ml, 11,25 ml, 13,75 ml və 16,25 ml ilə
şkalaya bölünmüşdür.
Preparatı ürəkbulanmanın və qusmanın nəzarət olunması üçün lazım olan minimal effektiv
dozada maksimal qısa müddət ərzində istifadə etmək lazımdır. Doprokin-S yeməkdən əvvəl
qəbul edilməsi tövsiyyə olunur, onun yeməkdən sonra qəbulu zamanı domperidonun
absorbsiyası ləngiyir.
Xəstələr çalışmalıdır preparatı planlaşdırılmış vaxtında qəbul etsinlər. Dozanın buraxılması
zamanı növbəti dozanı cədvələ uyğun şəkildə qəbul etməlidirlər, bununla belə buraxılan
dozanın bərpası üçün dozanı ikiqat artırmaq olmaz.
Bir qayda olaraq, müalicənin davametmə müddəti 1 həftədən çox olmur.
Böyüklər və yeniyetmələr (12 yaş və yuxarı, bədən kütləsi 35 kq və daha artıq)
10 ml suspenziya gündə 3 dəfə; maksimal doza- gündə 30 ml.
12 yaşa qədər uşaqlar və bədən kütləsi 35 kq-dan az olan yeniyetmələr
Doza 0,25 ml suspenziya hər 1 kq bədən kütləsinə gündə 3 dəfə minimum 4-6 saat intervalla
təşkil edir; maksimal doza – gündə 0,75 ml hər 1 kq bədən kütləsinə təşkil edir.
Qaraciyər funksiyasının pozulması olan xəstələr
Doprokin-S orta və ağır dərəcəli qaraciyər funksiyasının pozulmaları zamanı əks göstərişdir.
Qaraciyər funksiyasının yüngül pozulmaları zamanı dozanın korreksiyası tələb olunmur.
Böyrəklərin funksiyasının pozulmaları olan xəstələr
Domperidonun yarımxaricolma dövrü böyrək funksiyasının ağır pozulmaları zamanı artdığı
üçün təkrar istifadəsi zamanı preparatın qəbul tezliyi gündə 1-2 dəfəyə qədər azaldılmalıdır,
pozulmaların ağırlığından asılı olaraq həmçinin dozanın azaldılması tələb oluna bilər.
Uşaqlar
Baxmayaraq ki, nevroloji əlavə təsirlər nadir halda baş verir, kiçik yaşlı uşaqlarda onların
inkişaf etməsi riski daha yüksək olur, belə ki, həyatın ilk aylarında metabolik funksiyalar və
hematoensefalik baryer tam inkişaf etmiş olmur. Yenidoğulmuşlara, körpələrə və uşaqlara
Doprokin-S preparatının dozasını çox dəqiqliklə hesablamaq lazımdır.
Doza həddinin aşılması uşaqlarda ekstrapiramid pozğunluqlar yarada bilər, lakin belə
dəyişikliklərin ehtimal olunan digər səbəblərini də nəzərə almaq lazımdır.
Preparat bədən çəkisi 10 kq-dan yuxarı olan uşaqlarda pediatrik praktikada istifadə edilir
(preparatın dozasını 2,5 ml az olmayaraq dozalara ayırma mümkünsüzlüyü səbəbindən).
Əlavə təsirləri
Əlavə təsirlərin tezlik parametrləri aşağıdakı şəkildə müəyyən olunur: çox tez-tez (≥1/10); tez-
tez (≥1/100,lakin<1/10); bəzən (≥1/1000,lakin<1/100); nadir (≥1/10000,lakin<1/1000); çox
nadir (<1/10000); tezliyi məlum deyil ( əldə olan məlumatlara əsasən qiymətləndirmək
mümkün deyil).
İmmun sistemə: tezliyi məlum deyil- anafilaktik reaksiyalar (anafilaktik şok daxil olmaqla).
Psixi pozulmalar: bəzən- libidonun azalması, həyəcanlılıq, ajiataj, əsəbilik.
Sinir sisteminə: bəzən- başgicəllənmə, yuxululuq, başağrısı, ekstrapiramid pozulmalar;
tezliyi məlum deyil- narahat ayaqlar sindromu (Parkinson xəstəliyi olan xəstələrdə narahat
ayaqlar sindromunun kəskinləşməsi), qıcolmalar. Ekstrapiramid pozğunluqlar əsasən
yenidoğulmuşlarda və körpələrdə olur. Mərkəzi sinir sistemi ilə əlaqədar digər reaksiyalar
(konvulsiyalar, ajiataj və yuxululuq) həmçinin əsasən yenidoğulmuşlarda və körpələrdə rast
gəlinir.
Görmə orqanına: tezliyi məlum deyil – okulogir kriz.
Ürək-damar sisteminə: tezliyi məlum deyil- mədəcik aritmiyası, QT intervalının uzanması,
“piruet” tipli mədəcik taxikardiyası, qəflətən ürək ölümü.
MBT-ə: tez-tez- ağızda quruluq; bəzən – diareya.
Dəriyə və dərialtı toxumalara: bəzən- səpgi, qaşınma, övrə; tezliyi məlum deyil –
angionevrotik ödem.
Böyrəklərə və sidikçıxarıcı yollara: tezliyi məlum deyil- sidiyin ləngiməsi.
Reproduktiv sistemə və süd vəzilərinə: bəzən- qalaktoreya, süd vəzilərində ağrı, süd
vəzilərinin ağrılı həssaslığı; tezliyi məlum deyil- ginekomastiya, amenoreya.
Ümumi pozğunluqlar: bəzən- asteniya.
Laborator və instrumental müayinələrin nəticələrinə təsiri: tezliyi məlum deyil – qaraciyərin
funksiyasının laborator göstəricilərində kənaraçıxmalar, qanda prolaktin səviyyəsinin
yüksəlməsi.
Şübhəli əlavə təsirlər barədə məlumatın verilməsi
Dərman vasitəsinin qeydiyyata alınmasından sonra şübhəli əlavə təsirlər barədə məlumatın
verilməsi çox vacibdir. Xəstədə dərman vasitəsinə qarşı ciddi əlavə təsir aşkar olunduqda və
ya bu bənddə təsvir edilməyən yeni əlavə təsir yarandıqda xahiş olunur bu barədə Milli
Farmakonəzarət Sisteminə məlumat verəsiniz.
Doza həddinin aşılması
Simptomları: ajiataj, huşun dəyişilmiş vəziyyəti, qıcolmalar, dezorientasiya, yuxululuq və
ekstrapiramid reaksiyalar.
Müalicəsi: simptomatikdir, spesifik antidotu yoxdur. Mədənin yuyulması, aktivləşdirilmiş
kömür qəbulu faydalı ola bilər. Diqqətli tibbi nəzarət və dəstəkləyici terapiya tövsiyyə
olunur. QTc intervalının uzanması mümkün olduğu üçün EKQ monitorinq aparmaq lazımdır.
Antixolinergik, parkinsonizməleyhinə preparatlar ekstrapiramid pozğunluqlar yaranan zaman
effektiv ola bilər.
Buraxılış forması
60 ml suspenziya, sarı şüşədən hazırlanmış, burulub bağlanan plastik qapaqlı flakonda. 1
flakon, ölçü stəkanı və içlik vərəqə ilə birlikdə karton qutuya qablaşdırılır.
Saxlanma şəraiti
25°С-dən yuxarı olmayan temperaturda və uşaqların əli çatmayan yerdə saxlamaq lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Flakon açıldıqdan sonra preparatı 15 gün ərzində istifadə etmək lazımdır.
Aptekdən buraxılma şərti
Resept əsasında buraxılır.
İstehsalçı
“Vörld Medisin İlaç San.Və Tic. A.Ş.”, Türkiyə.