Pharmed

DIKLOFENAK 100MG N20 TB (SERB)

TƏSDİQ EDİLMİŞDİR 
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
 
 “_____”__________ 2020-ci il
 Dərman vasitəsinin istifadəsi üzrə təlimat (xəstələr üçün)
DİKLOFENAK uzunmüddətli təsirə malik örtüklü tabletlər 
DICLOFENAC 
Beynəlxalq patentləşdirilməmiş adı: Diclofenac 
Tərkibi
Təsiredici maddə: 1 tabletin tərkibində 100 mq diklofenak natrium vardır. 
Köməkçi maddələr:saxaroza, setil spirti, susuz kolloidal silisium dioksid, talk, povidon K-25, 
 maqnezium stearat.
Örtük: hipromelloza, titan dioksid (E 171) CI 77891, talk, polisorbat 80, makroqol 
 6000, ponso boya maddəsi (ponso 4R (E 124)), qəhvəyi rəngli boya maddəsi 
 (günəş qürubu sarısı boya maddəsi (E110) + azorubin boya maddəsi (E122) + 
 brilyant qarası boya maddəsi (E151)), günəş qürubu boya maddəsinin 
 əsasında alüminium lakı (E110).
Təsviri 
Dairəvi formalı, hər iki tərəfi qabarıq, çəhrayı rəngli örtüklü tabletlərdir; eninə kəsikdə nüvə 
ağdan demək olar ki, ağ rəngə qədərdir.
Farmakoterapevtik qrupu 
Qeyri-steroid iltihabəleyhinə preparat (QSİƏP). 
ATC kodu: М01АВ05. 
Farmakoloji xüsusiyyətləri 
Farmakodinamikası 
Fenilasetat turşusunun törəməsi olan, qeyri-steroid iltihabəleyhinə preparatdır (QSİƏP). 
Diklofenak iltihabəleyhinə, ağrıkəsici, antiaqreqant və qızdırmasalıcı təsirlərə malikdir. 
Siklooksigenaza 1 və 2 (SOG1 və SOG2) fermentlərini qeyri-selektiv tormozlayaraq, araxidon 
turşusunun metabolizminə pozucu təsir göstərir, iltihab ocağında prostaqlandinlərin miqdarını 
aşağı salır. İltihab nəticəsində inkişaf edən ağrılar zamanı daha çox effektivdir. 
Revmatik xəstəliklər zamanı, diklofenakın iltihabəleyhinə və analgeziyaedici təsirləri, oynaq 
ağrısının şiddətinin, oynaqların səhər sərtliyinin və şişkinliyinin azalmasına səbəb olur ki, bu da 
oynaqların funksional vəziyyətinin yaxşılaşmasına gətirib çıxarır. Zədələnmələr zamanı, 
əməliyyatdan sonrakı dövrdə diklofenak ağrı hissinin və iltihab ödeminin azalmasına səbəb olur. 
Farmakokinetikası 
Absorbsiyası
Preparat sürətlə və tam absorbsiya olunur, qida qəbulu absorbsiya sürətini 1-4 saat ləngidir və 
preparatın maksimal konsentrasiyasını (Cmax) 40 % aşağı salır. 100 mq Cmax dozada peroral yolla 
istifadə edildikdən sonra, Cmax 4-5 saatdan sonra əldə olunur və 0,5 mkq/ml təşkil edir. Qan plazmasında preparatın konsentrasiyası, yeridilən dozanın miqdarından xətti asılıdır. 
Preparatın dəfələrlə təkrar istifadəsi fonunda diklofenakın farmakokinetikasında heç bir 
dəyişiklik qeyd olunmur. Preparatın istifadəsi arasında tövsiyə olunan zaman intervalına riayət 
etdikdə, kumulyasiya müşahidə olunmur. 
Biomənimsənilməsi 50 % təşkil edir. Qan plazmasının zülaları ilə birləşməsi 99 %-dən yüksəkdir 
(preparatın əksər hissəsi albuminlərlə birləşir). Sinovial maye daxilinə nüfuz edir; qan 
plazmasına nisbətən, sinovial mayedə Cmax 2-4 saat gec müşahidə olunur. Sinovial mayedən 
yarımxaricolma dövrü (T1/2) 3-6 saat təşkil edir (preparatın istifadəsindən 4-6 saat sonra, 
plazmaya nisbətən, sinovial maye daxilində aktiv maddənin konsentrasiyası daha yüksəkdir və 
növbəti 12 saat müddətində yüksək saxlanılır). Preparatın sinovial maye daxilində 
konsentrasiyasının preparatın klinik effektivliyi ilə əlaqəsi müəyyən edilməmişdir. 
Metabolizmi
Aktiv maddənin 50 %-i qaraciyərdən “ilk keçid” zamanı metabolizmə məruz qalır. Preparatın 
metabolizmi, qlükuron turşusu ilə dəfələrlə təkrar və ya bir dəfə hidroksilləşmə və konyuqasiya 
nəticəsində baş verir. Preparatın metabolizmində CYP2C9 izofermenti iştirak edir. Diklofenaka 
nisbətən, metabolitlərin farmakoloji aktivliyi daha aşağıdır. 
Sistem klirens təxminən 260±50 ml/dəqiqədə təşkil edir, paylanma həcmi – 550 ml/kq-dır. Qan 
plazmasından T1/2-i orta hesabla təxminən 2,5 saat təşkil edir. Yeridilən dozanın 65 %-i 
metabolitlər şəklində böyrəklər vasitəsi ilə xaric olunur; preparatın 1 %-dən azı dəyişilməmiş 
halda, dozanın qalan hissəsi isə metabolitlər şəklində öd vasitəsi ilə xaric olunur. 
Ağır dərəcəli böyrək çatışmazlığından əziyyət çəkən pasiyentlərdə (kreatinin klirensi (KK) 10 
ml/dəqiqədən aşağı) metabolitlərin ödlə xaricolması artır və bu zaman, qanda onların 
konsentrasiyalarının yüksəlməsi müşahidə olunmur. 
Xroniki hepatitdən və ya kompensasiya olunmuş qaraciyər sirrozundan əziyyət çəkən 
pasiyentlərdə diklofenakın farmakokinetik parametrləri dəyişmir. 
Diklofenak ana südünə nüfuz edir. 
İstifadəsinə göstərişlər 
Dayaq-hərəkət aparatı xəstəliklərinin (revmatoid artrit, psoriatik artrit, yuvenil xroniki artrit, 
ankilozlaşan spondilit (Bexterev xəstəliyi); podaqrik artrit, yumşaq toxumaların revmatik 
zədələnməsi, periferik oynaqların və onurğa sütununun osteoartrozu, o cümlədən, radikulyar 
sindromla müşayiət olunan; tendovaginit, bursit) simptomatik müalicəsi. 
Preparat, müalicə müddətində ağrını və iltihabı aradan qaldırır və ya azaldır və bu zaman, 
xəstəliyin proqressivləşməsinə heç bir təsir göstərmir. 
Yüngül və ya orta dərəcəli ağrı sindromu: nevralgiya, mialgiya, lümboişialgiya, iltihabla 
müşayiət olunan posttravmatik ağrı sindromu. Ortopedik, stomatoloji və digər kiçik 
cərrahiyyələrdə ağrı və iltihaba nəzarət.
Əks göstərişlər 
- Preparatın istənilən komponentinə (o cümlədən, digər QSİƏP-ə qarşı) qarşı 
hiperhəssaslıq;
- burun və burunətrafı boşluqların polipozunu, angionevrotik ödemi və ya övrəni 
residivləşdirən tam və ya natamam bronxial astma və asetilsalisil turşusuna və digər 
qeyri-steroid iltihabəleyhinə preparatlara qarşı dözümsüzlük (o cümlədən, anamnezdə);
- mədə və onikibarmaq bağırsağın selikli qişasının eroziv-xoralı dəyişiklikləri, aktiv mədə-
bağırsaq qanaxması;
- anamnezdə QSİƏP-in əvvəllər istifadəsi ilə əlaqəli, mədə-bağırsaq qanaxması və ya 
perforasiya. 
- mədə və ya 12-barmaq bağırsaq selikli qişasının kəskin və ya anamnezdə residivləşən 
eroziv-xoralı zədələnmələrinin/qanaxmalarının (təsdiq olunmuş iki və ya daha çox aşkar 
xoralaşma və ya qanaxma epizodu) mövcudluğu.

kəskinləşmə fazasında bağırsaq xəstəliklərinin (xoralı kolit, Kron xəstəliyi) iltihabı;
- aortokoronar şuntlamanın aparılmasından sonrakı dövr;
- hamiləliyin III trimestri, laktasiya dövrü;
- təsdiq edilmiş xroniki ürək çatışmazlığı (NYHA təsnifatı üzrə II-IV funksional sinif);
- ürəyin işemik xəstəliyi;
- periferik arteriyaların zədələnməsi və ya serebrovaskulyar pozulmalar;
- nəzarət olunmayan arterial hipertenziya;
- qanyaranmanın pozulması, hemostazın pozulması (o cümlədən, hemofiliya);
- qaraciyər çatışmazlığı və ya qaraciyərin aktiv xəstəliyi;
- böyrək çatışmazlığı, böyrəklərin proqressivləşən xəstəlikləri;
- təsdiq edilmiş hiperkaliemiya;
- saxaroza/izomaltaza defisiti, fruktozaya qarşı dözümsüzlük, qlükoza-qalaktoza 
malabsorbsiyası (preparatın tərkibində saxaroza vardır);
- 18 yaşa qədər uşaqlar.
Xüsusi göstərişlər və ehtiyat tədbirləri 
Aşağıdakı hallarda preparatı ehtiyatla istifadə etmək lazımdır
Anemiya, bronxial astma, NYHA təsnifatına əsasən, I funksional sinifə aid təsdiq olunmuş 
xroniki ürək çatışmazlığı, arterial hipertenziya, ödem sindromu, qaraciyər və ya böyrək 
çatışmazlığı (kreatinin klirensi 30-60 ml/dəqiqədə), dislipidemiya, hiperlipoproteinemiya, şəkərli 
diabet, tütündən istifadə, bağırsağın iltihabi xəstəlikləri, genişmiqyaslı cərrahi müdaxilələrdən 
sonrakı vəziyyət, induksiya olunan porfiriya, divertikulit, birləşdirici toxumanın sistem 
xəstəlikləri, hamiləlik dövrünün I-II trimestrləri. 
Anamnezdə mədə-bağırsaq xora xəstəliyinin inkişaf etməsi barədə məlumatlar, Helicobacter 
pylori infeksiyasının mövcudluğu, yaşlı pasiyentlər, QSİƏP-in uzunmüddətli istifadəsi, 
alkoqolun tez-tez istifadəsi, ağır dərəcəli somatik xəstəliklərin mövcudluğu. 
Antikoaqulyantların (məsələn, varfarinin), antiaqreqantların (məsələn, asetilsalisil turşusunun,
klopidoqrelin), peroral qlükokortikosteroidlərin (məsələn, prednizolonun), serotoninin geri 
tutulmasının selektiv inhibitorlarının (məsələn, sitalopramın, fluoksetinin, paroksetinin, 
sertralinin) istifadəsi ilə eyni zamanda aparılan müalicə. 
Mövsümi allergik rinit, burun boşluğu selikli qişasının ödemi (o cümlədən, burun polipləri), 
ağciyərlərin xroniki obstruktiv xəstəliyi, tənəffüs yollarının xroniki infeksiyaları (xüsusilə, 
allergik rinitəbənzər simptomlarla assosiasiya olunan), digər dərman preparatlarına qarşı 
allergiya müşahidə olunan pasiyentlərdə, dövr edən qanın həcminin əhəmiyyətli dərəcədə aşağı 
düşməsi qeyd olunan pasiyentlərdə diklofenakı ehtiyatla istifadə etmək lazımdır.
Arzuolunmayan halların meydana çıxma riskinin aşağı salınması məqsədi ilə preparatı, 
simptomların aradan qaldırılması üçün ən aşağı effektiv dozada və mümkün qədər qısa müddət 
ərzində istifadə etmək lazımdır. 
QSİƏP-lə, o cümlədən, diklofenakla, xüsusilə uzun müddətli terapiya və yüksək dozaların 
istifadəsilə aparılan terapiya, ciddi ürək-damar trombotik ağırlaşmaların (miokard infarktı və 
insult daxil olmaqla) inkişafı riskinin bir qədər artması ilə assosiasiya oluna bilər.
Ürək-damar hallarının (məsələn, arterial hipertenziya, hiperlipoproteinemiya, şəkərli diabet və 
siqaret çəkmə) əhəmiyyətli risk faktoru olan pasiyentlərdə tərkibində diklofenak olan preparatla 
müalicəni, yalnız ciddi müayinə və analizdən sonra başlamaq lazımdır.
Böyrək axınının dəstəklənməsində prostaqlandinlərin vacib rolu olduğu üçün preparatı, ürək və 
ya böyrək çatışmazlığı, hipertonik xəstəliyi olan pasiyentlərə, yaşlı pasiyentlərə, hər hansı 
səbəbdən qanın sirkulyasiya həcminin azalması (məsələn, böyük cərrahi müdaxilədən sonra) 
müşahidə edilən diuretiklər və ya böyrək funksiyasına təsir edən digər preparatlar qəbul edən 
pasiyentlərə təyini zamanı xüsusilə ehtiyatlı olmaq lazımdır. Belə hallarda diklofenak təyin 
edildikdə, ehtiyat tədbiri qismində böyrəklərin funksiyasına nəzarət etmək məsləhət görülür. 
Preparatla terapiya bitdikdən sonra adətən böyrək funksiyasının başlanğıc vəziyyətinə qədər 
normallaşması qeyd edilir.

Diklofenakın istifadəsi zamanı ölüm sonluğu ilə qanaxma və ya xora/mədə-bağırsaq sisteminin 
perforasiyası kimi hallar qeyd edilmişdir. Belə hallar, yuxarıdakı simptomlar olmaqla və ya 
olmamaqla və anamnezdə və ya onsuz ciddi mədə-bağırsaq xəstəlikləri olan pasiyentlərdə 
preparatın istifadəsi zamanı istənilən vaxt yarana bilər. Yaşlı pasiyentlərdə belə ağırlaşmalar 
ciddi nəticələrə səbəb ola bilər. Diklofenak qəbul edən pasiyentlərdə qanaxma və ya mədə-
bağırsaq sisteminin xorası inkişaf etdikdə, preparatın istifadəsini ləğv etmək lazımdır. Mədə-
bağırsaq sisteminə toksiki təsiri riskinin azaldılması üçün preparatı maksimal qısa müddətdə 
minimal effektiv dozada istifadə etmək lazımdır, bu, xüsusilə anamnezində xüsusi ağırlaşmış 
qanaxmalı və ya perforasiyalı, MBT-nin xoralı zədələnməsi olan pasiyentlərə aiddir, eləcə də, 
yaşlı pasiyentlərə.
Mədə-bağırsaq ağırlaşmalarının inkişafı yüksək riski olan, eləcə də, asetilsalisil turşusunun kiçik 
dozaları ilə və ya mədə-bağırsaq sisteminin zədələnməsi riskini artıra bilən digər dərman 
vasitələrilə terapiya qəbul edən pasiyentlərə qastroprotektorlar qəbul etmək lazımdır.
Diklofenak daxil olmaqla QSİƏP ilə terapiya mədə-bağırsaq anastomozunun 
yaranmaması riskinin artması ilə əlaqələndirilə bilər. Mədə-bağırsaq traktında əməliyyatdan 
sonra diklofenak istifadə edərkən ehtiyatla istifadə olunmalı və diqqətlə həkim nəzarəti 
aparılmalıdır.
Anamnezində MBT-ı zədələnməsi olan pasiyentlər, xüsusil yaşlı şəxslər. Həzm sistemində baş 
verən bütün simptomlar barədə həkimə məlumat verməlidir.
Uzun müddətli terapiyanın aparılması zamanı qaraciyərin funksiyasına, qanın periferik təsvirinə, 
nəcisdə gizli qanın analizinə nəzarət etmək vacibdir.
Diklofenakın uzun müddət istifadəsi zamanı “qaraciyər” fermentlərinin birinin və ya bir 
neçəsinin aktivliyinin artması qeyd edilir. Qaraciyər funksiyasının pozulmasının saxlanması və 
proqressivləşməsi və ya qaraciyər xəstəliklərinin əlamətlərinin və ya digər simptomlar (məsələn, 
eozinofiliya, səpgi və s.) yaranması zamanı preparatın qəbulunu dayandırmaq lazımdır. Nəzərə 
almaq lazımdır ki, diklofenakın istifadəsi fonunda hepatit prodromal hallar olmadan inkişaf edə 
bilər.
Qaraciyər porfiriyası olan pasiyentlərdə diklofenakın istifadəsi zamanı ehtiyatlı olmaq vacibdir, 
belə ki, preparat porfiriya tutmalarına səbəb ola bilər. Diklofenak trombositlərin aqreqasiyasını 
geridönən inhibə edə bilir, bu səbəbə görə hemostazı pozulmuşpasiyentlərdə uzun müddətli 
istifadəsi zamanı müvafiq laborator göstəricilərə ciddi nəzarət etmək lazımdır.
Bronxial astması, mövsüm allergik riniti, burunun selikli qişasının ödemi (o cümlədən, burun 
polipi ilə), ağciyərlərin xroniki obstruktiv xəstəliyi, tənəffüs yollarının xroniki infeksiyası 
(xüsusilə allergik rinitə bənzər simptomlarla assosiasiya olunan), eləcə də, digər dərman 
vasitələrinə qarşı allergiyası (səpgi, qaşınma, övrə) olan pasiyentlərdə diklofenakın təyini zamanı 
xüsusilə ehtiyatlı olmaq lazımdır (reanimasion tədbirlərin aparılmasına hazırlıq).
Diklofenakın istifadəsi zamanı çox nadir hallarda eksfoliativ dermatit, Stivens-Conson sindromu, 
toksik epidermal nekroliz daxil olmaqla, ağır ölüm sonluğu ilə dəri reaksiyaları barədə məlumat 
verilmişdir. Ağır dermatoloji reaksiyaların daha çox riski və inkişafı tezliyi, diklofenakla 
müalicənin birinci ayında qeyd edilmişdir. Preparatı qəbul edən pasiyentlərdə dəri səpgisinin, 
selikli qişaların zədələnməsi ilk əlamətlərinin inkişafı və ya hiperhəssaslığın digər simptomları 
zamanı diklofenakın istifadəsi ləğv edilməlidir.
Hiperhəssaslıq reaksiyaları miokard infarktının inkişafına səbəb ola biləcək ciddi bir allergik 
reaksiya olan Kounis sindromunun inkişafına doğru irəliləyə bilər. Bu cür reaksiyaların 
simptomları arasında diklofenak üçün allergik reaksiya səbəbindən sinə ağrısı ola bilər.
QSİƏP-in, o cümlədən, diklofenakın iltihabəleyhinə təsiri infeksion proseslərin diaqnostikasını 
çətinləşdirə bilər.
Fertilliyə, hamiləlik planlaşdıran qadınlara mənfi təsirilə əlaqədar preparatın istifadəsi məsləhət 
görülmür. Sonsuz pasiyentlərdə (o cümlədən, müayinədən keçən) preparatı ləğv etmək lazımdır.
Şəkərli diabetli pasiyentlərdə 100 mq tabletlərin qəbulu zamanı nəzərə almaq lazımdır ki, 
preparatın tərkibində saxaroza vardır (1 tabletdə 94,7880 mq saxaroza vardır).

Digər dərman vasitələri ilə qarşılıqlı təsiri 
Litium preparatları, diqoksin: diklofenak, qan plazmasında litiumun və diqoksinin 
konsentrasiyasının yüksəlməsinə səbəb ola bilər. Diklofenakla eyni zamanda istifadə edildikdə, 
qan plazmasında litiumun və diqoksinin konsentrasiyasının monitorinqinin aparılması məsləhət 
görülür.
Metotreksat: metotreksatın istifadəsindən 24 saat əvvəl və ya 24 saat sonra diklofenak təyin 
edildikdə, ehtiyat tədbirlərinə riayət etmək vacibdir; nəzərə almaq lazımdır ki, belə hallarda 
qanda metotreksatın konsentrasiyası yüksələ və onun toksik təsiri arta bilər.
Siklosporin: diklofenakın böyrəklərdə prostaqlandinlərin sintezinə təsiri nəticəsində, 
siklosporinin nefrotoksikliyi güclənə bilər. Bu səbəbə görə diklofenakın istifadə olunan dozası 
siklosporindən istifadə etməyən pasiyentlərdə nisbətən aşağı olmalıdır.
Diuretik və hipotenziv preparatlar: diklofenak diuretik və hipotenziv preparatların (məsələn, 
beta-adrenoblokatorların, angiotenzinçevirici fermentin (AÇF) inhibitorlarının) antihipertenziv 
təsirinin aşağı düşməsinə səbəb ola bilər. Pasiyentlərə, xüsusilə, yaşlı pasiyentlərə qeyd olunan 
kombinasiyaları ehtiyatla təyin etmək və bu zaman, arterial təzyiqə müntəzəm nəzarət etmək 
lazımdır. Pasiyentlərin müvafiq hidratasiyasını təmin etmək vacibdir. Nefrotoksiklik riskinin 
yüksəlməsini nəzərə alaraq, müalicəyə başladıqdan sonra və müalicə müddətində, xüsusilə, 
diuretik preparatlardan və AÇF inhibitorlarından eyni zamanda istifadə etdikdə, böyrək 
funksiyalarına nəzarət etmək vacibdir.
Hiperkaliemiyaya səbəb olan preparatlar: diklofenakın kaliumqoruyucu diuretiklərlə, 
siklosporinlə, takrolimusla və ya trimetoprimlə eyni zamanda istifadəsi, qan zərdabında kalium 
konsentrasiyasının yüksəlməsinə gətirib çıxara bilər (dərman preparatlarının qeyd olunan 
kombinasiyasından istifadə etdikdə, həmin göstəriciyə müntəzəm nəzarət etmək lazımdır). 
Antibakterial preparatlar – xinolon törəmələri: xinolon törəmələrindən və diklofenakdan eyni 
vaxtda istifadə edən pasiyentlərdə qıcolmaların inkişaf etməsi barədə ayrı-ayrı məlumatlar 
vardır.
Antikoaqulyantlar və antiaqreqantlar: qanaxmaların inkişaf etmə riskini nəzərə alaraq, 
diklofenakın göstərilən qruplardan olan preparatlarla kombinasiyasını ehtiyatla təyin etmək 
lazımdır. Klinik tədqiqatlarda diklofenakın antikoaqulyantların effektlərinə təsirinin müəyyən 
edilməməsinə baxmayaraq, preparatların göstərilən kombinasiyasından istifadə edən 
pasiyentlərdə qanaxma riskinin yüksəlməsi barədə müxtəlif məlumatlar mövcuddur. Bu 
səbəbdən, dərman preparatlarının qeyd olunan kombinasiyasından istifadə etdikdə, pasiyentlərin 
vəziyyətlərinə müntəzəm və hərtərəfli müşahidənin aparılması tövsiyə olunur. Digər QSİƏP-lər 
kimi, diklofenak yüksək dozada trombositlərin aqreqasiyasını müvəqqəti inhibə edə bilər.
Asetilsalisil turşusu qanda diklofenakın konsentrasiyasını azaldır.
QSİƏP və kortikosteroidlər: diklofenakın digər sistem QSİƏP-lə və ya kortikosteroidlərlə eyni 
vaxtda sistem istifadəsi əlavə təsirlərin yaranma tezliyini artıra bilər (əsasən, mədə-bağırsaq 
sistemi tərəfindən baş verən pozğunluqlar).
Serotoninin geriyə tutulmasının selektiv inhibitorları (SGTSİ): diklofenakın və SGTSİ qrupundan 
olan preparatların eyni zamanda istifadəsi, mədə-bağırsaq qanaxmalarının inkişaf etmə riskinin 
yüksəlməsinə səbəb olur.
Hipoqlikemik preparatlar: klinik tədqiqatlarda müəyyən edilmişdir ki, eyni zamanda istifadə 
edildikdə, diklofenak, hipoqlikemik preparatların effektivliyinə heç bir təsir göstərmir. Lakin, 
həm hipoqlikemiya, həm də hiperqlikemiya hallarının inkişaf etməsi barədə müxtəlif məlumatlar 
mövcuddur ki, bu da, diklofenakın istifadəsi ilə aparılan müalicə müddətində hipoqlikemik 
preparatların dozalarının dəyişdirilməsini tələb edir. Həmin səbəbdən, diklofenakın və 
hipoqlikemik preparatların birlikdə istifadəsi müddətində, qanda qlükoza konsentrasiyasının 
monitorinqinin aparılması tövsiyə olunur.
Fenitoin: fenitoinin sistem təsirinin güclənməsi ehtimalını nəzərə alaraq, fenitoindən və 
diklofenakdan eyni zamanda istifadə etdikdə, qan plazmasında fenitoinin konsentrasiyasına 
nəzarət etmək vacibdir.
Takrolimus: diklofenakla eyni vaxtda istifadəsi zamanı nefrotoksikliyin yüksəlməsi qeyd oluna 
bilər.

Kolestipol və kolestiramin: qeyd edilən preparatlar diklofenakın absorbsiyasının ləngiməsinə və 
ya azalmasına səbəb ola bilər və bu səbəbə görə diklofenakı kolestipolun və ya kolestiraminin 
istifadəsindən ən azı 1 saat əvvəl və ya 4-6 saat sonra istifadə etmək məsləhət görülür. 
Ürək qlikozidləri: ürək qlikozidlərinin və QSİƏP-in eyni vaxyda istifadəsi ürək çatışmazlığının 
kəskinləşməsinə səbəb ola bilər, yumaqcıq filtrasiyası sürətinin azalmasına və qan plazmasında 
ürək qlikozidlərinin konsentrasiyasının yüksəlməsinə səbəb ola bilər.
Mifepriston: mifepristonun effektinin azalması ehtimalını nəzərə alaraq, QSİƏP-i mifepristonun 
istifadəsindən sonra 8-12 gün müddətində istifadə etmək olmaz.
Sefamandol, sefoperazon, sefotetan, valproy turşusu və plikamisin hipoprotrombinemiyanın 
inkişafı tezliyini artırır.
Diklofenakın prostaqlandinlərin sintezinə təsiri böyrəklərdə qızıl preparatlarının toksikliyini 
gücləndirə bilər.
Etanolla, kolxisinlə, kortikotropinlə və dazıotu preparatları ilə eyni vaxtda istifadəsi mədə-
bağırsaq sistemində qanaxmanın inkişafı riskini artırır.
CYP2C9 izofermentin güclü inhibitorları: diklofenakın qan zərdabında konsentrasiyasının 
yüksəlməsi və sistem təsirinin güclənməsi ehtimalını nəzərə alaraq, diklofenakı və CYP2C9 
izofermentin güclü inhibitorlarını (vorikonazol kimi) birlikdə təyin etdikdə, ehtiyat tədbirlərinə 
riayət etmək vacibdir. 
Hamiləlik və laktasiya dövründə istifadəsi 
Hamilə qadınlarda diklofenakın istifadəsinin təhlükəsizliyi barədə kifayət qədər məlumat 
yoxdur. Bu səbəbə görə diklofenakı hamiləliyin I və II trimestrində, yalnız o zaman təyin etmək 
olar ki, ana üçün gözlənilən fayda dölə oaln potensial riskdən üstün olsun.
Prostaqlandinlərin sintezinin digər inhibitorları kimi hamiləliyin son üç ayında diklofenakın da 
istifadəsi əks göstərişdir (uşaqlığın yığılma qabiliyyətinin zəifləməsi və döldə arterial axının 
vaxtından əvvəl bağlanması mümkündür).
Diklofenak az miqdarda ana südünə nüfuz edir. Uşaqda əlavə təsirlərin qarşısını almaq üçün süd 
verən analara preparatı təyin etmək olmaz. Preparatın istifadəsinə eytiyac olduqda, ana südü ilə 
qidalandırmanı dayandırmaq lazımdır. 
Nəqliyyat vasitələrini və digər potensial təhlükəli mexanizmləri idarəetmə qabiliyyətinə 
təsiri 
Diklofenakın istifadəsi fonunda görmə qabiliyyətinin pozulması, başgicəllənmə, yuxuya 
meyillilik və ya mərkəzi sinir sistemində baş verən digər pozğunluqlar müşahidə olunan 
pasiyentlər, nəqliyyat vasitəsini və digər potensial təhlükəli mexanizmləri idarə etməkdən 
çəkinməlidirlər. 
İstifadə qaydası və dozası 
Diklofenakın istifadəsi ilə müalicə qəbul edən bütün pasiyentlərə, preparatı simptomların 
şiddətinin aşağı salınması üçün tələb olunan minimal effektiv dozada və maksimal qısa müddət 
ərzində istifadə etmək lazımdır.
Daxilə, çeynəmədən, yemək vaxtı və ya sonra, kifayət qədər su ilə qəbul edilir. Gündə 1 dəfə 1 
tablet istifadə edilir. Preparatın əlavə qəbuluna ehtiyac olduqda, 50 mq-lıq tabletlərdən istifadə 
edilir. Maksimal sutkalıq doza 150 mq-dır.
Əlavə təsirləri 
Əlavə təsirlərin tezliyi aşağıdakı parametrlərlə təyin edilir: çox tez-tez (≥ 1/10); tez-tez (≥ 1/100 -
< 1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (< 
1/10000); məlum deyil (əldə olan məlumatlar görə tezliyi qiymətləndirmək mümkün deyil).
Mədə-bağırsaq sistemi tərəfindən baş verən pozğunluqlar: tez-tez-epiqastral ağrı, ürəkbulanma, 
qusma, diareya, dispepsiya, meteorizm, anoreksiya; nadir hallarda-qastrit, proktit, mədə-bağırsaq 
traktından (MBT) qanaxma (qanlı qusma, melena, qan qarışığı ilə diareya), bəzən letal sonluğa 
səbəb olan, xüsusilə yaşlı pasiyentlərdə MBT xorası (qanaxma ilə və ya onsuz və ya perforasiya); çox nadir hallarda-stomatit, qlossit, ezofagit, qeyri-spesifik hemorragik kolit, xoralı 
kolitin kəskinləşməsi və ya Kron xəstəliyi, bağırsaqda diafraqmayabənzər strikturun yaranması, 
qəbizlik, pankreatit; məlum deyil-işemik kolit.
Qaraciyər və ödçıxarıcı yollar tərəfindən baş verən pozğunluqlar: tez-tez-aminotransferazalrın 
aktivliyinin artması; nadir hallarda-hepatit, sarılıq, qaraciyər funksiyasının pozulması; çox nadir 
hallarda-ildrım sürətli hepatit, qaraciyərin nekrozu, qaraciyər çatışmazlığı.
Sinir sistemi tərəfindən baş verən pozğunluqlar: tez-tez-başağrı, başgicəllənmə; nadir hallarda-
yuxululuq, yorğunluq; çox nadir hallarda-həssaslığın pozulması, o cümlədən, paresteziya, 
yaddaşın pozulması, tremor, qıcolma, həyəcan, serebrovaskulyar pozulmalar, aseptik meningit, 
məlum deyil-şüurun dumanlanması, halüsinasiya, həssaslığın pozulması, zəiflik.
Psixikanın pozulması: çox nadir hallarda-dezoriyentasiya, depressiya, yuxusuzluq, qorxulu 
yuxular, qıcıqlanma, psixi pozulmalar.
Hiss orqanları tərəfindən baş verən pozğunluqlar: tez-tez-vertiqo; çox nadir hallarda-görmənin 
pozulması (dumanlı görmə, diplopiya), eşitmənin pozulması, qulaqlarda küy, dadbilmə hissinin 
pozulması; məlum deyil-görmə sinirinin nevriti.
Böyrəklər və sidikçıxarıcı yollar tərəfindən baş verən pozğunluqlar: çox nadir hallarda-kəskin 
böyrək çatışmazlığı, hematuriya, proteinuriya, interstisial nefrit, nefrotik sindrom, papillyar
nekroz.
Reproduktiv sistmdə baş verən pozğunluqlar: çox nadir hallarda: impotensiya.
Qan və likmfatik sistem tərəfindən baş verən pozğunluqlar: çox nadir hallarda-trombositopeniya, 
leykopeniya, hemolitik və aplastik anemiya, aqranulositoz, eozinofiliya.
İmmun sistem tərəfindən baş verən pozğunluqlar: hiperhəssaslıq, arterial təzyiqin (AT) 
ifadəolunmuş enməsi və şok daxil olmaqla, anafilaktik/anafilaktoid reaksiyalar; çox nadir 
hallarda-angionevrotik ödem (o cümlədən üzün).
Ürək-damar sistemi trəfindən baş verən pozğunluqlar: çox nadir hallarda-ürəkdöyünmə hissi, 
sinədə ağrı, arterial təzyiqin yüksəlməsi və ya enməsi, vaskulit, ürək çatışmazlığı, miokard 
infarktı; məlum deyil: Kounis sindromu.
Tənəffüs sistemi, döş qəfəsi və divararalığı orqanları tərəfindən baş verən pozğunluqlar: nadir 
hallarda-bronxial astma (təngnəfəslik daxil olmaqla), öskürək, qırtlağın ödemi; çox nadir 
hallarda-pnevmonit.
Dəri və dərialtı toxuma tərəfindən baş verən pozğunluqlar: tez-tez-dəri səpgisi; nadir hallarda-
övrə; çox nadir hallarda-bullyoz səpgi, ekzema, multiformalı eritema və Stivens-Conson 
sindromu, Layell sindromu, eksfoliativ dermatit, dəri qaşınması, saçların tökülməsi, 
fotosensibilizasiya, purpura, o cümlədən, allergik.
Ümumi və yeridilmə nahiyəsində baş verən pozğunluqlar: nadir hallarda-ödem.
Doza həddinin aşılması 
Simptomları
Ürəkbulanma, qusma, epiqastral nahiyədə ağrı, MBT-dən qanaxmalar, diareya, başgicəllənmə, 
baş ağrısı, qulaqlarda küy, qıcolmalar, arterial təzyiqin (AT) aşağı düşməsi, tənəffüsün 
tormozlanması; doza həddinin əhəmiyyətli dərəcədə aşılması baş verdiyi halda – kəskin böyrək 
çatışmazlığı, hepatotoksik təsir. 
Müalicəsi
Mmədənin yuyulması, aktivləşdirilmiş kömürün təyin olunması, arterial hipotenziyanın, 
böyrəklərin funksional pozğunluqlarının, qıcolmaların, MBT zədələnmələrinin, tənəffüs 
tormozlanmasının aradan qaldırılması istiqamətində simptomatik müalicənin aparılması.
Sürətləndirimiş diurez və hemodializ proseduralarının aparılması az effektivdir (preparatın 
zülallarla əhəmiyyətli dərəcədə birləşməsi və intensiv metabolizmi ilə əlaqəli). 
Buraxılış forması
100 mq-lıq uzunmüddətli təsirə malik örtüklü tabletlər. 
10 tablet, polivinilxlorid/polivinilidenxlorid və çap edilmiş alüminium folqa örtüklü konturlu yuvalı qablaşdırmada. 2 konturlu-yuvalı qablaşdırma içlik vərəqə ilə birlikdə karton qutuya 
qablaşdırılır. 
Saxlanma şəraiti 
25° C-dən yuxarı olmayan temperaturda, quru, işıqdan qorunan və uşaqların əli çatmayan yerdə 
saxlamaq lazımdır. 
Yararlılıq müddəti 
5 il. 
Yararlılıq müddəti bitdikdən sonra istifadə etmək olmaz. 
Aptekdən buraxılma şərti 
Resept əsasında buraxılır. 
İstehsalçı/Qeydiyyat vəsiqəsinin sahibi
Hemofarm A.D., Vrşas, Serbiya. 
26300, Vrşas ş., Beoqradskiy yolu bb, Serbiya. 
Tel.: 13/803100, faks: 13/803424. 
İradları qəbul edən təşkilat 
“Nijfarm” SC, Rusiya.
603950, Nijniy Novqorod ş., Salqanskaya k., ev 7.
Tel.: (831) 278-80-88; faks: (831) 430-72-28. 
E-mail: med@stada.ru