Pharmed
DIAZOLIN 0,1GR N10 TB
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“___”__________ 2020-ci il
Dərman vasitəsinin istifadəsi üzrə təlimat (xəstələr üçün)
DİAZOLİN® tabletlər
DIAZOLIN
®
Tərkibi
Təsiredici maddə: 1 tabletin tərkibində 100% quru maddə hesabı ilə 50 mq (0,05 q) və ya 100 mq
(0,1 q) mebhidrolin vardır.
Köməkçi maddələr: laktoza monohidrat, kartof nişastası, povidon, saxaroza, kalsium stearat.
Təsviri
Ağ və ya demək olar ağ rəngdə, hamar səthli, girdə formalı, üzərində bölmə xətti olan tabletlərdir.
Farmakoterapevtik qrupu
Sistem istifadə üçün antihistamin vasitələr.
ATC kodu: R06A X15.
Farmakoloji xüsusiyyətləri
Farmakodinamikası
Mebhidrolin H1- histamin reseptorlarının blokatoru olub, antihistamin preparatlar qrupuna aiddir.
Mebhidrolin bronxların, bağırsaqların saya əzələlərinə histaminin spazmogen effektini, həmçinin onun
damarların keçiriciliyinə təsirini zəiflədir. Birinci nəsil antihistamin preparatlardan fərqli olaraq
(dimedrol, suprastin) onun sedativ və yuxugətirici effekti zəif nəzərə çarpır. Zəif dərəcəli m-xolinoblo-
kator və anesteziyəedici xüsusiyyətlərə malikdir.
Farmakokinetikası
Həzm traktından tez sorulur. Biomənimsənilməsi – 40-60%. Müalicəvi effekt 15-30 dəqiqədən sonra
baş verir, maksimal təsiri 1-2 saatdan sonra müşahidə edilir. Effektin müddəti 2 günə qədər davam edə
bilər. Preparat hematoensefal baryeri praktiki olaraq keçmir, qaraciyərdə metilləşmə yolu ilə
metabolizə olunur, qaraciyər fermentləri induksiya edir, orqanizmdən böyrəklərə xaric olur.
İstifadəsinə göstərişlər
Mövsümi və allergik rinitin, pollinozun, övrənin, qida və dərmanlar ilə bağlı allergiyanın, dəri
qaşınması ilə müşayiət edilən dermatozların (ekzema, neyrodermit) müalicə və profilaktikası.
Əks göstərişlər
Preparatın təsiredici maddəsinə və ya figər komponentlərinə qarşı hiperhəssaslıq. Mədə və 12-barmaq
bağırsağın xora xəstəliyinin kəskinləşmə mərhələsi, mədə-bağırsaq traktın iltihabı xəstəlikləri,
pilorostenoz, prostat vəzisinin hiperplaziyası, bağlıbucaqlı qlaukoma, epilepsiya, ürək ritminin
pozulması.
Xüsusi göstərişlər və ehtiyat tədbirləri
Preparatdan istifadə zamanı tərkibində alkohol olan içkilərdən və ya alkohollu içkilərdən istifadə
etmək məsləhət görülmür. Preparat ağır qaraciyər və/və ya böyrək çatışmazlığında ehtiyatla təyin edilir
(dozaya düzəliş və qəbularası fasilələrin artırılması mümkündür). Preparatın tərkibində laktoza vardır
və buna görə də, qlqktozaya dözülməzliyin irsi formaları olanlarda və ya qlükoza-qalaktoza
malabsorbsiya sindromu olsnlsrda preparatdan istifadə məsləhət görülmür.
Bəzi şəkərlərə qarşı dözümsüzlük olan hallarda preparatın qəbuluna başlamazdan əvvəl həkiminizlə
məsləhətləşin.
Digər dərman vasitələri ilə qarşılıqlı təsiri
Diazolin® yuxugətirici, sedativ və mərkəzi sinir sisteminə tormozlayıcı təsir göstərən digər
preparatların təsirini, həmçinin alkoqolun təsirini gücləndirir.
Hamiləlik və laktasiya dövründə istifadəsi
Hamiləlik və laktasiya dövründə preparatın istifadəsi əks göstərişdir.
Pediatriyada istifadəsi
Preparat 3 yaşdan böyük uşaqlarda istifadə edilir.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri.
Preparatdan istifadə zamanı nəqliyyat vasitəsini idarə etmək və yüksək diqqət tələb edən digər
potensial təhlükəli fəaliyyət növləri ilə məşğul olmaq məsləhət görülmür.
İstifadə qaydası və dozası
Diazolin® böyüklərə və 12 yaşdan yuxarı uşaqlara gündə 1-2 dəfə 100-200 mq dozada yeməkdən sonra
daxilə təyin edilir. Böyüklər üçün maksimal dozalar: birdəfəlik – 300 mq, sutkalıq – 600 mq.
5-12 yaş uşaqlara gündə 1-3 dəfə 50 mq, 3-5 yaş uşaqlara – gündə 1-3 dəfə 50 mq təyin edilir.
Müalicə müddətini həkim xəstəliyin xarakterindən, preparatın klinik effektindən və xəstənin preparata
qarşı dözümlülüyündən asılı olaraq təyin edir.
Əlavə təsirləri
Həzm sisteminə: Diazolin® mədə-bağırsaq traktının selikli qişasını qıcığlandıra bilər, bu da bəzən
dispeptik əlamətlərlə (qıcqırma, ürəkbulanma, epiqastral nahiyədə ağrı) təzahür edir.
Mərkəzi sinir sisteminə: başgicəllənmə, paresteziyalar, kəskin yorğunluq, yuxuya meyllik, görmənin
aydın olmaması, reaksiyaların sürətinin ləngiməsi, tremor, həyacanlıq (gecə).
Digər: ağızda quruluq, sidik ifrazının pozulması, allergik reaksiyalar. Çox nadir hallarda
qranulositopeniya və aqranulositoz əmələ gələ bilər.
Uşaqlarda bəzən paradoksal reaksiyalar müşahidə olunur: yüksək oyanma, tremor, yuxunun
pozulması, əsəbilik.
Qeydiyyatdan sonrakı dövrdə tək-tək hallarda aşağıdakı əlavə reaksiyalar da qeyd olunmuşdur: baş
ağrısı, qaşınma, səpgilər, övrə, Kvinke ödemi.
Doza həddinin aşılması
Preparatın doza həddinin aşılması zamanı müvafiq bölümdə təsvir olunmuş əlavə təsirlərin əmələ
gəlməsinin riski artır. Belə halda preparatın qəbulu dayandırılır, ehtiyac yarandıqda ümumi
detoksikasiya tədbirləri (mədənin yuyulması, sürətləndirilmiş diurez), simptomatik müalicə aparılır.
Buraxılış forması
10 tablet, blisterdə. 1 və ya 2 blister, içlik vərəqə ilə birlikdə karton qutuya qablaşdırılır.
Saxlanma şəraiti
25 ºC-dən aşağı temperaturda, orijinal qutuda, uşaqların əli çatmayan yerdə saxlamaq lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
“Farmak” İSC.
Ukrayna, 04080, Kiyev şəh., Frunze küç., 63.