Pharmed

DIAZOLIN 0,05GR N10 DRJ (UKR)

DİAZOLİN

DİAZOLİN Tərkibi

Təsiredici maddə: 1 drajenin tərkibində 100% quru maddə hesabı ilə 50 mq (0,05 q) və ya 100 mq (0,1 q) mebhidrolin vardır. Köməkçi maddələr: saxaroza, nişasta, talk, sarı mum, günəbaxan yağı.

Farmakoterapevtik qrupu

Sistem istifadə üçün antihistamin vasitələr.

ATC kodu: R06A X15.

Farmakoloji xüsusiyyətləri

Farmakodinamikası: Mebhidrolin H1- histamin reseptorlarının blokatoru olub, antihistamin preparatlar qrupuna aiddir. Mebhidrolin bronxların, bağırsaqların saya əzələlərinə histaminin spazmogen effektini, həmçinin onun damarların keçiriciliyinə təsirini zəiflədir. Birinci nəsil antihistamin preparatlardan fərqli olaraq (dimedrol, suprastin) onun sedativ və yuxugətirici effekti zəif nəzərə çarpır. Zəif dərəcəli m-xolinoblokator və anesteziyəedici xüsusiyyətlərə malikdir.

Farmakokinetikası: Həzm traktından tez sorulur. Biomənimsənilməsi – 40-60%. Müalicəvi effekt 15-30 dəqiqədən sonra baş verir, maksimal təsiri 1-2 saatdan sonra müşahidə edilir. Effektin müddəti 2 günə qədər davam edə bilər. Preparat hematoensefal baryeri praktiki olaraq keçmir, qaraciyərdə metilləşmə yolu ilə metabolizə olunur, qaraciyər fermentləri induksiya edir, orqanizmdən böyrəklərə xaric olur.

İstifadəsinə göstərişlər

Mövsümi və allergik rinitin, pollinozun, övrənin, qida və dərmanlar ilə bağlı allergiyanın, dəri qaşınması ilə müşayiət edilən dermatozların (ekzema, neyrodermit) müalicə və profilaktikası.

Əks göstərişlər

Preparatın komponentlərinə qarşı hiperhəssaslıq. Mədə və 12-barmaq bağırsağın xora xəstəliyinin kəskinləşmə mərhələsi, mədə-bağırsaq traktın iltihabı xəstəlikləri, pilorostenoz, prostat vəzisinin hiperplaziyası, qapalıbucaqlı qlaukoma, epilepsiya, ürək ritminin pozulması.

Xüsusi göstərişlər və ehtiyat tədbirləri

Diazolin ağır qaraciyər və/və ya böyrək çatışmazlığında ehtiyatla təyin edilir (dozaya düzəliş və qəbularası fasilələrin artırılması mümkündür). Diazolin ilə müalicə zamanı alkoqollu içkilərin qəbulu tövsiyə olunmur. Bəzi şəkərlərə qarşı dözülməzlik olan hallarda preparatın qəbuluna başlamazdan əvvəl həkiminizlə məsləhətləşin.

Digər dərman vasitələri ilə qarşılıqlı təsiri

Diazolin yuxugətirici, sedativ və mərkəzi sinir sisteminə tormozlayıcı təsir göstərən digər preparatların təsirini, həmçinin alkoqolun təsirini gücləndirə bilər.

Hamiləlik və laktasiya dövründə istifadəsi

Hamiləlik və laktasiya dövründə preparatın istifadəsi əks göstərişdir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri.

Preparatdan istifadə zamanı nəqliyyat vasitəsini idarə etmək və yüksək diqqət tələb edən digər potensial təhlükəli fəaliyyət növləri ilə məşğul olmaq məsləhət görülmür. Uşaqlar. Preparat 3 yaşdan yuxarı olan uşaqlarda istifadə edilir.

DİAZOLİN İstifadə qaydası və dozası

Diazolin böyüklərə və uşaqlara 12 yaşdan başlayaraq gündə 1-2 dəfə 100-200 mq dozada yeməkdən sonra daxilə təyin edilir. Böyüklər üçün maksimal dozalar: birdəfəlik – 300 mq, sutkalıq – 600 mq. 5-12 yaş uşaqlara gündə 1-3 dəfə 50 mq, 3-5 yaş uşaqlara – gündə 1-2 dəfə 50 mq təyin edilir. Müalicənin davametmə müddətini həkim xəstəliyin xarakterindən, preparatın klinik effektindən və xəstənin preparata qarşı dözümlülüyündən asılı olaraq təyin edir.

Əlavə təsirləri

Həzm sisteminə: Diazolin mədə-bağırsaq traktın selikli qişalarını qıcığlandıra bilər, buda ki bəzən dispeptik əlamətlərlə (qıcqırma, ürəkbulanma, epiqastral nahiyədə ağrı) təzahür edir.

Mərkəzi sinir sisteminə: başgicəllənmə, paresteziyalar, kəskin yorğunluq, yuxuya meyllik, görmənin aydın olmaması, reaksiyaların sürətinin ləngiməsi, tremor, həyəcan (gecə).

Digər: ağızda quruluq, sidik ifrazının pozulması, allergik reaksiyalar. Çox nadir hallarda qranulositopeniya və aqranulositoz əmələ gələ bilər. Uşaqlarda bəzən parodoksal reaksiyalar müşahidə olunur: yüksək oyanıqlıq, tremor, yuxunun pozulması, əsəbilik, qıcıqlanma. Postmarketinq dövründə tək-tək hallarda aşağıdakı əlavə reaksiyalar qeyd olunmuşdur: başağrısı, qaşınma, səpgilər, övrə, Kvinke ödemi.

Doza həddinin aşılması

Preparatın doza həddinin aşılması zamanı müvafiq bölümdə təsvir olunmuş əlavə təsirlərin əmələ gəlməsinin riski artır. Belə halda preparat ləğv edilir, ehtiyac yarandıqda ümumi detoksikasiya tədbirləri (mədənin yuyulması, sürətləndirilmiş diurez), simptomatik müalicə keçirilir.

Buraxılış forması

10 draje blisterdə (karton qutusuz). 10 draje, blisterdə. 2 blister, içlik vərəqə ilə birlikdə karton qutuya qablaşdırılır.

Aptekdən buraxılma şərti

Reseptsiz buraxılır.