Pharmed
ADAPTOL 300MG N40 CAP
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“_____”______________ 2022-ci il
Dərman vasitəsinin istifadəsi üzrə təlimat (xəstələr üçün)
ADAPTOL®
300 mq kapsullar
ADAPTOL
Beynəlxalq patentləşdirilməmiş adı: yoxdur.
Ümumi qəbul olunmuş adı: Mebicar (mebikar).
Tərkibi
Təsiredici maddə: 1 kapsulda 300 mq mebikar vardır.
Köməkçi maddələr: metilsellüloza, kalsium stearat.
Kapsulun gövdəsi və qapağı: titan dioksid, jelatin.
Təsviri
Ağ/ağ rəngli, möhtəviyyatı ağ və ya demək olar ki, ağ rəngdə tozdan ibarət bərk jelatin
kapsullardır, şüşə çubuqla toxunan zaman səpilən preslənmiş sütun şəklində olmasına yol verilir.
Hissəciklərin ölçülərinə görə bircinsli olmamasına yol verilir.
Farmakoterapevtik qrupu
Anksiolitik vasitə.
ATC kodu: N05BX.
Farmakolojı xüsusiyyətləri
Adaptol dərman vasitəsi anksiolitik dərmanlar qrupuna aiddir. Adaptol həyəcanı, narahatlığı,
qorxunu, daxili emosional gərginliyi və qıcıqlanmanı aradan qaldırır və ya zəiflədir.
Preparatın sakitləşdirici təsiri miorelaksasiya və hərəkət koordinasiyasının pozulmaları ilə
müşayiət edilmir. Preparat əqli və hərəki aktivliyi zəiflətmir, bu səbəbə görə Adaptolu iş günü
ərzində və dərs vaxtı istifadə etmək olar. Preparat əhval-ruhiyyəni qaldırmır və eyforiya hissi
yaratmır. Yuxugətirici effektə malik deyil, lakin yuxugətirici vasitələrin təsirini gücləndirir və
yuxunun gedişatında pozulmaları yaxşılaşdırır. Adaptol nikotin abstinensiyasını yüngülləşdirir
və ya aradan qaldırır.
Alkoqola meylli xəstələrin qan plazmasında endogen etil spirtinin səviyyəsi aşağıdır, bu alkoqola
güclü meylliliyin əsas səbəblərindən biridir. Adaptol digər trankvilizatorlardan çox endogen
alkoqolun səviyyəsini artırır, alkoqola meylliliyi azaldır.
Preparat mədə-bağırsaq sistemindən yaxşı sorulur. Preparatın daxilə qəbulundan sonra təsiredici
maddənin qanda maksimal konsentrasiyası 0,5 saatdan sonra qeyd edilir; onun yüksək səviyyəsi
3-4 saat ərzində saxlanılır, sonra isə tədricən azalır. Adaptol orqanizmdən sutka ərzində tam
olaraq sidiklə və nəcislə xaric olur. Preparat orqanizmdə toplanmır.
İstifadəsinə gostərişlər
− Qıcıqlanma, emosional dayanıqsızlıq, həyəcan və qorxu təzahürləri ilə nevroz və
nevrozabənzər hallar.
− Müxtəlif mənşəli kardialgiya (ürəyin işemik xəstəliyi ilə əlagəsi olmayan).
− Neyroleptiklərin və trankvilizatorların qəbulunun yaxşı keçirilməsi üçün onlarla törədilən
somatovegetativ və nevroloji effektləri aradan qaldırmaq məqsədilə.
− Tütün çəkməyə meylliliyi azaldan vasitə kimi kompleks müalicə zamanı.
Əks göstərişlər
Preparatın istənilən komponentinə qarşı yüksək həssaslıq.
Xüsusi göstərişlər və ehtiyat tədbirləri
Kəskin yüksək həssaslıq reaksiyaları barədə ayrı-ayrı məlumatlar alınmışdır.
Digər dərman vasitələri ilə qarşılıqlı təsiri
Adaptol neyroleptiklərlə, trankvilizatorlarla (benzodiazepinlər), yuxugətirici vasitələrlə,
antidepressantlarla və psixostimullaşdırıcı preparatlarla birlikdə istifadə edilə bilər.
Hamiləlik və laktasiya dövründə istifadəsi
Preparatın təsiredici maddəsi orqanizmin bütün toxumalarına və mayelərinə yaxşı nüfuz edir.
Hamiləlik və laktasiya dövründə dərman vasitəsinin istifadəsinə dair kifayət qədər adekvat
nəzarət edilən klinik tədqiqatlar aparılmamışdır, bu səbəbə görə bu dövrlərdə preparatı təyin
etmək məsləhət görülmür.
Nəqliyyat vasitələrini və digər potensal təhlükəli mexanizimləri idarəetmə qabiliyyətinə
təsiri
Preparat arterial təzyiqin enməsinə və zəifliyə səbəb ola bilər ki, bu da nəqliyyat vasitələrini və
mexanizmləri idarə etmək qabiliyyətinə təsir edə bilər.
İstifadə qaydası və dozası
Adaptol qida qəbulundan asılı olmayaraq daxilə qəbul edilir.
Böyüklərə gündə 2-3 dəfə 300-600 mq təyin edilir.
Birdəfəlik maksimal doza 3 q, yüksək sutkalıq doza 10 q təşkil edir.
Müalicə kursunun müddəti bir neçə gündən 2-3 aya qədərdir.
Tütün çəkməyə meylliliyi azaldan vasitə kimi kompleks müalicə zamanı preparat gündə 600 -900
mq dozada 5-6 həftə ərzində təyin edilir.
Yaşlı pasiyentlərdə dozanın azaldılmasına ehtiyac yoxdur.
Qaraciyər çatışmazlığı olan pasiyentlərdə dozanın azaldılması tələb edilmir.
Böyrək çatışmazlığı olan pasiyentlər üçün doza öyrənilməmişdir. Belə pasiyentlər dərman
vasitəsini ehtiyatla qəbul etməlidirlər.
Pediatrik populyasiya
Uşaqlarda və 18 yaşa qədər yeniyetmələrdə Adaptolun istifadəsinin effektivliyi və təhlükəsizliyi
haqda məlumat yoxdur.
Preparatın qəbulu unudulduqda, ilk yada düşən kimi onu qəbul etmk lazımdır, lakin növbəti
qəbulun vaxtı yaxınlaşdıqda, qəbulu ötürmək lazımdır. Heç vaxt ikiqat doza qəbul etmək olmaz.
Əlavə təsirləri
Bütün dərman vasitələri kimi Adaptolun da əlavə təsirləri ola bilər, bu təsirlər hamıda təzahür etmir.
MedDRA (Terminoloji reqlamentar fəaliyyətin tibbi lüğəti) sisteminin təsnifatı üzrə əlavə
təsirlərin tezliyi: çox tez-tez (≥1/10); tez-tez (≥1/100-dən 1/10-a qədər); bəzən (≥1/1000-dən
1/100-ə qədər); nadir (≥1/10 000-dən 1/1000-ə qədər); çox nadir (<1/10 000); məlum deyil
(əldə olan məlumatlara görə təyin etmək mümkün deyil).
Tənəffüs sistemində baş verən pozuntular: tezliyi məlum deyil – bronxospazm tutmaları.
Sinir sistemində baş verən pozuntular: nadir - başgicəllənmə, başağrısı.
Qan-damar sistemində baş verən pozuntular: nadir – arterial təzyiqin enməsi.
Mədə-bağırsaq sistemində baş verən pozuntular: tezliyi məlum deyil – iştahanın azalması,
nadir – həzmin pozulması (ağızda acılıq, ürəkbulanma, qusma, qarında ağrı, ishal.
Dəridə və dərialtı toxumada baş verən pozuntular: nadir - yüksək dozaların qəbulundan sonra
allergik reaksiyalar (dilin, dodaqların, göz qapaqlarının, üzün ödemi, səpgi, dəri qaşınması,
angionevrotik ödem, eritema, övrə), hiperhidroz ola bilər. Allergik reaksiyalar zamanı preparatın
qəbulunu dayandırmaq lazımdır.
Böyrəklər və sidik-ifrazat sistemində baş verən pozuntular: tezliyi məlum deyil - poliuriya,
nikturiya.
Ümumi və yeridilmə nahiyəsində baş verən pozuntular: nadir - bədən temperaturunun enməsi,
zəiflik.
Arterial təzyiqin enməsi və/və ya bədən temperaturunun azalması (bədən temperaturu 1-1,5°С
azala bilər) preparatın qəbulunu dayandırmaq üçün səbəb deyil. Arterial təzyiq və bədən
temperaturu müalicə kursu bitdikdən sonra normaya düşür.
Müalicə dövründə təlimatda qeyd edilməyən hər hansı əlavə təsir yarandıqda və ya sadalanan
əlavə təsirlər xüsusilə güclü təzahür etdikdə, həkimə müraciət etmək lazımdır.
Doza həddinin aşılması
Preparat az toksikdir. Doza həddinin aşılmasına şübhə yarandıqda, həkim çağırmaq, ümumi
qəbul olunmuş detoksikasiya üsulları və simptomatik müalicə aparmaq lazımdır.
Buraxılış forması
10 kapsul polivinilxlorid örtüklü və laklanmış alüminium folqalı blisterdə. 2, 3 və ya 4 blister
içlik vərəqə ilə birlikdə karton qutuya qablaşdırılır.
Saxlanma şəraiti
25ºC-dən yüksək olmayan temperaturda, rütubətdən və işıqdan qorunan və uşaqların əli
çatmayan yerdə saxlamaq lazımdır.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasınada buraxılır.
İstehsalçı/Qeydiyyat vəsiqəsinin sahibi
“Olaynfarm” SC.
Rupnitsu k., 5, Olayne, LV-2114, Latviya.